anupama k k rama
അനുപമയ്ക്കും കുഞ്ഞിനുമൊപ്പം കെ.കെ രമ | ഫോട്ടോ: എസ്. ശ്രീകേഷേ് മാതൃഭൂമി

തിരുവനന്തപുരം: കുഞ്ഞിനെ കിട്ടിയതോടെ അനുപമയുടെ സമരം അവസാനിക്കുന്നില്ലെന്ന് ആര്‍.എം.പി നേതാവ് കെ.കെ. രമ എം.എല്‍.എ. വലിയ ക്രിമിനല്‍ ഗൂഢാലോചന ഉണ്ടായി. തെളിവുകള്‍ നശിപ്പിക്കപ്പെട്ടിട്ടുണ്ട്. സമരം ചെയ്തതുകൊണ്ട് മാത്രമാണ് വൈകിയെങ്കിലും അനുപമയ്ക്ക് നീതി കിട്ടിയതെന്നും കെ.കെ. രമ പറഞ്ഞു.

'അനുപമയെ ഈ അവസ്ഥയിലേക്ക് എത്തിച്ചവര്‍ ആരാണ്. കുഞ്ഞിന് നീതി നിഷേധിച്ചതാരാണ്. ആന്ധ്രയിലെ ദമ്പതിമാരെ ഈ അവസ്ഥയിലേക്കെത്തിച്ചതാരാണ്. അതിനുത്തരവാദികളായവരെ നിയമത്തിന് മുന്നില്‍ കൊണ്ടുവരണം. നീതി ലഭിക്കണമെങ്കില്‍ തെരുവില്‍ വന്ന് സമരം ചെയ്യണമെന്ന സാഹചര്യം ഇടതുപക്ഷം ഭരിക്കുന്ന സാഹചര്യത്തില്‍ വലിയ നാണക്കോടാണ്', അവർ പറഞ്ഞു.

ഇതിന് ഉത്തരവാദികള്‍ മറുപടി പറയണം. ഇവരെ ഈ സ്ഥാനങ്ങളില്‍ നിന്ന് മാറ്റി നിര്‍ത്തണം. കേരളത്തില്‍ കുട്ടിക്കടത്ത് നടക്കുന്നു എന്ന് പറയേണ്ടി വന്നിരിക്കുന്നുവെന്നും കെ.കെ രമ പറഞ്ഞു.

Content Highlights: KK Rama,  Anupama child missing case