ചിട്ടിലോണ്‍ തട്ടാന്‍ വ്യാജലൊക്കേഷന്‍ സര്‍ട്ടിഫിക്കറ്റും സ്കെച്ചും; വില്ലേജ് ഓഫീസറുടെ മൊഴിയെടുത്തു


കെ.എസ്.എഫ്.ഇ.യില്‍നിന്ന് സര്‍ട്ടിഫിക്കറ്റ് പരിശോധനയ്ക്കായി വില്ലേജ് ഓഫീസിലേക്ക് അയച്ചപ്പോഴാണ് തട്ടിപ്പ് വെളിപ്പെട്ടത്.

Photo: Mathrubhumi Archives

ബാലുശ്ശേരി: വ്യാജ റവന്യൂരേഖ ചമച്ച് കെ.എസ്.എഫ്.ഇ. ചിട്ടി ലോണ്‍ തട്ടാന്‍ ശ്രമിച്ച സംഭവത്തില്‍ തട്ടിപ്പ് കണ്ടെത്തിയ ബാലുശ്ശേരി വില്ലേജ് ഓഫീസറില്‍നിന്ന് റവന്യൂവകുപ്പ് അന്വേഷണസംഘം മൊഴിയെടുത്തു. ഇദ്ദേഹത്തിന്റെ പേരില്‍ വ്യാജ ലൊക്കേഷന്‍ സര്‍ട്ടിഫിക്കറ്റും സ്‌കെച്ചും തയ്യാറാക്കിയാണ് കെ.എസ്.എഫ്.ഇ. കല്ലായ് ബ്രാഞ്ചില്‍നിന്ന് പണം തട്ടാന്‍ ശ്രമംനടന്നത്.

കെ.എസ്.എഫ്.ഇ.യില്‍നിന്ന് സര്‍ട്ടിഫിക്കറ്റ് പരിശോധനയ്ക്കായി വില്ലേജ് ഓഫീസിലേക്ക് അയച്ചപ്പോഴാണ് തട്ടിപ്പ് വെളിപ്പെട്ടത്. സംഭവം സംബന്ധിച്ച് അടിയന്തരാന്വേഷണം നടത്താന്‍ ലാന്‍ഡ് റവന്യൂ കമ്മിഷണറെ വകുപ്പുമന്ത്രി ചുമതലപ്പെടുത്തിയിരുന്നു. ഇതനുസരിച്ചാണ് കളക്ടറേറ്റിലെ അന്വേഷണസംഘം വില്ലേജ് ഓഫീസറില്‍നിന്ന് വിവരങ്ങള്‍ ശേഖരിച്ചത്.

വലിയ റാക്കറ്റുതന്നെ ഇതിന്റെ പിന്നില്‍ പ്രവര്‍ത്തിക്കുന്നതായുള്ള സംശയമുയര്‍ന്നിട്ടും പോലീസന്വേഷണം ഫലപ്രദമല്ലെന്ന ആക്ഷേപമുണ്ട്. വില്ലേജ് ഓഫീസര്‍ ബാലുശ്ശേരി പോലീസില്‍ നല്‍കിയ പരാതിയില്‍ ഇതുവരെയും പോലീസ് കേസ് രജിസ്റ്റര്‍ചെയ്തിട്ടില്ല.

വ്യാജ മുക്ത്യാര്‍ ഉണ്ടാക്കി മറ്റൊരാള്‍ തട്ടിപ്പിനു ശ്രമിക്കുകയായിരുന്നുവെന്ന സ്ഥലമുടമയുടെ പരാതിയിലും കേസെടുത്തിട്ടില്ല. കല്ലായ് കെ.എസ്.എഫ്.ഇ.യിലാണ് സംഭവം നടന്നതെന്നതിനാല്‍ അവിടെയാണ് പരാതി നല്‍കേണ്ടതെന്നാണ് ബാലുശ്ശേരി പോലീസ് പറയുന്നത്.

അതിനിടെ, വ്യാജരേഖ ചമച്ചതില്‍ തനിക്ക് ബന്ധമില്ലെന്ന് കിനാലൂര്‍ കാവുംപുറത്ത് മുസ്തഫ പത്രസമ്മേളനത്തില്‍ പറഞ്ഞു. താന്‍ മുസ്തഫയ്ക്ക് കൈമാറാന്‍ തീരുമാനിച്ച 40 സെന്റ് സ്ഥലത്തിന്റെ രേഖകള്‍ രജിസ്ട്രേഷന്‍ ആവശ്യത്തിന് കൈമാറിയിരുന്നുവെന്നും ഇതുപയോഗിച്ചാണ് തട്ടിപ്പ് നടത്തിയതെന്നുമാണ് സ്ഥലമുടമ പറയുന്നത്. എന്നാല്‍, എലത്തൂര്‍ വെള്ളറക്കാട് സ്വദേശിയായ യുവതിയാണ് ഭൂമി വാങ്ങിയതെന്നും താന്‍ ഇടനിലക്കാരന്‍ മാത്രമാണെന്നുമാണ് മുസ്തഫയുടെ വാദം.

Content Highlights: ksfe loan scam

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
mv govindan

കേരളത്തിലെ കറിപൗഡറുകളെല്ലാം വ്യാജം, വിഷം - മന്ത്രി എം.വി. ഗോവിന്ദന്‍

Aug 11, 2022


kt jaleel

1 min

പാക് അധീന കശ്മീരിനെ ആസാദ് കശ്മീർ എന്നു വിശേഷിപ്പിച്ച് ജലീൽ; പരാമർശം വൻവിവാദം

Aug 12, 2022


Eknath Shinde

1 min

കോടിപതികള്‍, ശ്രീലങ്കയില്‍നിന്ന് ഡോക്ടറേറ്റ്; ഷിന്ദേ മന്ത്രിസഭയില്‍ 75%പേരും ക്രിമിനല്‍ കേസുള്ളവര്‍

Aug 11, 2022

Most Commented