നെയ്യാറ്റിന്‍കരയില്‍ അതിര്‍ത്തി തര്‍ക്കത്തിനിടെ മരക്കമ്പുകൊണ്ട് കുത്തേറ്റ വീട്ടമ്മ മരിച്ചു


സ്വന്തം ലേഖകന്‍

അയല്‍വാസിയും ബന്ധുവും ചേര്‍ന്നാണ് വീട്ടമ്മയുടെ കഴുത്തില്‍ മരക്കമ്പ് കുത്തിക്കയറ്റിയത്. ഗുരുതരാവസ്ഥയില്‍ ചികിത്സയിലായിരുന്നു.

1. വിജയകുമാരി 2. വീട്ടമ്മ ആക്രമിക്കപ്പെട്ട സ്ഥലം | Photo - Mathrubhumi.com

നെയ്യാറ്റിന്‍കര: അതിര്‍ത്തി തര്‍ക്കത്തിനിടെ കഴുത്തില്‍ മരക്കമ്പുകൊണ്ട് കുത്തേറ്റ് ചികിത്സയില്‍ കഴിഞ്ഞ വീട്ടമ്മ മരിച്ചു. താന്നിമൂട്, അവണാകുഴി, കരിക്കകംതല പുത്തന്‍വീട്ടില്‍ വിജയകുമാരി(43) യാണ് മരിച്ചത്. അയല്‍വാസിയും ബന്ധുവും ചേര്‍ന്നാണ് വീട്ടമ്മയുടെ കഴുത്തില്‍ മരക്കമ്പ് കുത്തിക്കയറ്റിയത്. ഗുരുതരാവസ്ഥയില്‍ ചികിത്സയിലായിരുന്നു വിജയകുമാരി. സംസാരശേഷിയടക്കം നഷ്ടപ്പെട്ടിരുന്നു.

ഞായറാഴ്ച ഉച്ചയ്ക്ക് രണ്ടരയോടെയാണ് വീട്ടമ്മയ്ക്ക് മരക്കമ്പുകൊണ്ടുള്ള കുത്തേറ്റത്. സംഭവത്തില്‍ അയല്‍വാസി കമുകിന്‍കോട്, ഒറ്റപ്ലാവിള വീട്ടില്‍ അനീഷ്(28), ഇയാളുടെ ബന്ധു അരങ്കമുകള്‍, കോട്ടുകാലക്കുഴി മേലെവീട്ടില്‍ നിഖില്‍(21) എന്നിവരെ പോലീസ് അറസ്റ്റ് ചെയ്തിരുന്നു. അടുത്തിടെയാണ് വിജയകുമാരിയുടെ തൊട്ടടുത്ത സ്ഥലം അനീഷ് വാങ്ങിയത്. ഈ വസ്തുവിന്റെ അതിര്‍ത്തി സംബന്ധിച്ച് തര്‍ക്കമുണ്ടായിരുന്നു. ഞായറാഴ്ച ഉച്ചയോടെ സ്ഥലത്തെത്തിയ അനീഷും നിഖിലും വീടിനു മുന്നില്‍ തുണികഴുകിക്കൊണ്ടിരിക്കുകയായിരുന്ന വിജയകുമാരിയുടെ വീഡിയോ മൊബൈലില്‍ പകര്‍ത്തി. ഇതു ചോദ്യംചെയ്യുന്നതിനിടെ അനീഷ്, വീട്ടുമുറ്റത്തു കിടന്ന റബ്ബര്‍ കമ്പെടുത്ത് വിജയകുമാരിയുടെ കഴുത്തില്‍ കുത്തുകയായിരുന്നു. കുത്തേറ്റ വിജയകുമാരി താഴെവീണതോടെ പ്രതികള്‍ ഓടി രക്ഷപ്പെട്ടു. വീട്ടിലുണ്ടായിരുന്ന മകള്‍ ശിവകല നിലവിളിച്ച് ആളുകളെ കൂട്ടി. തുടര്‍ന്ന് അമ്മയുടെ കഴുത്തില്‍ കുത്തിക്കയറിയ കമ്പ് വലിച്ചൂരിയതിനു ശേഷം തിരുവനന്തപുരം മെഡിക്കല്‍ കോളേജ് ആശുപത്രിയിലാക്കി. ഇതിനിടെ നെയ്യാറ്റിന്‍കര പോലീസിനെയും വിവരമറിയിച്ചു.



സംഭവസ്ഥലത്തെത്തിയ പോലീസ് ഇന്‍സ്പെക്ടര്‍ കെ.ആര്‍.ബിജു പ്രതികളായ അനീഷിനെയും നിഖിലിനെയും കസ്റ്റഡിയിലെടുത്തു. കോടതിയില്‍ ഹാജരാക്കിയ ഇവരെ റിമാന്‍ഡ് ചെയ്തു. കഴുത്തിന് അടിയന്തര ശസ്ത്രക്രിയ നടത്തിയ ശേഷം വിജയകുമാരിയെ മെഡിക്കല്‍ കോളേജ് ആശുപത്രിയിലെ സര്‍ജറി ഐ.സി.യു.വില്‍ പ്രവേശിപ്പിച്ചിരുന്നു. ഡിപ്ലോമ കോഴ്സിനു പഠിക്കുന്ന മകള്‍ ശിവകല മാത്രമാണ് വിജയകുമാരിക്കൊപ്പമുള്ളത്. ഭര്‍ത്താവ് വര്‍ഷങ്ങള്‍ക്കു മുന്‍പേ മരിച്ചതാണ്.

Content Highlights: Land dispute woman attacked with wooden stick dies


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


brazil vs cameroon

2 min

ടിറ്റെയുടെ പരീക്ഷണം പാളി, ബ്രസീലിനെ അട്ടിമറിച്ച് കാമറൂണ്‍

Dec 3, 2022


Luis Suarez

1 min

ജയിച്ചിട്ടും പുറത്ത്; ടീ ഷര്‍ട്ട് കൊണ്ട് മുഖം മറച്ച്, സൈഡ് ബെഞ്ചില്‍ കണ്ണീരടക്കാനാകാതെ സുവാരസ് 

Dec 2, 2022

Most Commented