തിരുവനന്തപുരം: ആരും പാകിസ്താനിലേക്ക് പോകേണ്ടതില്ലെന്ന് ബിജെപി ജനറല്‍ സെക്രട്ടറി എം.ടി. രമേശ്.
മാതൃഭൂമി ഡോട്ട് കോമിന്റെ ഫെയ്‌സ് ബുക്ക് ലൈവ് മുഖേന പ്രേക്ഷകരുടെ ചോദ്യങ്ങള്‍ക്ക് മറുപടി നല്‍കവേയാണ് അദ്ദേഹം ഇങ്ങനെ പറഞ്ഞത്. ഇന്ത്യയ്ക്ക് വേണ്ടാത്തവരെ സ്വീകരിക്കാനുള്ള സ്ഥലമല്ല പാകിസ്താന്‍. വിവാദങ്ങള്‍ നിലപാടുകളുമായി ബന്ധപ്പെട്ടതാണെന്നും അദ്ദേഹം പറഞ്ഞു.
ബിജെപി ഒരാളോടും പാകിസ്താനില്‍ പോകാന്‍ പറയില്ല. വാസ്തവത്തില്‍ പാകിസ്താനിലുള്ളവര്‍ കൂടി ഇന്ത്യയില്‍ വരണമെന്നതാണ് ഞങ്ങളുടെ നിലപാട്. ഈ രാജ്യത്ത് ജീവിക്കുന്നവര്‍ പ്രത്യേകിച്ച് മറ്റുള്ളവര്‍ക്ക് മാതൃകകളാകേണ്ടവര്‍ പരസ്യമായി ദേശീയ വികാരങ്ങളെ ബഹുമാനിക്കാതിരിക്കുന്നതിനെതിരെ ആളുകള്‍ പ്രതികരിക്കും. അതാണ് അടുത്തിടെ കേരളത്തില്‍ ഉണ്ടായത്.
സഹകരണ ബാങ്കുകള്‍ പരിശോധനയ്ക്ക് വിധേയമാകണം: എം.ടി രമേശ്| Read...
എല്ലാ വിമര്‍ശനങ്ങളോടും ബി.ജെ.പി സഹിഷ്ണുതയോടെയാണ് പെരുമാറുന്നത്. ആരോടും ബി.ജെ.പി അസഹിഷ്ണുതയോടെ പെരുമാറിയിട്ടില്ല. അതേസമയം ഞങ്ങളെ വിമര്‍ശിക്കുന്നവരെ തിരിച്ചും വിമര്‍ശിക്കാനുള്ള അവകാശം ഞങ്ങള്‍ക്കുണ്ട്. ജനാധിപത്യത്തിന്റെ നിലനില്‍പ്പിന് ഇത്തരം വിമര്‍ശനങ്ങള്‍ ആവശ്യമാണ്. വിമര്‍ശനത്തിനുള്ള അവകാശം ആരുടെയും കുത്തകയല്ലെന്നും അദ്ദേഹം പറഞ്ഞു.
