പത്തനംതിട്ട: കൊറോണ വൈറസ്ബാധയെത്തുടര്‍ന്ന് അമേരിക്കയില്‍ ഒരു മലയാളി കൂടി മരിച്ചു. പത്തനംതിട്ട വാര്യാപുരം സ്വദേശി ജോസഫ് കുരുവിളയാണ് മരിച്ചത്. 

കഴിഞ്ഞ രണ്ടാഴ്ചയായി ആശുപത്രിയില്‍ ചികിത്സയിലായിരുന്നു ഇദ്ദേഹം. വെന്റിലേറ്ററിന്റെ സഹായത്തോടെയാണ് ജീവന്‍ നിലനിര്‍ത്തിയിരുന്നത്.

ആരോഗ്യ നില വഷളായതിനെ തുടര്‍ന്ന് തിങ്കളാഴ്ച വൈകുന്നേരത്തോടെയാണ് മരണം സംഭവിച്ചത്.

ആറ് മാസത്തിന് മുന്‍പ് ഇദ്ദേഹം നാട്ടില്‍ വന്ന് പോയിരുന്നു. 

അതേസമയം കൊറോണ വൈറസ് ബാധയെത്തുടര്‍ന്ന് അമേരിക്കയില്‍ മരിച്ച മലയാളികളുടെ എണ്ണം ആറായി. കഴിഞ്ഞ ദിവസം മരിച്ച വൃദ്ധദമ്പതികളുടെ സംസ്‌കാരം ബുധനാഴ്ച നടക്കും. 

Content Highlights: one keralite who died in America affected corona