ശക്തമായ മഴ: വയനാട്ടിൽ മലവെള്ളപ്പാച്ചിൽ, വീട്ടുപകരണങ്ങൾ ഒലിച്ചു പോയി, കണ്ണൂരിൽ ഉരുൾപൊട്ടി


വീട്ടുകാരെ മാറ്റിപ്പാർപ്പിച്ചു. വീട്ടിൽ നിന്ന് വീട്ടുപകരണങ്ങൾ ഒലിച്ചു പോയതായാണ് വിവരം. മറ്റു രണ്ടു വീടുകളിൽ കൂടി വെള്ളം കയറിയിട്ടുണ്ട്.

Photo: Screengrab/ മാതൃഭൂമി ന്യൂസ്

കല്പറ്റ: വയനാട് സുൽത്താൻ ബത്തേരിക്കടുത്ത് അമ്പുകുത്തിക്കടുത്ത് മലവെള്ളപ്പാച്ചിൽ. തോടിനടുത്തുള്ള വീടുകളിൽ വെള്ളം കയറി. എന്നാൽ മഴകുറഞ്ഞതിനാൽ നിലവിൽ ആശങ്കപ്പെടേണ്ട സാഹചര്യമില്ലെന്നാണ് വിവരം.

സുൽത്താൻ ബത്തേരി നഗരത്തിൽ നിന്ന് അമ്പുകുത്തിമലയുടെ താഴ്വരയിൽ പെട്ടെന്ന് മലയിൽനിന്ന് വരുന്ന തോട്ടിലൂടെ അധികം വെള്ളം ഒഴുകി വരികയായിരുന്നു. മലയിൽ ശക്തമയ മഴപെയ്തതിനെത്തുടർന്നായിരുന്നു ഇത്തരത്തിൽ വെള്ളം വന്നത്. പ്രദേശത്തെ ഒരു വീട്ടിൽ ആദ്യം വെള്ളം കയറി. വീട്ടുകാരെ മാറ്റിപ്പാർപ്പിച്ചു. വീട്ടിൽ നിന്ന് വീട്ടുപകരണങ്ങൾ ഒലിച്ചു പോയതായാണ് വിവരം. മറ്റു രണ്ടു വീടുകളിൽ കൂടി വെള്ളം കയറിയിട്ടുണ്ട്. മഴ കുറഞ്ഞത് കൊണ്ട് തന്നെ നിലവിൽ സ്ഥിതി നിയന്ത്രണവിധേയമാണെന്നും ആശങ്കപ്പെടേണ്ട സാഹചര്യമില്ലെന്നുമാണ് പഞ്ചായത്ത് മെമ്പർ പറയുന്നത്.

ശക്തമായ മഴയെത്തുടർന്ന് കണ്ണൂരിൽ വീണ്ടും ഉരുൾപൊട്ടി. നെടുംപൊയിൽ - മാനന്തവാടി റോഡിലാണ് ഉരുൾപൊട്ടിയത്. കാഞ്ഞിരപ്പുഴയിൽ വെള്ളം ശക്തിയായി ഉയരുകയാണ്. താഴെ വെള്ളറയിലും വെള്ളം കയറുന്നുണ്ട്. ഇതോടെ പ്രദേശവാസികള്‍ക്ക് ജാഗ്രതാ നിര്‍ദ്ദേശം നല്‍കി. പുഴയോരത്തുള്ളവർ ജാഗ്രത പാലിക്കണമെന്നാണ് അധികൃതരുടെ മുന്നറിയിപ്പ്.

തുടർച്ചയായ രണ്ടാം ദിവസമാണ് കണ്ണൂരിൽ ഉരുൾപൊട്ടൽ ഉണ്ടായിരിക്കുന്നത്. കഴിഞ്ഞ ദിവസം കണ്ണൂര്‍ നെടുപൊയിലിലും കോഴിക്കോട് വിലങ്ങാട്ടിലും വനത്തിനുള്ളില്‍ ഉരുള്‍ പൊട്ടിയിരുന്നു. മലവെള്ളം കുത്തിയൊലിച്ച് എത്തിയതോടെ വിലങ്ങാട് പാലം പൂര്‍ണ്ണമായും വെള്ളത്തിനടിയിലായി.

Content Highlights: Heavy rain in kerala -wayanad and kannur landslide


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022

Most Commented