തിരുവനന്തപുരം: ലോക്ക്ഡൗണിന്റെ പശ്ചാത്തലത്തിൽ ഈ സാമ്പത്തിക വർഷത്തിന്റെ ആദ്യപാദത്തിൽ കേരളത്തിനുണ്ടായ സാമ്പത്തിക നഷ്ടം 80,000 കോടി രൂപയാണെന്ന് മുഖ്യമന്ത്രി പിണറായി വിജയൻ. സ്ഥിതിഗതികൾ മെച്ചപ്പെടുന്നില്ലെങ്കിൽ സംസ്ഥാനത്തിന്റെ സാമ്പത്തിക നഷ്ടം വർധിക്കുമെന്നും വാർത്താസമ്മേളനത്തിൽ മുഖ്യമന്ത്രി വ്യക്തമാക്കി.

വിദഗ്ധരുടെ ആദ്യഘട്ട വിലയിരുത്തൽ പ്രകാരം സംസ്ഥാനത്ത് ഇതുവരെ 2020-21 സാമ്പത്തിക വർഷത്തിന്റെ ആദ്യ പാദത്തിൽ കേരളത്തിന്റെ മൊത്തം മൂല്യവർധനയിലുണ്ടായ നഷ്ടം ഏകദേശം 80000 കോടി രൂപയാണ്. 87, 30,000ത്തോളം വരുന്ന സ്വയം തൊഴിൽ കാഷ്യൂ തൊഴിലാളികളുടെ വേതനനഷ്ടം 14000 കോടി രൂപയാണ്. ഹോട്ടൽ റെസ്റ്റോറന്റ് മേഖലകളിൽ യഥാക്രമം 6000 കോടി, 14000 കോടി വീതം നഷ്ടമുണ്ടായി. മത്സ്യബന്ധനമേഖല, വിവരസാങ്കേതികമേഖല എന്നിവയും ഗണ്യമായ തൊഴിൽനഷ്ടത്തിനിരയായി.

ചെറുകിട വ്യാപാര മേഖലയെ ലോക്ക് ഡൗൺ വളരെയധികം ബാധിച്ചു. ഇവർ കടുത്ത സാമ്പത്തിക പ്രതിസന്ധിയിലാണുള്ളത്. ചെറുകിടതൊഴിലാളികളിൽ ഭൂരിഭാഗവും സ്വയം തൊഴിൽ വിഭാഗത്തിലാണ്. ഇവർക്ക് വരുമാനം നിലച്ചു. ഇവരുടെ കാര്യം ഗൗരവമായി കൈകാര്യം ചെയ്യണം, അതിനായി ദേശീയ ദുരന്തനിവാരണ ഫണ്ടിനു കീഴിലുള്ള ഒരു പാക്കേജിലൂടെ ഇവരെ കേന്ദ്ര സർക്കാർ പിന്തുണയ്ക്കണമെന്ന് പ്രധാനമന്ത്രിയോട് ആവശ്യപ്പെട്ടു.

ചെറുകിട വ്യാപാരികൾക്ക് 2.5 ലക്ഷം വായ്പ അനുവദിക്കണം. പലിശ ആശ്വാസനടപടിയായി കേന്ദ്രം വഹിക്കണം. നിലവിലെ ലോണുകൾക്ക് 50 ശതമാനത്തോളം പലിശയിളവ് നൽകണം. അസംഘടിത  മേഖലയിൽ തൊഴിലെടുക്കുന്നവരുടെ നിലനിൽപ്പിന് ദേശീയതലത്തിൽ വരുമാന സഹായം പദ്ധതി നടപ്പിലാക്കണം തുടങ്ങിയ കാര്യങ്ങളും പ്രധാനമന്ത്രിയോട് അഭ്യർഥിച്ചിച്ചതായി മുഖ്യമന്ത്രി വ്യക്തമാക്കി.

മുഖ്യമന്ത്രിയുടെ വാര്‍ത്താസമ്മേളനത്തിന്റെ കൂടുതല്‍ വിവരങ്ങള്‍

സംസ്ഥാനത്ത് 13 പേര്‍ക്കു കൂടി കോവിഡ്-19; കോട്ടയവും ഇടുക്കിയും റെഡ് സോണില്‍ | Read More..

സംസ്ഥാനത്ത് ആറ് ജില്ലകള്‍ റെഡ് സോണില്‍; ഹോട്ട്‌സ്പോട്ടുകളിലും മാറ്റം | Read More..

ലോക്ക്ഡൗണില്‍ കേരളത്തിനുണ്ടായത് 80,000 കോടി രൂപയുടെ സാമ്പത്തിക നഷ്ടം- മുഖ്യമന്ത്രി  | Read More..

ഭാഗിക ലോക്ക്ഡൗണ്‍ മെയ് 15 വരെ തുടരണമെന്ന് മുഖ്യമന്ത്രി; സംസ്ഥാനങ്ങളുടെ സവിശേഷത പരിഗണിക്കണം  | Read More..

കഴുകി ഉപയോഗിക്കാവുന്ന മാസ്‌ക് ഉപയോഗിക്കുക, വലിച്ചെറിയുന്നത് അപരാധം- മുഖ്യമന്ത്രി | Read More..

നോര്‍ക്കയില്‍ ഇതുവരെ രജിസ്റ്റര്‍ ചെയ്തത് രണ്ടു ലക്ഷത്തിലധികം പ്രവാസികള്‍ | Read More..

തിരിച്ചുവരുന്ന പ്രവാസികളുടെ വിമാനക്കൂലി കേന്ദ്രം വഹിക്കണം; മുഖ്യമന്ത്രി പ്രധാനമന്ത്രിക്ക് കത്തയച്ചു | Read More..

മറ്റു സംസ്ഥാനങ്ങളില്‍ കുടുങ്ങിയവരെ തിരികെ എത്തിക്കും; രജിസ്ട്രേഷന്‍ ബുധനാഴ്ച മുതല്‍ | Read More..

കോവിഡ് ബാധിതരുടെ വിവരങ്ങള്‍ ചോര്‍ന്ന സംഭവം അന്വേഷിക്കുമെന്ന് മുഖ്യമന്ത്രി  | Read More..

 

 

Content Higlights: Kerala Lock Down Financial Crisis CM Pinarayi Vijayan