പ്രതീകാത്മക ചിത്രം
തിരുവനന്തപുരം: നികുതിവെട്ടിപ്പ് തടയാന്‍ ബില്ലുകള്‍ ചോദിച്ചുവാങ്ങുന്നത് പ്രോത്സാഹിപ്പിക്കാന്‍ സംസ്ഥാന ചരക്കുസേവനനികുതി വകുപ്പിന്റെ 'ലക്കി ഡിപ്പി'ല്‍ ഉപഭോക്താക്കള്‍ക്ക് എല്ലാ ദിവസവും സമ്മാനങ്ങള്‍. ആഴ്ചയിലും മാസത്തിലും പ്രത്യേക നറുക്കെടുപ്പുകളും നടത്തും.
വിശേഷാവസരങ്ങളില്‍ ബമ്പര്‍ സമ്മാനവും ഉണ്ടാകും. വര്‍ഷം അഞ്ചുകോടിരൂപയുടെ സമ്മാനങ്ങളാണ് ഇതിനായി ഒരുക്കുന്നത്. ലക്കി ബില്‍ എന്ന മൊബൈല്‍ ആപ്പ് വഴിയാണ് നറുക്കെടുപ്പ്. ഉപഭോക്താക്കള്‍ ഈ ആപ്പ് ഡൗണ്‍ലോഡ് ചെയ്യണം. സാധനങ്ങളും സേവനങ്ങളും വാങ്ങിയതിന്റെ ബില്ലുകള്‍ ഇതില്‍ അപ്‌ലോഡ്ചെയ്യണം. ഈ ബില്ലുകളാണ് നറുക്കെടുക്കുക.
മൊബൈല്‍ ആപ്പ് 16-ന് വൈകുന്നേരം നാലിന് മാസ്‌കോട്ട് ഹോട്ടലില്‍ മുഖ്യമന്ത്രി പിണറായി വിജയന്‍ ഉദ്ഘാടനംചെയ്യുമെന്ന് മന്ത്രി കെ.എന്‍. ബാലഗോപാല്‍ അറിയിച്ചു.ലക്കി ബില്‍ മൊബൈല്‍ ആപ്പ് ഗൂഗിള്‍ പ്ലേ സ്റ്റോറില്‍നിന്ന് സംസ്ഥാന ചരക്കുസേവനനികുതി വെബ്സൈറ്റായ www.keralataxes.gov.in-ല്‍നിന്ന് ഇന്‍സ്റ്റാള്‍ ചെയ്യാം. തുടര്‍ന്ന് പേര്, വിലാസം, മൊബൈല്‍നമ്പര്‍ എന്നിവ നല്‍കി രജിസ്റ്റര്‍ ചെയ്യണം.
മാസത്തിലെ വിജയിക്ക് ഒന്നാംസമ്മാനം 10 ലക്ഷം
ദിവസേനയുള്ള നറുക്കെടുപ്പ്: 1000 രൂപയുടെ ഗിഫ്റ്റ് പായ്ക്കറ്റ് (25പേര്‍ക്ക് വീതം കുടുംബശ്രീയുടെയും വനശ്രീയുടെയും)
ആഴ്ചതോറും നറുക്കെടുപ്പ്: 25 പേര്‍ക്ക് മൂന്നുപകലും രണ്ടുരാത്രിയും കെ.ടി.ഡി.സി.യുടെ ഹോട്ടലുകളില്‍ സൗജന്യ സകുടുംബ താമസം.
പ്രതിമാസ നറുക്കെടുപ്പ്: ഒന്നാംസമ്മാനം 10 ലക്ഷംരൂപ. രണ്ടാംസമ്മാനം രണ്ടുലക്ഷംവീതം അഞ്ചുപേര്‍ക്ക്. മൂന്നാംസമ്മാനം ഒരുലക്ഷം രൂപവീതം അഞ്ചുപേര്‍ക്ക്.
ബമ്പര്‍ സമ്മാനം 25 ലക്ഷംരൂപ
Content Highlights: GST bill prizes
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
%20(1).jpg?$p=cc679e8&f=1x1&w=100&q=0.8)
IN CASE YOU MISSED IT
.jpg?$p=2922c1a&f=1x1&w=100&q=0.8)
.jpg?$p=af6218f&f=1x1&w=100&q=0.8)
.jpg?$p=560306a&f=1x1&w=100&q=0.8)
.jpg?$p=74dd70a&q=0.8&f=16x11&w=104)
.jpg?$p=2922c1a&q=0.8&f=16x11&w=104)
.jpg?$p=1400dd6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..