കേരള കോൺഗ്രസ് എം: ലെവി തത്കാലം ജനപ്രതിനിധികൾക്കുമാത്രം


കെ.ആർ.പ്രഹ്ളാദൻ

പാർട്ടിക്കുനൽകേണ്ടത് ഒരുമാസത്തെ വരുമാനം.ഹൈപ്പവർ കമ്മിറ്റി ഒഴിവാക്കിയേക്കും

ജോസ് കെ മാണി

കോട്ടയം: കേരള കോൺഗ്രസ് എമ്മിൽ ലെവി നൽകേണ്ടിവരുക ജനപ്രതിനിധികൾ. പഞ്ചായത്തംഗം മുതൽ എം.പി. വരെയുള്ള ജനപ്രതിനിധികൾ അവരുടെ ഒരുമാസത്തെ വരുമാനം കേരള കോൺഗ്രസ് എം ഫണ്ടിലേക്ക് നൽകേണ്ടിവരും. ലെവി ഈടാക്കാൻ സംഘടനാപരിഷ്‌കാരത്തിൽ നിർദേശിച്ചിരുന്നെങ്കിലും എല്ലാ അംഗങ്ങളിൽനിന്നും വേണോ എന്നതിൽ ആശയക്കുഴപ്പമുണ്ടായി. സംഘടനാപരിഷ്‌കരണം പഠിക്കുന്ന സമിതി ഇക്കാര്യത്തിൽ അന്തിമനിർദേശം നൽകും. ആദ്യഘട്ടത്തിൽ ജനപ്രതിനിധികൾക്ക് മാത്രമേ ലെവി ഉണ്ടാകൂ. പിന്നീട് വേണ്ടിവന്നാൽ മാറ്റം വരുത്തും.

കമ്മിറ്റികളുടെ അഴിച്ചുപണിയാണ് മറ്റൊന്ന്. മേലിൽ സ്റ്റിയറിങ് കമ്മിറ്റി മാത്രമേ ഉണ്ടാകൂ. പിളരും മുമ്പ് അതിലെ അംഗങ്ങൾ 111 ആയിരുന്നു. നിലവിൽ 62 പേരുണ്ട്. ഇതിന്റെ അംഗസഖ്യ 30 ആക്കിയേക്കും.

ഹൈപ്പവർ കമ്മിറ്റി വേണ്ടെന്നുവെയ്ക്കാനും നീക്കമുണ്ട്. 29 പേരായിരുന്നു ഇതിലുണ്ടായിരുന്നത്. മണ്ഡലംതല കമ്മിറ്റിയംഗങ്ങളുടെയും എണ്ണം കുറയ്ക്കും. പ്രവാസികളും ഉൾപ്പെടുന്ന അനുഭാവിസംഘം ഉണ്ടാക്കാൻ ഓൺലൈൻ അംഗത്വം നൽകും. ഇത് സജീവാംഗത്വമായി പരിഗണിക്കില്ല. എന്നാൽ, ഇവർക്ക് പരിഗണന കിട്ടും. കഴിഞ്ഞദിവസം ചേർന്ന സ്റ്റിയറിങ് കമ്മിറ്റിയോഗത്തിൽ പുനഃസംഘടനാ ചർച്ചകൾ നടന്നിരുന്നു. ചുമതലപ്പെടുത്തിയവർ നൽകുന്ന ശുപാർശകൾ അടുത്ത യോഗം പരിഗണിക്കും.

Content Highlight: Kerala Congress implement levy system


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


mallikarjun kharge

2 min

അപ്രതീക്ഷിത നീക്കങ്ങള്‍; തരൂരിനെ തള്ളി ഖാര്‍ഗെയ്‌ക്കൊപ്പം നിരന്ന് ജി23യും, മുന്നില്‍ നിന്ന് ഗഹ്‌ലോത്

Sep 30, 2022


Mohan Bhagwat

1 min

തെറ്റായ ഭക്ഷണം കഴിക്കുന്നവര്‍ തെറ്റായ  വഴിയിലൂടെ സഞ്ചരിക്കും-നോണ്‍വെജിനെതിരെ മോഹന്‍ ഭാഗവത്

Sep 30, 2022

Most Commented