തുരുമ്പെടുത്തുതുടങ്ങി, ആവശ്യമില്ലെങ്കില്‍ എന്തിനിങ്ങനെ?; ആകാശപ്പാത പൊളിച്ചുകൂടേയെന്ന് ഹൈക്കോടതി


നിർമാണം നിലച്ച ആകാശപ്പാത

കോട്ടയം: നഗരമധ്യത്തില്‍ പാതിവഴിയില്‍ നിര്‍മാണം നിലച്ച ആകാശപ്പാത ആവശ്യമില്ലെങ്കില്‍ പൊളിച്ചുകളഞ്ഞുകൂടേയെന്ന് ഹൈക്കോടതി. നഗരത്തില്‍ ശീമാട്ടി റൗണ്ടാനയില്‍ സ്ഥിതിചെയ്യുന്ന ആകാശപ്പാതയുടെ തൂണുകളും കമ്പികളും ജനങ്ങള്‍ക്ക് ഭീഷണിയാണെന്നുകാണിച്ച് എ.കെ.ശ്രീകുമാര്‍ നല്കിയ ഹര്‍ജിയില്‍ വാദം തുടരുന്നതിനിടെയാണ് ഹൈക്കോടതി ഇക്കാര്യം വാക്കാല്‍ ചോദിച്ചത്.

സംഭവത്തിന്റെ ഗൗരവം മനസ്സിലാക്കി വിശദീകരണം നല്കാന്‍ സര്‍ക്കാരിനോട് നിര്‍ദേശിച്ച ഹൈക്കോടതി ഹര്‍ജി മാറ്റി. ജസ്റ്റിസ് വി.ജി.അരുണാണ് ഹര്‍ജി പരിഗണിച്ചത്.



ആകാശപ്പാതയുടെ തൂണുകള്‍ തുരുമ്പെടുത്തുതുടങ്ങിയെന്നും പണി പൂര്‍ത്തീകരിക്കണമെന്നുമാവശ്യപ്പെട്ട് കഴിഞ്ഞമാസം ഹര്‍ജിക്കാരന്‍ സര്‍ക്കാരിന് പരാതി നല്കിയിരുന്നു. മുകളിലേക്ക് കയറാനുള്ള പടികള്‍ നിര്‍മിക്കാന്‍ ആവശ്യമായ സ്ഥലം ഇവിടെയില്ലാത്തതിനാലാണ് പണി നിര്‍ത്തിവെച്ചിരിക്കുന്നതെന്ന് റോഡ് സേഫ്റ്റി അതോറിറ്റി മറുപടി നല്കി.

ഇതോടെയാണ്, ആകാശപ്പാത പൊളിച്ചുകളയണമെന്നും ജനങ്ങളുടെ ജീവന് സംരക്ഷണം നല്കണമെന്നുമാവശ്യപ്പെട്ട് ഹൈക്കോടതിയില്‍ ഹര്‍ജി നല്‍കിയത്. സംസ്ഥാനസര്‍ക്കാരിനെയും ജില്ലാ കളക്ടറെയും റോഡ് സേഫ്റ്റി അതോറിറ്റിയെയും എതിര്‍കക്ഷികളാക്കിയാണ് ഹര്‍ജി നല്കിയത്. ഹര്‍ജിക്കാരനുവേണ്ടി അഡ്വ. കെ.രാജേഷ് കണ്ണന്‍ ഹാജരായി.

നിര്‍മാണം പൂര്‍ത്തിയാക്കണം

ഇനിയും വൈകിക്കാതെ ആകാശപ്പാതയുടെ നിര്‍മാണം പൂര്‍ത്തിയാക്കണം. സര്‍ക്കാര്‍ ഹൈക്കോടതിയില്‍ റിപ്പോര്‍ട്ട് നല്‍കണം. ജനങ്ങള്‍ക്ക് ആകാശപ്പാത ഉപയോഗിക്കാനുള്ള സൗകര്യം ചെയ്തുകൊടുക്കണം. - തിരുവഞ്ചൂര്‍ രാധാകൃഷ്ണന്‍, എം.എല്‍.എ.

Content Highlights: high court on kottayam skywalk project


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


photo: Getty Images

1 min

തകര്‍പ്പന്‍ ജയത്തിന് പിന്നാലെ കാനഡയുടെ പരിശീലകന് 'നന്ദി' പറഞ്ഞ് ക്രൊയേഷ്യന്‍ താരം

Nov 28, 2022


'ഷിയും കമ്മ്യൂണിസ്റ്റുപാര്‍ട്ടിയും തുലയട്ടെ'; കോവിഡ് നിയന്ത്രണങ്ങള്‍ക്കെതിരെ ചൈനയില്‍ വന്‍ പ്രതിഷേധം

Nov 27, 2022

Most Commented