മറുപടി നല്‍കാതെ മറുചോദ്യം ചോദിക്കുന്നു; മുഖ്യമന്ത്രിക്ക് പങ്ക് പുറത്താകുമെന്ന ഭയം- സുരേന്ദ്രന്‍


കെ.സുരേന്ദ്രൻ | ഫോട്ടോ: ബിജു വർഗീസ്മാതൃഭൂമി

കോഴിക്കോട്: സ്വര്‍ണക്കടത്തും ഡോളര്‍ കടത്തും സംബന്ധിച്ച് കേന്ദ്ര ആഭ്യന്തര മന്ത്രി അമിത് ഷായുടെ ഒരു ചോദ്യത്തിനും മുഖ്യമന്ത്രി മറുപടി നല്‍കിയിട്ടില്ലെന്ന് ബി.ജെ.പി സംസ്ഥാന അധ്യക്ഷന്‍ കെ സുരേന്ദ്രന്‍. ഇക്കാര്യത്തില്‍ മുഖ്യമന്ത്രിക്ക് ഒരു മറുപടിയും ജനങ്ങളോട് തുറന്നുപറയാനാവാത്ത സ്ഥിതിയാണ്. പതിവുപോലെ മറുചോദ്യം ഉന്നയിച്ച് മുഖ്യമന്ത്രി ആളുകളെ അക്ഷേപിക്കുകയാണെന്നും സുരേന്ദ്രന്‍ പറഞ്ഞു.

ജനങ്ങള്‍ക്ക് മുന്നില്‍ ഉയര്‍ന്നുവന്ന ചോദ്യങ്ങള്‍ക്ക് മറുപടി പറയാന്‍ ധൈര്യം കാണിക്കാത്തത് അദ്ദേഹത്തിനുള്ള പങ്ക് പുറത്താകുമെന്ന ഭയം കാരണമാണ്. കടത്തിയ സ്വര്‍ണം ആര്‍ക്കാണ് വിറ്റതെന്ന് അറിയാവുന്നത് മുഖ്യമന്ത്രിക്ക് മാത്രമാണ്. മുഖ്യമന്ത്രി എന്ന നിലയില്‍ ഉയര്‍ന്നുവന്ന ചോദ്യങ്ങള്‍ക്ക് വ്യക്തമായ ഉത്തരം പറയാന്‍ പിണറായി തയ്യാറാകണം. അതല്ലാതെ രാഷ്ട്രീയ ആരോപണങ്ങള്‍ ഉന്നയിച്ച് അമിത് ഷായെ കളിയാക്കി കൈയടി വാങ്ങാമെന്ന് വിചാരിക്കേണ്ട. മറുപടി പറയാനുള്ള ധൈര്യം ഇരട്ടച്ചങ്കുള്ള മുഖ്യമന്ത്രി കാണിക്കണമെന്നും സുരേന്ദ്രന്‍ പറഞ്ഞു.

കേന്ദ്ര സഹമന്ത്രിക്ക് സ്വര്‍ണക്കടത്തില്‍ പങ്കുണ്ടെന്ന് പറഞ്ഞ മുഖ്യമന്ത്രിയുടെ ചര്‍മബലം അംഗീകരിച്ചേ മതിയാകൂ. ഉത്തരം പറയാതെ വാചകക്കസര്‍ത്തുകൊണ്ട് കാര്യമില്ല. ചോദിച്ച ചോദ്യങ്ങള്‍ക്ക് മുഖ്യമന്ത്രിയില്‍ നിന്ന് ജനങ്ങള്‍ക്ക് ഉത്തരം വേണം.

ഇ.ഡി ഉദ്യോഗസ്ഥര്‍ സ്വപ്‌നയെ ഭീഷണിപ്പെടുത്തിയാണ് മുഖ്യമന്ത്രിയുടെ പേര് പറയിപ്പിച്ചതെന്ന പോലീസ് ഉദ്യോഗസ്ഥയുടെ മൊഴി മുഖ്യമന്ത്രിയുടെ പാര്‍ട്ടി പറയിപ്പിച്ചതാണെന്നും സുരേന്ദ്രന്‍ പറഞ്ഞു. ഇത് അമിത് ഷായുടെ പോലീസല്ല, പിണറായി വിജയന്റെ പോലീസാണ്. നേരത്തെ മുഖ്യമന്ത്രിക്ക് വേണ്ടി സ്വപ്‌നയുടെ ശബ്ദരേഖ പുറത്തിറക്കിയതും സിപിഎമ്മാണ്. ജനങ്ങള്‍ ഇതെല്ലാം കാണുന്നുണ്ടെന്ന് മുഖ്യമന്ത്രി ഓര്‍ക്കണമെന്നും അദ്ദേഹം പറഞ്ഞു.

സിപിഎമ്മിന്റെ ഏറ്റവും വലിയ അപചയത്തിന്റെ തെളിവാണ് പൊന്നാനിയിലെ പാര്‍ട്ടി പ്രവര്‍ത്തകരുടെ പ്രതിഷേധം. സിപിഎമ്മിനുള്ളില്‍ ശക്തമായ വര്‍ഗീയതയാണ് നടക്കുന്നത്. വര്‍ഗീയ ശക്തികള്‍ക്ക് മുന്നില്‍ സിപിഎം കീഴടങ്ങുകയാണെന്നും സുരേന്ദ്രന്‍ ആരോപിച്ചു.

content highlights: K Surendran allegation against CM Pinarayi Vijayan

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


AKHIL

1 min

വിവാഹിതയായ വീട്ടമ്മ ഒപ്പം വരാത്തതില്‍ പ്രതികാരം, വെട്ടുകത്തിയുമായി വീട്ടിലെത്തി ആക്രമിച്ചു

Aug 10, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022

Most Commented