.jpg?$p=8b03612&f=16x10&w=856&q=0.8)
കുണ്ടറ-ചവറ റൂട്ടിൽ സർവീസ് ആരംഭിച്ച കെ.എസ്.ആർ.ടി.സി.യുടെ നീളൻ ബസ് 'വെസ്റ്റിബ്യൂൾ' കൊല്ലം താലൂക്ക് കച്ചേരി ജങ്ഷനിൽ എത്തിയപ്പോൾ
കൊല്ലം: കെ.എസ്.ആര്‍.ടി.സി.യുടെ നീളന്‍ ബസ് 'വെസ്റ്റിബ്യൂള്‍' ലാഭകരമായി സര്‍വീസ് തുടരുന്നു. കുണ്ടറ-ചവറ റൂട്ടില്‍ 10 ട്രിപ്പുകളായാണ് വെസ്റ്റിബ്യൂള്‍ സര്‍വീസ് ഇപ്പോഴുള്ളത്. സ്വകാര്യ ബസ് സമരത്തെ തുടര്‍ന്നാണ് കെ.എസ്.ആര്‍.ടി.സി. കൊല്ലം ഡിപ്പോയിലേക്ക് വെസ്റ്റിബ്യൂള്‍ ബസ് എത്തിച്ചത്.
രണ്ട് ബസുകള്‍ ചേര്‍ത്തുവെച്ചപോലെയാണ് ബസിന്റെ ഘടന. ഏറെ കൗതുകത്തോടെയാണ് വിദ്യാര്‍ഥികളുള്‍പ്പെടെയുള്ള യാത്രക്കാര്‍ വെസ്റ്റിബ്യൂള്‍ ബസിനെ കാണുന്നത്. 17 മീറ്റര്‍ നീളമുള്ള ബസില്‍ 60 സീറ്റുകളാണുള്ളത്. ബസിനുള്ളില്‍ വശങ്ങളിലായി രണ്ടുസീറ്റുകള്‍ വീതമാണ് ഘടിപ്പിച്ചിരിക്കുന്നത്. കൂടുതല്‍പേര്‍ക്ക് നിന്ന് യാത്രചെയ്യാനുള്ള സൗകര്യവുമുണ്ട്.
കൂടുതല്‍ സ്വകാര്യ ബസുകള്‍ സര്‍വീസ് നടത്തുന്നത് കുണ്ടറ-ചവറ റൂട്ടിലായതിനാലാണ് വെസ്റ്റിബ്യൂള്‍ സര്‍വീസും ഇതേ റൂട്ടിലാക്കിയത്. സ്വകാര്യ ബസ് പണിമുടക്കുണ്ടായിരുന്ന സമയത്ത് രണ്ടിലധികം ബസുകളില്‍ കയറാനുള്ള യാത്രക്കാര്‍ക്ക് മുഴുവന്‍ നീളന്‍ ബസിന്റെ ഒറ്റ ട്രിപ്പില്‍ യാത്രചെയ്യാനാകുമായിരുന്നു. ഇതിലൂടെ ഇന്ധനലാഭവുമുണ്ട്.
രാവിലെ 7.20-ന് കൊല്ലം ഡിപ്പോയില്‍നിന്ന് ചവറയിലേക്ക് ആദ്യ ട്രിപ്പ്. 8.10-ന് ചവറയില്‍നിന്ന് കുണ്ടറയിലേക്ക് പോകും. വൈകീട്ട് 5.50-ന് കുണ്ടറയില്‍നിന്ന് പുറപ്പെട്ട് 6.20-ന് കൊല്ലം ഡിപ്പോയില്‍ യാത്ര അവസാനിക്കും.
സ്വകാര്യ ബസ് പണിമുടക്കിന്റെ സമയത്ത് റെക്കോഡ് കളക്ഷനായിരുന്നു ഈ റൂട്ടില്‍. ചെയിന്‍ സര്‍വീസ് ആയതിനാല്‍ മികച്ച കളക്ഷന്‍ ഇപ്പോഴും ലഭിക്കുന്നുണ്ടെന്ന് കെ.എസ്.ആര്‍.ടി.സി. അധികൃതര്‍ പറഞ്ഞു. ചെയിന്‍ സര്‍വീസുകളായി ഉപയോഗിക്കാനാണ് കെ.എസ്.ആര്‍.ടി.സി. വെസ്റ്റിബ്യൂള്‍ ബസുകള്‍ നിരത്തിലിറക്കിയത്. വിതുര ഡിപ്പോയില്‍നിന്നാണ് കൊല്ലത്തേക്ക് ബസ് എത്തിച്ചത്. ആദ്യം പേരൂര്‍ക്കട ഡിപ്പോയിലായിരുന്നു സര്‍വീസ് നടത്തിയിരുന്നത്. കെ.എസ്.ആര്‍.ടി.സി.യില്‍ നിലവില്‍ ഒരു വെസ്റ്റിബ്യൂള്‍ ബസുമാത്രമാണുള്ളത്.
Content Highlights: KSRTC Vestibule Bus service started
Also Watch
RELATED STORIES
.jpg?$p=e332bc3&f=1x1&w=100&q=0.8)
.jpg?$p=86ad0de&f=1x1&w=100&q=0.8)
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=1990e2a&f=1x1&w=100&q=0.8)
.jpg?$p=74dd70a&f=1x1&w=100&q=0.8)
.jpg?$p=3c2c8fd&q=0.8&f=16x11&w=104)
.jpg?$p=41d94a6&q=0.8&f=16x11&w=104)
.jpg?$p=44cf1f6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..