വെള്ളാപ്പള്ളി നടേശൻ| ഫോട്ടോ: രാമനാഥ് പൈ മാതൃഭൂമി
ആലപ്പുഴ: എൽഡിഎഫിന് തുടർഭരണ സാധ്യതയുണ്ടെന്നും ജനക്ഷേമ പദ്ധതികൾ ഗുണം ചെയ്തുവെന്നും എസ്.എൻ.ഡി.പി.യോഗം ജനറൽ സെക്രട്ടറി വെള്ളാപ്പളളി നടേശൻ.
ചേർത്തലയിൽ പി തിലോത്തമനെ ഒഴിവാക്കിയാൽ ജനങ്ങൾ എൽഡിഎഫിന് വോട്ട് ചെയ്യണമെന്നില്ലെന്ന് അദ്ദേഹം പറഞ്ഞു. മൂന്നുതവണ ജയിച്ചവരെ ഒഴിവാക്കുന്ന സി.പി.ഐ. നടപടി നല്ലതാണ്. എന്നാൽ ജയസാധ്യത നോക്കണം.
ചെറുപ്പക്കാരേയോ, പുറത്തുനിന്ന് ആളുകളെയോ കൊണ്ടുവന്നാൽ ജനം അംഗീകരിച്ചെന്ന് വരില്ല. കുട്ടനാട്ടിൽ തോമസ് കെ.തോമസിനെ മത്സരിപ്പിക്കുന്നതിനെയും വെള്ളാപ്പള്ളി വിമർശിച്ചു. കുട്ടനാട് ആരുടെയും കുടുംബസ്വത്തല്ല. തോമസ് ചാണ്ടി മത്സരിച്ചുവെന്നത് ശരിയാണ് എന്നാൽ അദ്ദേഹത്തിന്റെ അനിയന് എന്തുയോഗ്യതയാണ് ഉളളതെന്നും സിപിഎം കുട്ടനാട് സീറ്റ് ഏറ്റെടുക്കണമെന്നും അദ്ദേഹം ആവശ്യപ്പെട്ടു.
സ്ഥാനാർഥി നിർണയത്തിന് ശേഷം എസ്.എൻ.ഡി.പി. നിലപാട് വ്യക്തമാക്കും. സ്ഥാനാർഥി നിർണയത്തിൽ സാമൂഹിക നീതി പാലിച്ചോയെന്ന് നോക്കിയാകും നിലപാട് എടുക്കുകയെന്നും അദ്ദേഹം വ്യക്തമാക്കി.
Also Watch
RELATED STORIES
.jpg?$p=dde720c&f=1x1&w=100&q=0.8)
IN CASE YOU MISSED IT
.jpg?$p=5ab4c51&f=1x1&w=100&q=0.8)
.jpg?$p=afe3202&f=1x1&w=100&q=0.8)
.jpg?$p=db0e3e8&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..