കോവിഡ് പകരുന്നതിനൊപ്പം അമിതജോലിഭാരവും മരുന്ന് വിതരണവും; നടക്കില്ലെന്ന് പോലീസ്


സ്വന്തം ലേഖകന്‍

വീടുകളില്‍ കിടപ്പിലായ രോഗികള്‍ക്ക് ജീവന്‍രക്ഷാ ഔഷധങ്ങള്‍ ആവശ്യമുള്ളപ്പോള്‍ പോലീസിനെ ബന്ധപ്പെടാമെന്നായിരുന്നു ഡിജിപി ലോക്‌നാഥ് ബെഹ്‌റ കഴിഞ്ഞ ദിവസം ഇറക്കിയ ഉത്തരവില്‍ ചൂണ്ടിക്കാട്ടിയിരുന്നത്.

ഫയൽ ഫോട്ടോ:മാതൃഭൂമി

കോഴിക്കോട്: പോലീസുകാരെയും ഏറെ വലിച്ചിരിക്കുകയാണ് കോവിഡിന്റെ രണ്ടാം വരവ്. പോലീസ് സേനയില്‍ രോഗം പടരുന്നവരുടെ എണ്ണം കൂടിയതോടെ അമിത ജോലിഭാരത്തിനൊപ്പം മറ്റ് കോവിഡ് പ്രതിരോധ നടപടികള്‍ കൂടി പോലീസിന് നല്‍കാന്‍ ഒരുങ്ങുന്ന തീരുമാനത്തിനെതിരേ സേനയ്ക്കുള്ളില്‍ തന്നെ വലിയ എതിര്‍പ്പുയര്‍ന്നിരിക്കുകയാണ്.

കോവിഡ് കാലത്ത് മരുന്ന് വിതരണത്തിന് പോലീസിനെ വിളിച്ചാല്‍ മതിയെന്ന് കേരള പോലീസിന്റെ സോഷ്യല്‍മീഡിയ ഇടങ്ങളിലും മറ്റും കഴിഞ്ഞ ദിവസങ്ങളില്‍ ഡിജിപിയുടെ അറിയിപ്പ് വന്നിരുന്നു. ഇതിന് പിന്നാലെയാണ് സേനയ്ക്കുള്ളില്‍ നിന്ന് തന്നെ വലിയ എതിര്‍പ്പുയര്‍ന്നിരിക്കുന്നത്. ഇലക്ഷന് മുന്നെ തന്നെ വാരാന്ത്യ അവധിയും ലീവും അനുവദിക്കാതെ സേനാംഗങ്ങളെല്ലാം ഫീല്‍ഡില്‍ ഇറങ്ങിയിരിക്കയാണ്. ഇലക്ഷന്‍ കഴിഞ്ഞതോടെ കോവിഡ് പ്രതിരോധ പ്രവര്‍ത്തനങ്ങള്‍ക്കും ഭൂരിഭാഗം പോലീസുകാരേയും ഇറക്കി. ഇതോടെ പോലീസുകാര്‍ക്കിടയിലും വലിയ രീതിയില്‍ കോവിഡ് പടരുന്ന സാഹചര്യമുണ്ടായി.

കോവിഡ് നിയന്ത്രണങ്ങള്‍ നടപ്പിലാക്കുമ്പോഴും ഇളവുകള്‍ അനുവദിച്ചതോടെ ആളുകളെ നിയന്ത്രിക്കാന്‍ ആവുന്നില്ലെന്ന് പോലീസുകാര്‍ പറയുന്നു. പലരും പല വഴികള്‍ പറഞ്ഞ് നഗരങ്ങളിലേക്കും പുറത്തേക്കും അനാവാശ്യമായി ഇറങ്ങുന്നതും തടയാനാവുന്നില്ല. നാളെ മുതല്‍ ലോക്ക്ഡൗണിലേക്ക് പോവുന്നുണ്ടെങ്കിലും ഇളവുകള്‍ അനുവദിച്ചതിനെതിരേയും വലിയ എതിര്‍പ്പുകള്‍ ഉയരുന്നുണ്ട്. ഇതിനിടെയാണ് മരുന്ന് വിതരണത്തിനായി പോലീസുകാരെ നിയോഗിക്കാനും തീരുമാനിച്ചിരിക്കുന്നത്.

വീടുകളില്‍ കിടപ്പിലായ രോഗികള്‍ക്ക് ജീവന്‍രക്ഷാ ഔഷധങ്ങള്‍ ആവശ്യമുള്ളപ്പോള്‍ പോലീസിനെ ബന്ധപ്പെടാമെന്നായിരുന്നു ഡിജിപി ലോക്‌നാഥ് ബെഹ്‌റ കഴിഞ്ഞ ദിവസം ഇറക്കിയ ഉത്തരവില്‍ ചൂണ്ടിക്കാട്ടിയിരുന്നത്. ഇതാനായി 112 എന്ന ടോള്‍ഫ്രീ നമ്പറും ഇറക്കിയിരുന്നു.ഉ ത്തരവിറങ്ങിയെങ്കിലും എതിര്‍പ്പുകള്‍ വന്നതാടെ ഇതിന്റെ പ്രവര്‍ത്തനം പലയിടത്തും തുടങ്ങിയിട്ടില്ല. ഇത്രയും ജോലിക്കിടെ ഇനി മരുന്ന് വിതരണം കൂടി പോലീസിനെ ഏല്‍പിക്കുന്ന നടപടി ഒഴിവാക്കണമെന്നാണ് പ്രധാന ആവശ്യം. കഴിഞ്ഞ തവണയും മരുന്ന് വിതരണത്തിന്റെ പ്രവര്‍ത്തനം പോലീസുകാര്‍ ഏറ്റെടുത്തിരുന്നുവെങ്കിലും അന്ന് സേനയ്ക്കുള്ളില്‍ രോഗ വ്യാപനം ഇത്ര രൂക്ഷമായിരുന്നില്ലെന്ന് സേനാംഗങ്ങള്‍ ചൂണ്ടിക്കാട്ടുന്നു. അമിത ഭാരം പോലീസിനെ ഏല്‍പ്പിക്കുന്നത് സേനാംഗങ്ങളുടെ മാനസിക സമ്മര്‍ദ്ധം വര്‍ധിപ്പിക്കുമെന്നും ബന്ധപ്പെട്ടവര്‍ പറയുന്നുണ്ട്.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nupur Sharma

1 min

ഉത്തരവാദി നിങ്ങളാണ്, രാജ്യത്തോട് മാപ്പ് പറയണം: നൂപുര്‍ ശര്‍മയോട് സുപ്രീംകോടതി

Jul 1, 2022


veena vijayan

2 min

പിണറായിയുടെ മകളായിപ്പോയെന്ന ഒറ്റകാരണത്താല്‍ വേട്ടയാടപ്പെടുന്ന സ്ത്രീ; പിന്തുണച്ച് ആര്യ രാജേന്ദ്രന്‍

Jun 30, 2022


Rahul Dravid jumps with delight as Rishabh Pant scored hundred

1 min

ഋഷഭ് പന്തിന്റെ സെഞ്ചുറിയില്‍ സന്തോഷത്താല്‍ മതിമറന്ന് ദ്രാവിഡ്; ദൃശ്യങ്ങള്‍ വൈറല്‍

Jul 1, 2022

Most Commented