ചാലക്കുടിപ്പുഴയിലെ ജലനിരപ്പില്‍ മാറ്റമില്ല, ജാഗ്രത തുടരണമെന്ന് മന്ത്രി; NDRF സംഘം മുല്ലപ്പെരിയാറില്‍


ഇടുക്കി ജില്ലയിലുണ്ടായിരുന്ന എന്‍ഡിആര്‍എഫ് ടീമിനെ മുല്ലപ്പെരിയാറിലേക്ക് വിന്യസിച്ചിരിക്കുകയാണ്.

ചാലക്കുടി പരിയാരത്ത് ജനവാസ മേഖലയിൽ വെള്ളം കയറിയതിന്റെ ആകാശദൃശ്യം. 2018ലേതിന് സമാനമായ പ്രളയ മുന്നറിയിപ്പാണ് മേഖലയിൽ നൽകിയിട്ടുള്ളത് | ഫോട്ടോ: ജി.ആർ. രാഹുൽ / മാതൃഭൂമി

തിരുവനന്തപുരം: കഴിഞ്ഞ ദിവസം രാത്രി മഴയ്ക്ക് നേരിയ ശമനമുണ്ടെങ്കിലും ചാലക്കുടിപ്പുഴയില്‍ ജലനിരപ്പ് മാറ്റമില്ലാതെ തുടരുന്നുവെന്ന് റെവന്യൂ മന്ത്രി കെ. രാജന്‍. 7.27 മീറ്ററായി കഴിഞ്ഞ ഏതാനും മണിക്കൂറുകളായി ജലനിരപ്പ് തുടരുകയാണ്. രാത്രി 11 മണി മുതല്‍ ഒരു മണിവരെ 7.1 മീറ്റര്‍ ആയിരുന്നത് 7.27 ആയി ഉയരുകയായിരുന്നു. അതേസമയം രാവിലെ എട്ട് മണിയോടെ മഴ ശക്തിപ്രാപിച്ചിട്ടുണ്ട്. വരും മണിക്കൂറുകളില്‍ മഴയുടെ ശക്തി എത്രത്തോളം വര്‍ധിക്കുന്നുവെന്നത് ചാലക്കുടിപ്പുഴയെ സംബന്ധിച്ച് നിര്‍ണായകമാണ്.

പെരിങ്ങല്‍ക്കുത്ത് ഡാമില്‍ നിന്ന് തുറന്ന് വിട്ടിരിക്കുന്ന വെള്ളത്തിന്റെ അളവ് 35,000 ക്യുസെക്‌സ് ആയി തുടരുന്നു. ഇന്നലെ ഇത് 37,000 വരെ പോയിരുന്നു. വലിയ ആശങ്കയ്ക്കാണ് കഴിഞ്ഞ ദിവസം ചാലക്കുടിപ്പുഴയിലെ ജലനിരപ്പ് വഴിവെച്ചത്. മഴ വര്‍ധിക്കാത്തത് ആശങ്കയൊഴിവാക്കുന്നു. ഇന്ന് 12 മണിയോടെ വരുന്ന കാലാവസ്ഥാ നിരീക്ഷണ മുന്നറിയിപ്പുകള്‍ കൂടി ആശ്രയിച്ചായിരിക്കും മറ്റ് കാര്യങ്ങളെന്നും മന്ത്രി പറഞ്ഞു.

ചാലക്കുടിയില്‍ താലൂക്ക് അടിസ്ഥാനത്തിലും ഒപ്പം ജില്ലാ അടിസ്ഥാനത്തിലും ദുരിതാശ്വാസ ക്യാമ്പുകള്‍ പ്രവര്‍ത്തിക്കുന്നുണ്ട്. കഴിഞ്ഞ ദിവസം വൈകുന്നേരം മുതല്‍ ആളുകളെ മാറ്റി പാര്‍പ്പിച്ചുതുടങ്ങിയിട്ടുണ്ട്. 2018-ലെ പ്രളയബാധിത പ്രദേശങ്ങളായ കൂടപ്പുഴ, പരിയാരം, അന്നമനട, പാറക്കടവ് എന്നിവിടങ്ങളിലും പുത്തന്‍വേലിക്കര പഞ്ചായത്തിലും ആളുകളെ ഒഴിപ്പിച്ചിരുന്നു. ചാലക്കുടിപ്പുഴയോരത്തുള്ളവരെ മാറ്റി പാര്‍പ്പിച്ചതായി കളക്ടര്‍ അറിയിച്ചിരുന്നു.

മുല്ലപ്പെരിയാര്‍ അണക്കെട്ടില്‍ രണ്ടാമത്തെ മുന്നറിയിപ്പ് എത്തിയിട്ടില്ലെന്നും മന്ത്രി വ്യക്തമാക്കി. ഇന്ന് രാവിലെ ഏഴ് മണിക്കുള്ള കണക്ക് പരിശോധിക്കുമ്പോള്‍ 137.05 അടിയാണ് ജലനിരപ്പ്. 137.50 അടിയാണ് ഓഗസ്റ്റ് അഞ്ച് വരെയുള്ള റൂള്‍ കര്‍വിന്റെ അളവ്. ഏതെങ്കിലും കാരണവശാല്‍ വെള്ളം തുറന്നുവിടേണ്ട അവസ്ഥയുണ്ടായാല്‍ സ്വീകരിക്കേണ്ട എല്ലാ മുന്നൊരുക്കങ്ങളും ഇതിനോടകം നടത്തിയിട്ടുണ്ടെന്നും അദ്ദേഹം പറഞ്ഞു. ഇടുക്കി ജില്ലയിലുണ്ടായിരുന്ന എന്‍ഡിആര്‍എഫ് ടീമിനെ മുല്ലപ്പെരിയാറിലേക്ക് വിന്യസിച്ചിരിക്കുകയാണ്.

Content Highlights: rain, kerala, chalakkudi river, k rajan

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


AKHIL

1 min

വിവാഹിതയായ വീട്ടമ്മ ഒപ്പം വരാത്തതില്‍ പ്രതികാരം, വെട്ടുകത്തിയുമായി വീട്ടിലെത്തി ആക്രമിച്ചു

Aug 10, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022

Most Commented