.jpg?$p=6ccc784&f=16x10&w=852&q=0.8)
പ്രതീകാത്മക ചിത്രം | Mathrubhumi archives
തിരുവനന്തപുരം: കെഎസ്ആര്‍ടിസി ജീവനക്കാരുടെ തൊഴില്‍ സമയം 12 മണിക്കൂറാക്കാന്‍ ആലോചന. യൂണിയനുകളുമായി നടത്തുന്ന ചര്‍ച്ചയില്‍ മാനേജ്‌മെന്റ് ഇക്കാര്യം ഉന്നയിച്ചേക്കുമെന്നാണ് പുറത്തുവരുന്ന വിവരം. നിലവിലെ സമ്പത്തിക പ്രതിസന്ധി മറികടക്കാന്‍ ഇതല്ലാതെ മറ്റുമാര്‍ഗങ്ങളില്ലെന്നാണ് മാനേജ്‌മെന്റ് നിലപാട്.
കടുത്ത സാമ്പത്തിക പ്രതിസന്ധി മറികടക്കുന്നതിന്റെ ഭാഗമായാണ് ഇത്തരം പരിഷ്‌കാരങ്ങള്‍ കൊണ്ടുവരുന്നതെന്നാണ് മാനേജ്‌മെന്റ് വ്യക്തമാക്കുന്നത്. തൊഴില്‍ സമയം എട്ട് മണിക്കൂറില്‍ നിന്ന് 12 മണിക്കൂറായി വര്‍ധിപ്പിച്ചാല്‍ മാത്രമേ മുന്നോട്ടുപോകാന്‍ സാധിക്കുവെന്ന് ചര്‍ച്ചയ്ക്ക് മുന്നോടിയായി യൂണിയനുകള്‍ക്ക് നല്‍കിയ കത്തില്‍ മാനേജ്‌മെന്റ് വ്യക്തമാക്കി.
അതേസമയം മാനേജ്‌മെന്റ് നീക്കത്തിനെതിരേ ബിഎംഎസ് അടക്കമുള്ള ചില യൂണിയനുകള്‍ കടുത്ത എതിര്‍പ്പ് ഉന്നയിച്ച് രംഗത്തെത്തിയിട്ടുണ്ട്‌.
പുതിയ നിര്‍ദേശത്തിന് പിന്നാലെ, കെഎസ്ആര്‍ടിസിക്ക് എല്ലാകാലവും ശമ്പളം നല്‍കാന്‍ സര്‍ക്കാരിനാകില്ലെന്ന് ഗതാഗത മന്ത്രി ആന്റണി രാജു മാധ്യമങ്ങളോട് പ്രതികരിച്ചു. അതാതു പൊതുമേഖലാ സ്ഥാപനങ്ങള്‍ ശമ്പളത്തിനുള്ള വരുമാനം സ്വയം കണ്ടെത്തേണ്ടിവരുമെന്നും മന്ത്രി പറഞ്ഞു.
ഈ മാസത്തെ ശമ്പളം കെഎസ്ആര്‍ടിസിക്ക് നല്‍കിയിട്ടുണ്ട്. അതിനാല്‍ സമരം പ്രഖ്യാപിച്ച സാഹചര്യം ഇപ്പോഴില്ല. മാനേജ്‌മെന്റ് തല ചര്‍ച്ചയ്ക്ക് ശേഷം ആവശ്യമുണ്ടെങ്കില്‍ വിഷയത്തില്‍ സര്‍ക്കാര്‍ ഇടപെടുമെന്നും മന്ത്രി പറഞ്ഞു.
Content Highlights: ksrtc management considering to increase employees working hours
Also Watch
RELATED STORIES
.jpg?$p=8b480bb&f=1x1&w=100&q=0.8)
.jpg?$p=8b480bb&f=1x1&w=100&q=0.8)
IN CASE YOU MISSED IT
.jpg?$p=cf32acb&f=1x1&w=100&q=0.8)
.jpg?$p=92bf935&q=0.8&f=16x11&w=104)
.jpg?$p=a3c1fa2&q=0.8&f=16x11&w=104)
.jpg?$p=298ab5c&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..