ഒല സ്‌കൂട്ടര്‍ ബുക്ക് ചെയ്യാന്‍ നമ്പര്‍ ഗൂഗിള്‍ ചെയ്തു, കിട്ടിയ നമ്പരില്‍ പണമയച്ചു; 20,000 നഷ്ടമായി


വടുതല സ്വദേശിക്കാണ്‌ പണം നഷ്ടപ്പെട്ടത്

പ്രതീകാത്മകചിത്രം | മാതൃഭൂമി

ആലപ്പുഴ: വെബ്സൈറ്റിൽക്കണ്ട ഫോൺനമ്പരിൽ വിളിച്ച് വൈദ്യുതിസ്കൂട്ടർ ബുക്കു ചെയ്തയാളെ കബളിപ്പിച്ച് 20,000 രൂപ തട്ടിയെടുത്തു. ഒല സ്കൂട്ടർ ബുക്കുചെയ്യാൻ ഗൂഗിളിൽ തിരഞ്ഞപ്പോൾ കിട്ടിയ നമ്പരിൽ പണമയച്ചുകൊടുത്താണ് തട്ടിപ്പിനിരയായത്. എറണാകുളം വടുതല സ്വദേശി മാർട്ടിനാണ് പണം നഷ്ടപ്പെട്ടത്.

ബുക്കുചെയ്യാൻ 999 രൂപയും വ്യക്തിവിവര രേഖകളും നൽകിയാൽ മതിയെന്ന് നമ്പരിൽ വിളിച്ചപ്പോൾ മറുപടി കിട്ടി. അവ അയച്ചപ്പോൾ വണ്ടി ബുക്കുചെയ്തതായി ഫോണിൽ സന്ദേശം ലഭിക്കുകയുംചെയ്തു. മാത്രമല്ല, മുമ്പ് ഒലയുടെ മറ്റൊരു മോഡൽ ബുക്കുചെയ്തതു റദ്ദായ ഇനത്തിലുള്ള 499 രൂപയും തിരിച്ചുതന്നു.



20,000 രൂപ അയച്ചുകൊടുത്താൽ അഞ്ചുദിവസത്തിനകം വാഹനം നൽകാമെന്ന വാഗ്ദാനത്തോടെ തുടർന്ന് വിളിവന്നു. 84,999 രൂപയുടെ സ്കൂട്ടറിന് 26,500 രൂപയുടെ പ്രത്യേക കിഴിവു നൽകാമെന്നും വിശ്വസിപ്പിച്ചു. മാർട്ടിൻ പണം ഗൂഗിൾ പേ ചെയ്തു. കുറച്ചു സമയത്തിനകം അടച്ച തുകയും ബാക്കി നൽകാനുള്ള തുകയും രേഖപ്പെടുത്തിയ രസീത്‌ ലഭിച്ചു.

വാഹനം ഉടനെ നൽകാമെന്നും ബാക്കി 37,500 രൂപകൂടി അടയ്ക്കണമെന്നുംപറഞ്ഞ് അടുത്ത ദിവസം വീണ്ടും വിളിവന്നു. പണം അക്കൗണ്ടിലില്ലാത്തതിനാൽ ആലപ്പുഴയിലെ സുഹൃത്തിനോടു ചോദിച്ചു. ലഭിച്ച രേഖകളും സുഹൃത്തിനയച്ചു. സംശയം തോന്നിയ സുഹൃത്ത് ഒല കമ്പനിയുടെ ഉപഭോക്തൃസേവന കേന്ദ്രവുമായി ബന്ധപ്പെട്ടപ്പോൾ മാർട്ടിന്റെ പേരിൽ 999 രൂപയടച്ച് സ്കൂട്ടർ ബുക്കുചെയ്തിട്ടുണ്ടെന്ന് മറുപടി കിട്ടി. എന്നാൽ, 20,000 രൂപ ലഭിച്ചിട്ടില്ലെന്നും രസീത് തങ്ങളുടേതല്ലെന്നും അവർ പറഞ്ഞു. മാത്രമല്ല, ബുക്കുചെയ്ത വാഹനം ഫെബ്രുവരിയിലേ ഇറങ്ങൂവെന്നും അവർ പറഞ്ഞു. യഥാർഥ ഇൻവോയ്സിൽ തിരിമറി നടത്തിയതായാണു സംശയം. പോലീസിൽ പരാതി നൽകുമെന്ന് മാർട്ടിൻ പറഞ്ഞു.

Content Highlights: ola scooter google search number money transfer financial fraud


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


vizhinjam port

2 min

അദാനിക്ക് നഷ്ടം 200 കോടി; സമരക്കാര്‍ നല്‍കണം, സര്‍ക്കാര്‍ തീരുമാനം ഹൈക്കോടതിയെ അറിയിക്കും

Nov 28, 2022


vizhinjam

2 min

പോലീസുകാരെ സ്‌റ്റേഷനിലിട്ട് കത്തിക്കുമെന്ന് ഭീഷണിമുഴക്കി; 85 ലക്ഷം രൂപയുടെ നാശനഷ്ടമെന്ന് FIR

Nov 28, 2022

Most Commented