പ്രതീകാത്മകചിത്രം | Mathrubhumi archives
തിരുവനന്തപുരം: ഉന്നതവിദ്യാഭ്യാസ പ്രവേശനാനുപാതത്തില്‍ (ജി.ഇ.ആര്‍.) കേരളത്തിന് നേട്ടം.18 മുതല്‍ 23 വയസ്സുവരെയുള്ളവരില്‍ ഉന്നതവിദ്യാഭ്യാസത്തിന് ചേരുന്നവരുടെ അനുപാതം മുന്‍വര്‍ഷത്തേക്കാള്‍ അഞ്ചുശതമാനം കൂടി. ദേശീയ ഉന്നതവിദ്യാഭ്യാസ സര്‍വേയിലാണ് കേരളത്തിന്റെ വളര്‍ച്ച വ്യക്തമാക്കുന്നത്.
2019-2020 സര്‍വേ റിപ്പോര്‍ട്ടില്‍ കേരളത്തിന്റെ അനുപാതം 38.8 ശതമാനമായിരുന്നു. ഇപ്പോഴത് 43.2 ആയി. ദേശീയ ശരാശരി 27.1-ല്‍ നിന്ന് 27.3 ആയി. കഴിഞ്ഞ ദേശീയസര്‍വേ റിപ്പോര്‍ട്ടില്‍ മികച്ചശരാശരിയുള്ള ആദ്യ ആറുസംസ്ഥാനങ്ങളില്‍ കേരളമുണ്ടായിരുന്നെങ്കിലും ഇക്കുറിയില്ല. അതേസമയം, ഏറ്റവുമധികം കോളേജുകളുള്ള ആദ്യത്തെ പത്തു സംസ്ഥാനങ്ങളില്‍ കേരളമുണ്ട്. ഉന്നതവിദ്യാഭ്യാസ വിദ്യാര്‍ഥി പ്രവേശനാനുപാതം പത്തുവര്‍ഷത്തിനകം 75 ശതമാനമാക്കുകയാണ് കേരളത്തിന്റെ ലക്ഷ്യം.
ശ്യാം ബി. മേനോന്‍ അധ്യക്ഷനായ ഉന്നതവിദ്യാഭ്യാസ പരിഷ്‌കരണസമിതി ഇതേക്കുറിച്ച് സംസ്ഥാനസര്‍ക്കാരിന് ശുപാര്‍ശനല്‍കിയിരുന്നു.
* പട്ടികജാതി-വര്‍ഗ വിഭാഗത്തിലും കേരളത്തിനു നേട്ടം. പട്ടികജാതിവിഭാഗത്തിലെ ശരാശരി 26.7 ശതമാനത്തില്‍നിന്ന് 33.7 ആയി. പട്ടികവര്‍ഗവിഭാഗത്തിലേത് 24 ശതമാനത്തില്‍നിന്ന് 29.1 ശതമാനം.
* വിദൂരവിദ്യാഭ്യാസ സംവിധാനംവഴി 7.8 ശതമാനം വിദ്യാര്‍ഥികള്‍ ഉന്നതവിദ്യാഭ്യാസത്തിന് പ്രവേശനം നേടി.
Content Highlights: Kerala Higher education admission
Also Watch
RELATED STORIES
IN CASE YOU MISSED IT
.jpg?$p=5d7e19c&f=1x1&w=100&q=0.8)
.jpg?$p=1512d0a&q=0.8&f=16x11&w=104)
.jpg?$p=fef0e5c&q=0.8&f=16x11&w=104)
.jpg?$p=2a67566&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..