മസാലബോണ്ടിന്റെ ഭൂരിഭാഗവും വാങ്ങിയത് ലാവലിന്റെ ഉപകമ്പനി: ആരോപണവുമായി കുഴല്‍നാടന്‍


-

തിരുവനന്തപുരം: മസാലബോണ്ടിന്റെ ഭൂരിഭാഗവും വാങ്ങിയിരിക്കുന്നത് ലാവ്‌ലിന് കമ്പനിയുടെ സബ്‌സിഡറി ആയിട്ടുളള സിഡിപിക്യു എന്ന് പറയുന്ന കനേഡിയന്‍ ഇന്‍വെസ്റ്റിങ് ഏജന്‍സിയാണെന്നുപ റഞ്ഞാല്‍ തടയാനുളള ആര്‍ജവം ധനമന്ത്രി തോമസ് ഐസക്കിനുണ്ടോയെന്ന് വെല്ലുവിളിച്ച് മാത്യു കുഴല്‍നാടന്‍. മസാലാബോണ്ടിറക്കാന്‍ ഉദ്ദേശിച്ച് ആദ്യമിറക്കിയ ഓഫര്‍ ലെറ്ററില്‍ മാറ്റം വരുത്തിയെന്നും മാത്യു കുഴല്‍നാടന്‍ ആരോപിച്ചു.

മസാലബോണ്ട് സംബന്ധിച്ച് കിഫ്ബിക്കെതിരേ എന്‍ഫോഴ്‌സ്‌മെന്റ് ഡയറക്ടറേറ്റ് കേസെടുത്തതിനെ സംസ്ഥാന സര്‍ക്കാരുമായി ഏറ്റുമുട്ടാനാണ് കേന്ദ്രം ശ്രമിക്കുന്നതെന്ന് തോമസ് ഐസക് ആരോപിച്ചിരുന്നു. ആരുടെയും കളളപ്പണം വെളുപ്പിക്കാന്‍ കിഫ്ബിയെ ഉപയോഗിക്കാന്‍ സാധിക്കില്ലെന്നും കിഫ്ബി ധനസമാഹരണം നടത്തുന്നത് സംബന്ധിച്ച് പ്രാഥമിക ധാരണ പോലും ഇല്ലാതെയാണ് കളളക്കഥകള്‍ പ്രചരിപ്പിക്കുന്നതെന്നും ഐസക് ആരോപിച്ചിരുന്നു.

എന്നാല്‍ 2150 കോടിയുടെ മസാല ബോണ്ട് ഇഷ്യൂ ചെയ്തതില്‍ 16 നിക്ഷേപകര്‍ മാത്രമാണ് ഭാഗമായിട്ടുളളതെന്ന് മാത്യു കുഴല്‍നാടന്‍ പറഞ്ഞു. എന്നാല്‍ അവരുടെ പേരു വെളിപ്പെടുത്താനോ എത്രശതമാനമാണ് അവരുടെ പങ്ക് എന്ന് വെളിപ്പെടുത്താനോ തയ്യാറായിട്ടില്ലെന്നും കുഴല്‍നാടന്‍ പറഞ്ഞു.

കിഫ്ബിയുമായി ബന്ധപ്പെട്ട വിഷയത്തെ കേന്ദ്രസര്‍ക്കാരുമായുളള പ്രശ്‌നമാണെന്ന രീതിയില്‍ വഴി തിരിച്ചുവിട്ട് യഥാര്‍ഥ വിഷയങ്ങളില്‍ നിന്ന്‌ ശ്രദ്ധമാറ്റി ഇത് ബിജെപിക്കും കേന്ദ്രത്തിനുമെതിരേ പോരാടുന്ന ഒരു സര്‍ക്കാരാണ് എന്ന് സ്ഥാപിക്കാനാണ് ഐസകിന്റെ ശ്രമം. കേന്ദ്രം ഞങ്ങളെ വേട്ടയാടുകയാണ് എന്ന പേരില്‍ ഈ തിരഞ്ഞെടുപ്പില്‍ വോട്ട് ലഭിക്കുമോ എന്ന പരിശ്രമമാണ് ധനമന്ത്രിയില്‍ നിന്ന് ഉണ്ടായിട്ടുളളതെന്നും മാത്യു കുഴല്‍ നാടന്‍ ആരോപിച്ചു.

2017-18 ബജറ്റില്‍ ധനമന്ത്രി തോമസ് ഐസക് അവകാശപ്പെട്ടത് 50,000 കോടി രൂപയുടെ വികസന പ്രവര്‍ത്തനങ്ങള്‍ വരുന്ന നാലുവര്‍ഷങ്ങള്‍ കേരളത്തില്‍ നടപ്പാക്കുമെന്നാണ് പറഞ്ഞത്. എന്നാല്‍ 2021 ഫെബ്രുവരി മാസം ലഭിച്ച വിവരാവകാശ രേഖപ്രകാരം ഇതുവരെ കിഫ്ബി കണ്ടെത്തിയിട്ടുളള പണം എന്ന് പറയുന്നത് 15,902.29 കോടി രൂപയാണ്. ഇതില്‍ 11,000 കോടി രൂപയും സര്‍ക്കാരിന്റെ ഖജനാവില്‍ നിന്ന് നല്‍കിയതോ അല്ലെങ്കില്‍ സര്‍ക്കാരിന്റെ ഖജനാവില്‍ വരുമായിരുന്നതോ ആണ്. അയ്യായിരം കോടി രൂപയില്‍ താഴെ മാത്രമാണ് കിഫ്ബിക്ക് ഇതുവരെ സമാഹരിക്കാന്‍ സാധിച്ചിട്ടുളളത്. 7274.61 കോടി രൂപമാത്രമാണ് കിഫ്ബി ഇതുവരെ ചെലവഴിച്ചിട്ടുളള പണം. കിഫ്ബി എന്ന് പറഞ്ഞ് ഇടത്സര്‍ക്കാര്‍ നടത്തുന്ന അവകാശവാദം തുറന്നുകാണിക്കുകയാണ് താന്‍ ചെയ്യുന്നതെന്ന് മാത്യു കുഴല്‍നാടന്‍ പറഞ്ഞു.

Content Highlights: Mathew Kuzhalnadan press meet over KIIFB issue

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


Balussery mob attack

1 min

തോട്ടില്‍ മുക്കി, ക്രൂരമര്‍ദനം; ബാലുശ്ശേരി ആള്‍ക്കൂട്ട ആക്രമണത്തിന്റെ കൂടുതല്‍ ദൃശ്യങ്ങള്‍

Jun 26, 2022


India vs Ireland 1st t20 live at Dublin

1 min

അനായാസം ഇന്ത്യ, ആദ്യ ട്വന്റി 20 യില്‍ അയര്‍ലന്‍ഡിനെ ഏഴുവിക്കറ്റിന് തകര്‍ത്തു

Jun 27, 2022

Most Commented