ദേശീയ പാതകളിലെ കുഴി; ശാശ്വത പരിഹാരം തേടി മുഹമ്മദ് റിയാസ് ഗഡ്കരിയെ കണ്ടു


മന്ത്രി പിഎ മുഹമ്മദ് റിയാസ് മാധ്യമങ്ങളെ കാണുന്നു, എംവി ശ്രേയാംസ് കുമാർ എംപി സമീപം | Photo: മാതൃഭൂമി

ന്യൂഡൽഹി: കേരളത്തിലെ റോഡ്‌ വികസനവുമായി ബന്ധപ്പെട്ട പുതിയ സാധ്യതകളെക്കുറിച്ച് കേന്ദ്ര ഉപരിതല ഗതാഗത വകുപ്പ് മന്ത്രി നിതിന്‍ ഗഡ്‍കരിയുമായി ചർച്ച നടത്തി പൊതുമരാമത്ത് വകുപ്പ് മന്ത്രി പിഎ മുഹമ്മദ് റിയാസ്. കേരളത്തിലെ തുറമുഖങ്ങളെ ബന്ധിപ്പിക്കുന്ന റോഡുകളുടെ സാധ്യതകളെക്കുറിച്ച് നിതിൻ ഗഡ്കരിയുമായുള്ള കൂടിക്കാഴ്ചയിൽ ചർച്ച നടത്തിയതായി അദ്ദേഹം കൂടിക്കാഴ്ചയ്ക്ക് ശേഷം വ്യക്തമാക്കി. എം.വി ശ്രേയാംസ്‌കുമാര്‍ എം.പിയും കൂടിക്കാഴ്ചയിൽ പങ്കെടുത്തു.

സംസ്ഥാനത്തെ ദേശീയപാതകളിൽ 240 കിലോമീറ്റർ മാത്രമാണ് പൊതുമരാമത്ത് വകുപ്പിന് കീഴിലുള്ളത്. ഭൂരിപക്ഷവും നാഷണൽ ഹൈവേ അതോറിറ്റി ഓഫ് ഇന്ത്യയുടെ കീഴിലാണ്. 1233 കിലോമീറ്റർ കേന്ദ്ര സർക്കാരിന്റെ കീഴിലാണ്. ദേശീയ പാത ആറ് വരിയാക്കാൻ വേണ്ടി കൈമാറ്റം ചെയ്തതിന് ശേഷം റോഡുകളിൽ ഒരുപാട് കുഴികൾ രൂപപ്പെട്ടിട്ടുണ്ട്. കൈമാറുന്നതിന് മുമ്പ് പൊതുമരാമത്ത് വകുപ്പിന് നേരിട്ട് കുഴികൾ അടക്കാനുള്ള സംവിധാനം ഉണ്ടായിരുന്നു. കൈമാറിയതിന് ശേഷം കുഴികൾ അടക്കണമെങ്കിൽ പൊതുമരാമത്ത് വകുപ്പിനെ സംബന്ധിച്ചിടത്തോളം എൻഎച്ച്ഐയുടെ കൃത്യമായ അനുവാദവും ഫണ്ടും വേണം. അത് ഒരുപാട് സമയമെടുക്കും. ഇക്കാര്യം കേന്ദ്ര മന്ത്രിയെ ധരിപ്പിച്ചതായും മന്ത്രി പറഞ്ഞു.

ഇതിന് ശാശ്വതമായ ഒരു പരിഹാരം വേണ്ടതുണ്ട്. ഇതിനായി കിലോമീറ്ററിന് ഒരു നിശ്ചിത തുക കണക്കാക്കി സംസ്ഥാനത്തെ എൻഎച്ച്എഐയ്ക്ക് കീഴിലുള്ള റോഡുകളുടെ അറ്റകുറ്റ പണിക്ക് വകയിരുത്തണമെന്ന് കേന്ദ്രമന്ത്രിയോട് അഭ്യർത്ഥിച്ചതായും മന്ത്രി മുഹമ്മദ് റിയാസ് പറഞ്ഞു. എത്രയും പെട്ടെന്ന് വേണ്ടത് ചെയ്യുമെന്ന് ഉദ്യോഗസ്ഥരോട് അപ്പോൾ തന്നെ നിർദ്ദേശിച്ചതായും അദ്ദേഹം കൂട്ടിച്ചേർത്തു.

തിരുവനന്തപുരം ഔട്ടർ റിംഗ് റോഡ് പദ്ധതിക്ക് എങ്ങനെയായിരിക്കണമെന്ന കാഴ്ചപ്പാട് കേന്ദ്രമന്ത്രി പങ്കുവെച്ചതായും മന്ത്രി പറഞ്ഞു.

Content Highlights: Minister muhammed riyas meet with nitin gadkari


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented