കൊച്ചിയിലെ കോവിഡ് പരിശോധനാ ലാബിന് ഐസിഎംആർ അ‌ംഗീകാരം


സ്വന്തം ലേഖകൻ

ദിവസം 180 സാംപിളുകൾ പരിശോധിക്കാം; ഇന്നുമുതൽ പ്രവർത്തനം ആരംഭിക്കും

-

കൊച്ചി: കോവിഡ് സാംപിൾ പരിശോധനയ്ക്കായി കളമശേരി മെഡിക്കൽ കോളേജിൽ സജ്ജീകരിച്ച ആർടിപിസിആർ ലാബിന് ഇന്ത്യൻ കൗൺസിൽ ഓഫ് മെഡിക്കൽ റിസർച്ചിന്റെ (ഐസിഎംആർ) അംഗീകാരം. ഒരു കോടി മുടക്കി ലാബ് സജ്ജീകരിച്ചിട്ടും അ‌ംഗീകാരം ലഭിക്കാത്തതിനാൽ പരിശോധന തുടങ്ങാനാവാത്ത സാഹചര്യമായിരുന്നു ഉണ്ടായിരുന്നത്. ഇന്നുമുതൽ ലാബിൽ സാംപിൾ പരിശോധന ആരംഭിക്കുമെന്ന് അ‌ധികൃതർ അ‌റിയിച്ചു.

നേരത്തേ, ആലപ്പുഴയിലെ നാഷണൽ ഇൻസ്റ്റിറ്റ്യൂട്ട് ഓഫ് ​വൈറോളജിയിലും തിരുവനന്തപുരത്തെ രാജീവ്ഗാന്ധി സെന്റർ ഫോർ ബയോടെക്നോളജിയിലുമാണ് ജില്ലയിൽ നിന്നുള്ള സാംപിളുകൾ പരിശോധിച്ചിരുന്നത്. ഇത് രോഗനിർണയത്തിന് കാലതാമസമുണ്ടാക്കുന്ന സാഹചര്യത്തിലാണ് ​മെഡിക്കൽ കോളേജിൽ തന്നെ ലാബ് സജ്ജമാക്കിയത്.

അ‌ന്താരാഷ്ട്ര വിമാനത്താവളം ഉൾപ്പെടെ ഉള്ളതിനാൽ ജില്ലയിൽ കൂടുതൽ കോവിഡ് പരിശോധനകൾ നടത്തേണ്ടിവരും. ഈ സാഹചര്യത്തിലാണ് അ‌ടിയന്തിരമായി ലാബ് ഒരുക്കിയതെന്ന് മെഡിക്കൽ കോളേജ് ​മൈക്രോ ബയോളജി വിഭാഗം എച്ച്ഒഡി ഡോ. ജെ.ലാൻസി പറഞ്ഞു. പ്രവാസികളെ തിരികെ കൊണ്ടുവരുമ്പോൾ ഉൾപ്പെടെ കളമശ്ശേരി മെഡിക്കൽ കോളേജിലെ ലാബ് ഏറെ പ്രയോജനം ചെയ്യും.

രണ്ടര മണിക്കൂർ മുതൽ നാലു മണിക്കൂർ വരെ സമയംകൊണ്ട് പരിശോധനാഫലം ലഭിക്കുമെന്നതാണ് പുതിയ ലാബി​ന്റെ മെച്ചം. നേരത്തേ സംപിൾ അ‌യച്ച് ദിവസങ്ങൾ കാത്തിരിക്കേണ്ടിവന്നിരുന്നു. ദിവസം 180 സാംപിളുകൾ വരെ ഇവിടെ പരിശോധിക്കാനാകും.

Content Highlights: icmr permission for covid test lab in kalamassery medical college


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
chintha jerome

2 min

വാഴക്കുലയില്‍ കുടുങ്ങിയ ചിന്ത; നന്ദി പിണറായിക്ക്, ഡോക്ടറേറ്റ് റദ്ദാക്കാന്‍ വകുപ്പുണ്ട്

Jan 30, 2023


kt jaleel, madani

3 min

മഅദനിയെക്കണ്ടു, കണ്ണുനിറഞ്ഞു; ഈ കൊല്ലാക്കൊല കൊടിയ അനീതിയെന്ന് കെ.ടി. ജലീല്‍ 

Jan 28, 2023


Premium

09:50

വീടിനെക്കാള്‍ വില മതിച്ച പൂവ്; ഞെട്ടിച്ച തകര്‍ച്ച, ടുലിപ് മാനിയ!

Jan 30, 2023

Most Commented