ശക്തമായ മഴ: അട്ടപ്പാടിയിൽ നിരവധി കുടുംബങ്ങളെ മാറ്റി പാർപ്പിച്ചു, വിദൂര ഊരുകൾ ഒറ്റപ്പെട്ടു


കനത്ത മഴയുടെ പശ്ചാത്തലത്തിൽ നിരവധി കുടുംബങ്ങളെ മാറ്റിപ്പാർപ്പിച്ചു. ശക്തമായ മഴയിൽ അട്ടപ്പാടിയിലെ വിദൂര ഊരുകൾ ഒറ്റപ്പെട്ടിരിക്കുകയാണ്. മുരുകള, തലപ്പട, കിണറ്റുകര, ഗലസി, മേലേത്തൊടുക്കി എന്നീ ഊരുകളാണ് ഒറ്റപ്പെട്ടത്.

സ്ക്രീൻ ഗ്രാബ്: മാതൃഭൂമി ന്യൂസ്

പാലക്കാട്: അട്ടപ്പാടിയിൽ കനത്ത മഴയെ തുടര്‍ന്ന് കുന്തിപ്പുഴയും ഭവാനിപ്പുഴയും കരകവിഞ്ഞൊഴുകയാണ്. മലയോര മേഖലകളിൽ അതിശക്തമായ മഴയും മലവെള്ളപ്പാച്ചിലും മൂലം പലയിടങ്ങളിലും മണ്ണിടിച്ചിൽ ഉണ്ടായി. ഇതിന്റെ പശ്ചാത്തലത്തിൽ നിരവധി കുടുംബങ്ങളെ മാറ്റിപ്പാർപ്പിച്ചു. ശക്തമായ മഴയിൽ അട്ടപ്പാടിയിലെ വിദൂര ഊരുകൾ ഒറ്റപ്പെട്ടിരിക്കുകയാണ്. മുരുകള, തലപ്പട, കിണറ്റുകര, ഗലസി, മേലേത്തൊടുക്കി എന്നീ ഊരുകളാണ് ഒറ്റപ്പെട്ടത്.

കുന്തിപ്പുഴയും ഭവാനിപ്പുഴയും കരകവിഞ്ഞൊഴുകിയതോടെ പല പാലങ്ങളും വെള്ളത്തിനടിയിലാണ്. ചെമ്മണ്ണൂർ പന്നിയൂർ പടിക, പാക്കുളം ആനക്കല്ല്, താവളംമുള്ളി എന്നീ പാലങ്ങൾ വെള്ളത്തിനടിയിലായി. ചെമ്മണ്ണൂർ പാലത്തിന്റെ താത്ക്കാലിക കൈവരികൾ തകർന്നിരിക്കുകയാണ്.

അതേസമയം, അതിർത്തിപ്രദേശങ്ങളിൽ കനത്ത മഴ തുടരുകയാണ്. നീലഗിരികളിൽ നിന്നടക്കമുള്ള മഴവെള്ളം ചാലിയാറിലാണ് എത്തിച്ചേരുന്നത്. കഴിഞ്ഞ ദിവസങ്ങളിലും മലയോര പ്രദേശങ്ങളിൽ ശക്തമായ മഴയായിരുന്നു. മഴവെള്ളപ്പാച്ചിലിൽ ചോലകളും പുഴകളും നിറഞ്ഞൊഴുകുകയാണ്. കാളികാവിൽ താഴ്ന്ന പ്രദേശങ്ങളൊക്കെ വെള്ളത്തിനടിയിലാണ്. ചാലിയാറിലും മറ്റു പോഷക നദികളിലും ജലനിരപ്പ് ഉയർന്നതോടെ ദുരന്തനിവാരണ വിഭാഗം അതീവ ജാഗ്രതയിലാണ്.

മഴ കനക്കുന്ന സാഹചര്യത്തിൽ ദുരിതാശ്വാസ ക്യാമ്പുകൾ ഒരുക്കാൻ തദ്ദേശ സ്ഥാപനങ്ങൾ നടപടിയാരംഭിച്ചിട്ടുണ്ട്. മലപ്പുറത്ത് ഇരുനൂറോളം ദുരിതാശ്വാസ ക്യാമ്പുകൾക്കായി സ്ഥലം കണ്ടെത്തിയിട്ടുണ്ട്. അടിയന്തര സാഹചര്യമുണ്ടായാൽ ആളുകളെ ദുരിതാശ്വാസ ക്യാമ്പുകളിലേക്ക് മാറ്റിപ്പാർപ്പിക്കും.

മലപ്പുറത്ത് ഏറനാട്, നിലമ്പൂർ താലൂക്കുകളിലാണ് മഴക്കെടുതി രൂക്ഷം. ചാലിയാറിന്റെ തീരങ്ങളും മലയോരപ്രദേശങ്ങളും ഉൾപ്പെടുന്നതുകൊണ്ട് മഴക്കെടുതി ഏറ്റവും കൂടുതൽ ബാധിക്കുന്നത് ഈ പ്രദേശങ്ങളെയായിരിക്കും.

Content Highlights: heavy rainfall in attappadi and malappuram

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


IN DEPTH

11:43

ഷെയര്‍ മാര്‍ക്കറ്റിലെ വിജയമന്ത്രം; ഓഹരി രാജാവ് വിടപറയുമ്പോള്‍ | Rakesh Jhunjunwala

Aug 14, 2022


Jaleel-Surendran

1 min

ജലീലിന് ഇന്ത്യയില്‍ കഴിയാന്‍ അവകാശമില്ല, പാകിസ്താനിലേക്ക് പോകണം - കെ സുരേന്ദ്രന്‍

Aug 14, 2022

Most Commented