സ്ഥാനാരോഹണചടങ്ങിലെ തിരക്ക്: സുധാകരന്‍ വരുന്നതിന്റെ ആവേശത്തിലായിരുന്നു പ്രവര്‍ത്തകരെന്ന് സതീശന്‍


വി.ഡി സതീശൻ | ഫോട്ടോ: ബി.മുരളീകൃഷ്ണൻ

തിരുവനന്തപുരം:കെ.പി.സി.സി. പ്രസിഡന്റായി കെ.സുധാകരന്‍ സ്ഥാനമേല്‍ക്കുന്ന ചടങ്ങില്‍ പ്രവര്‍ത്തകര്‍ തടിച്ചുകൂടിയതിനെതിരേയുളള വിമര്‍ശനത്തില്‍ പ്രതികരിച്ച് പ്രതിപക്ഷ നേതാവ് വി.ഡി.സതീശന്‍. കെ.പി.സി.സി ആസ്ഥാനത്തെ തിരക്കൊഴിവാക്കാന്‍ പരമാവധി ശ്രമിച്ചിരുന്നതായും കെ.പി.സി.സി ഓഫീസിന്റെ ഗേറ്റ് വരെ അടച്ച് തിരക്കൊഴിവാക്കാന്‍ ശ്രമം നടത്തിയതാണെന്നും അദ്ദേഹം പറഞ്ഞു.

'പ്രവര്‍ത്തകര്‍ സുധാകരന്‍ അധികാരം ഏറ്റെടുക്കുന്നതിന്റെ ആവേശത്തിലായിരുന്നു. കേരളത്തിന്റെ വിവിധ ഭാഗങ്ങളില്‍നിന്നും ഡി.സി.സി പ്രസിഡന്റുമാര്‍ ഉള്‍പ്പെടെയുള്ളവര്‍ തലസ്ഥാനത്ത് എത്തിയിരുന്നു. ആളുകളെ നിയന്ത്രിക്കാനായി വാതിലിന് സമീപം ആള്‍ക്കാരെ നിര്‍ത്തിയിരുന്നു. പരമാവധി ആള്‍ക്കാരെ നിയന്ത്രിക്കാന്‍ ശ്രമിച്ചതാണ്.'- വി.ഡി സതീശന്‍ തിരുവനന്തപുരത്ത് മാധ്യമപ്രവര്‍ത്തകരോട് പറഞ്ഞു.

കെ.പി.സി.സി പ്രസിഡന്റായി കെ. സുധാകരന്‍ ചുമതലയേറ്റടുക്കുന്ന ചടങ്ങിലുണ്ടായ തിരക്ക് വലിയ വിമര്‍ശനത്തിന് ഇടയാക്കിയിരുന്നു. ചടങ്ങില്‍ സാമൂഹിക അകലം പാലിക്കാത്തതിന് പ്രാദേശിക നേതാക്കളടക്കം നൂറോളം ആളുകളുടെ പേരില്‍ പകര്‍ച്ചവ്യാധി നിയന്ത്രണ നിയമപ്രകാരം പോലീസ് കേസെടുത്തിരുന്നു.

വിമര്‍ശനങ്ങള്‍ ഉള്‍ക്കൊള്ളുന്നു. കുറേക്കൂടി ശ്രദ്ധിക്കേണ്ടതായിരുന്നു എന്നാണ് വ്യക്തിപരമായ അഭിപ്രായം. കേസെടുത്തതിന് എതിരല്ലെന്ന് പറഞ്ഞ സതീശന്‍ ഏകപക്ഷീയമാകരുതെന്നും അഭിപ്രായപ്പെട്ടു. പുന്നപ്രയിലും പി.കെ.കുഞ്ഞനന്തന്റെ മരണാനന്തര ചടങ്ങിലും കേസെടുത്തില്ലെന്നും അദ്ദേഹം ചൂണ്ടിക്കാട്ടി.

ചെന്നിത്തലയുടെ പരാമര്‍ശത്തെ കുറിച്ചും അദ്ദേഹം പ്രതികരിച്ചു. രാഷ്ട്രീയത്തില്‍ ഇതെല്ലാം സ്വാഭാവികമാണെന്നായിരുന്നു സതീശന്റെ മറുപടി. വിശ്വസിച്ചവര്‍ എല്ലായ്‌പ്പോഴും കൂടെ ഉണ്ടാകണമെന്നില്ല. അവര്‍ക്കും അഭിപ്രായങ്ങളുണ്ടാകാമെന്നും സതീശന്‍ പറഞ്ഞു.

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


10:51

പട്ടാളമില്ലെങ്കിലും സേഫായ രാജ്യം, ഉയര്‍ന്ന ശമ്പളം, വിശേഷദിനം ഓഗസ്റ്റ് 15 | Liechtenstein

Jul 25, 2022

Most Commented