പ്രതീകാത്മക ചിത്രം | ഫോട്ടോ: മാതൃഭൂമി
തിരുവനന്തപുരം: സംഘടനാപരമായ പ്രവര്‍ത്തനങ്ങള്‍ക്ക് സംസ്ഥാന സമ്മേളനം നിര്‍ദേശിച്ച തിരുത്തലുകള്‍ എത്രത്തോളം നടപ്പായെന്ന് സി.പി.എം. പരിശോധിക്കുന്നു.
പ്രാദേശികതലത്തില്‍ പാര്‍ട്ടി ശക്തമാക്കാനും ബഹുജന പിന്തുണ നേടാനുമുള്ള നിര്‍ദേശങ്ങളാണ് 2022 മാര്‍ച്ചില്‍നടന്ന സംസ്ഥാന സമ്മേളനത്തിന്റെ റിപ്പോര്‍ട്ടിലുണ്ടായിരുന്നത്. ഇത് പുനരവലോകനം ചെയ്യാന്‍ ബുധനാഴ്ച ചേര്‍ന്ന സംസ്ഥാന സെക്രട്ടേറിയറ്റ് യോഗം തീരുമാനിച്ചു. അടുത്ത രണ്ടുദിവസം ചേരുന്ന സംസ്ഥാനകമ്മിറ്റി യോഗത്തില്‍ ഇത് ചര്‍ച്ച ചെയ്യും. അണികളുടെ ചോര്‍ച്ച, പ്രാദേശിക കൂട്ടായ്മകളില്‍ പാര്‍ട്ടി അംഗങ്ങളുടെ പങ്കാളിത്തം, ജനകീയപ്രശ്‌നങ്ങളിലെ ഇടപെടല്‍ രീതി, ന്യൂനപക്ഷങ്ങള്‍ക്കിടയില്‍ സ്വാധീനം വര്‍ധിപ്പിക്കാനുള്ള പ്രവര്‍ത്തനം എന്നിവയൊക്കെയാണ് പാര്‍ട്ടി നിര്‍ദേശിച്ചിരുന്നത്.
പാര്‍ട്ടി അംഗങ്ങളുടെയും നേതാക്കളുടെയും ജനപ്രതിനിധികളുടെയും പെരുമാറ്റത്തിന് 'വിനയം' അടിസ്ഥാനമാക്കണമെന്ന് പാര്‍ട്ടി നിര്‍ദേശിച്ചതാണ്. പാര്‍ട്ടിശത്രുക്കള്‍ നടത്തിയ നീക്കങ്ങളെ പരാജയപ്പെടുത്തി ഭരണത്തുടര്‍ച്ച ഉറപ്പാക്കിയപ്പോഴും പാര്‍ട്ടിയുടെ ബഹുജനാടിത്തറ വിപുലീകരിക്കാനായിട്ടില്ല. എന്തുകൊണ്ടാണ് ഇത് സംഭവിക്കുന്നതെന്ന് പ്രാദേശികതലത്തില്‍ത്തന്നെ പരിശോധന വേണമെന്നുമായിരുന്നു ചൂണ്ടിക്കാട്ടിയത്.
എം.വി. ഗോവിന്ദന്‍ നയിച്ച ജനകീയ പ്രതിരോധയാത്ര വിജയമായിരുന്നുവെന്ന് സെക്രട്ടേറിയറ്റ് വിലയിരുത്തി.
Content Highlights: How far have the reforms been implemented -CPM
Also Watch
RELATED STORIES
.jpg?$p=136f50d&f=1x1&w=100&q=0.8)
.jpg?$p=d1f7f17&f=1x1&w=100&q=0.8)
IN CASE YOU MISSED IT
.jpg?$p=6df998d&f=1x1&w=100&q=0.8)
.jpg?$p=1bed9a5&f=1x1&w=100&q=0.8)
.jpg?$p=430c1f1&f=1x1&w=100&q=0.8)
.jpg?$p=79c0b37&q=0.8&f=16x11&w=104)
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..