-
കൊച്ചി: മരട് ഫ്‌ളാറ്റ് വിഷയത്തില്‍ മുന്‍ പഞ്ചായത്ത് പ്രസിഡന്റ് ദേവസിയെ കുരുക്കിലാക്കി കൂടുതല്‍ തെളിവുകള്‍ പുറത്ത്. മരടിന് സി.ആര്‍.സെഡ് രണ്ടിന്റെ സ്വഭാവമാണെന്ന്‌ ദേവസി പ്രസിഡന്റായിരിക്കെ പഞ്ചായത്ത് ഹൈക്കോടതിയില്‍ നല്‍കിയ സത്യവാങ്മൂലത്തില്‍ പറയുന്നു. സിആര്‍സെഡ് ഒന്നിലും മൂന്നിലുമാണെന്ന് തെറ്റായി രേഖപ്പെടുത്തിയതാണെന്നും സത്യവാങ്മൂലത്തില്‍ പറയുന്നു. 2007-ലാണ് സത്യവാങ്മൂലം നല്‍കിയത്.
ദേവസിയുടെ പ്രേരണയാലാണ് ഇത്തരത്തില്‍ സത്യവാങ്മൂലം നല്‍കിയതെന്ന് അന്നത്തെ പഞ്ചായത്ത് സെക്രട്ടറി പി.ജെ.ആന്റണി ക്രൈംബ്രാഞ്ചിന് മൊഴി നല്‍കുകയും ചെയ്തിട്ടുണ്ട്. സി.ആര്‍.സെഡ് രണ്ടിലേക്ക് പഞ്ചായത്തിനെ മാറ്റിത്തരണമെന്നാവശ്യപ്പെട്ട് ദേവസി ബന്ധപ്പെട്ട വകുപ്പുകള്‍ക്ക് കത്തയച്ചതും വിവാദമായിരുന്നു.
സി.ആര്‍.സെഡ് ഒന്നിലും മൂന്നിലും വരുന്ന പ്രദേശങ്ങള്‍ കര്‍ശന നിയന്ത്രണങ്ങളുള്ളവയാണ്. കെട്ടിട നിര്‍മാതാക്കള്‍ നല്‍കിയ ഹര്‍ജിയിലാണ് പഞ്ചായത്ത് ഇത്തരത്തില്‍ എതിര്‍ സത്യവാങ്മൂലം നല്‍കിയത്. എന്നാല്‍ നിര്‍മാതാക്കളെ സഹായിക്കുന്ന നിലപാടാണ് സത്യവാങ്മൂലത്തില്‍ പഞ്ചായാത്ത് എടുത്തിട്ടുള്ളത്.
സി.ആര്‍.സെഡ് രണ്ടിലേക്ക് മാറ്റിത്തരണമെന്നാവശ്യപ്പെട്ട് വകുപ്പധികാരികള്‍ക്ക്‌ കത്ത് നല്‍കിയതിന് രണ്ട് മാസത്തിന് ശേഷമാണ് കോടതിയില്‍ സത്യവാങ്മൂലം നല്‍കിയത്. കോടതിയെ തെറ്റിദ്ധരിപ്പിക്കുന്ന സത്യവാങ്മൂലമാണ് ഇതെന്നാണ് ആക്ഷേപം. ദേവസിക്കെതിരെ കൂടുതല്‍ ആരോപണങ്ങള്‍ ഉയര്‍ന്ന് വന്നിട്ടും അദ്ദേഹത്തെ തള്ളി പറയാന്‍ സിപിഎം തയ്യാറായിട്ടില്ല.
Also Watch
RELATED STORIES
IN CASE YOU MISSED IT
.jpg?$p=0040ee1&f=1x1&w=100&q=0.8)
.jpg?$p=2922c1a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..