തിരുവനന്തപുരം: ജനകീയസമിതിയുടെ മാധ്യമപുരസ്‌കാരം മാതൃഭൂമി ആലപ്പുഴ ചീഫ് റിപ്പോര്‍ട്ടര്‍ എസ്.ഡി.വേണുകുമാറിനും മലയാള മനോരമ സ്‌പെഷ്യല്‍ കറസ്‌പോണ്ടന്റ് സുജിത് നായര്‍ക്കും.
പോത്തന്‍കോട് ശാന്തിഗിരി ആശ്രമം ജനറല്‍ സെക്രട്ടറി സ്വാമി ഗുരുരത്നം ജ്ഞാനതപസ്വി രാഷ്ട്രസേവാ പുരസ്‌കാരത്തിനും ഷാര്‍ജ ഇന്ത്യന്‍ അസോസിയേഷന്‍ പ്രസിഡന്റ് ഇ.പി.ജോണ്‍സണ്‍ പ്രവാസി പുരസ്‌കാരത്തിനും അര്‍ഹരായി.
25,000 രൂപയും പ്രശസ്തി പത്രവും ശില്പവും അടങ്ങുന്ന പുരസ്‌കാരങ്ങള്‍ ഒക്ടോബര്‍ 25-ന് നടക്കുന്ന ചടങ്ങില്‍ സമ്മാനിക്കുമെന്ന് പുരസ്‌കാര സമിതി ചെയര്‍മാന്‍ സി.പി.നായര്‍, സമിതി ഭാരവാഹികളായ അനി വര്‍ഗീസ്,ജോര്‍ജ് തഴക്കര എന്നിവര്‍ അറിയിച്ചു.
Content Highlights: janakeeya samithi media award to mathrubhumi chief reporter sd venukumar
