കൊച്ചി: പുതുവത്സരാഘോഷത്തിന് പിന്നാലെ ഫോര്‍ട്ട് കൊച്ചി പരിസരം മെഗാക്ലീനിംഗിലൂടെ ശുചിയാക്കി മാതൃകയായി. ഈ നാട് വരും തലമുറക്ക് കൂടി എന്ന സന്ദേശമുയര്‍ത്തിക്കൊണ്ടായിരുന്നു മെഗാ ക്ലീനിംഗ് സംഘടിപ്പിച്ചത്.
ഗ്രീന്‍കൊച്ചി മിഷന്റെ നേതൃത്വത്തിലായിരുന്നു മെഗാക്ലീനിംഗ് പരിപാടി സംഘടിപ്പിച്ചത്. വിദ്യാര്‍ഥികളടക്കം നാലായിരത്തോളം പേരാണ് മെഗാക്ലീനിംഗില്‍ പങ്കെടുത്തത്.
രാവിലെ രണ്ട് മണിക്കൂര്‍ കൊണ്ടാണ് ഫോര്‍ട്ട് കൊച്ചി, ബീച്ച്, പുതുവത്സരാഘോഷം നടന്ന പരേഡ് ഗ്രൗണ്ട് തുടങ്ങിയ എന്നിവിടങ്ങളെല്ലാം പൂര്‍ണമായും ശുചീകരിച്ചത്. ശേഖരിച്ച മാലിന്യങ്ങള്‍ പ്രത്യേകം വേര്‍തിരിച്ച് സംസ്‌കരിക്കും.
സി ഐ എസ് എഫ്, നാവികസേന, എക്സൈസ് തുടങ്ങി വിവിധ വകുപ്പുകളില്‍ നിന്നുള്ള ഉദ്യോഗസ്ഥരും വിവിധ സ്‌കൂളുകളിലെ വിദ്യാര്‍ഥികള്‍, എന്‍ എസ് എസ് വോളന്റിയര്‍മാരും മെഗാക്ലീനിങില്‍ പങ്കാളികളായി.
Content Highlights: Mega Cleaning initiative in fort kochi
