ഇ.ഡി.ക്കെതിരേ വീണ്ടും സര്‍ക്കാര്‍: മസാല ബോണ്ടില്‍ സ്വരാജ്‌ അവകാശലംഘന നോട്ടീസ് നല്‍കും


എം.സ്വരാജും മുഖ്യമന്ത്രി പിണറായി വിജയനും | ഫോട്ടോ:അജി വി.കെ. മാതൃഭൂമി

തിരുവനന്തപുരം: മസാല ബോണ്ട് അന്വേഷണത്തില്‍ ഇ.ഡി.ക്കെതിരേ നിയമസഭയില്‍ വീണ്ടും അവകാശലംഘന നോട്ടീസ് നല്‍കാന്‍ സര്‍ക്കാര്‍. നിയമസഭയില്‍ സമര്‍പ്പിക്കും മുമ്പ് റിപ്പോര്‍ട്ടിലെ പരാമര്‍ശങ്ങളെക്കുറിച്ച് ഇ.ഡി. അന്വേഷണം നടത്തുന്നത് സഭയുടെ അവകാശലംഘനമാണ് എന്ന വിലയിരുത്തലിന്റെ അടിസ്ഥാനത്തിലായിരിക്കും നോട്ടീസ്.

നിയമസഭയില്‍ ഭരണപക്ഷ എം.എല്‍.എ. സര്‍ക്കാരിന് വേണ്ടി സ്പീക്കറെ സമീപിക്കും. എം.സ്വരാജ് എംഎല്‍എ ചട്ടലംഘന നോട്ടീസ് നല്‍കുമെന്ന് ധനവകുപ്പ് വൃത്തങ്ങള്‍ അറിയിച്ചു.

സംസ്ഥാനങ്ങള്‍ വിദേശവായ്പ എടുക്കാന്‍ പാടില്ലെന്ന ചട്ടം കേരളം മസാലബോണ്ടിലൂടെ ലംഘിച്ചുവെന്ന സി.എ. ജി. പരാമര്‍ശത്തിന്റെ അടിസ്ഥാനത്തിലാണ് ഇ.ഡി.യുടെ നീക്കം.

ഇതില്‍ വിദേശനാണ്യ വിനിമയ നിയമത്തിന്റെ (ഫെമ) ലംഘനമുണ്ടെന്നാണ് ഇ.ഡി. സംശയിക്കുന്നത്. ഇതിന്റെ അടിസ്ഥാനത്തില്‍ റിസര്‍വ് ബാങ്കിനോട് വിശദീകരണം തേടി. അടുത്തഘട്ടത്തില്‍ കിഫ്ബിയോടും ധനവകുപ്പിനോടും ഇ.ഡി. രേഖകള്‍ ആവശ്യപ്പെടാം. റിസര്‍വ് ബാങ്ക് മസാലബോണ്ടിന് അനുമതി നല്‍കിയത് സംശയാസ്പദമാണെന്നു സി.എ.ജി. നിരീക്ഷിച്ചിരുന്നു.

ലൈഫ് പദ്ധതിയിലെ ഫയലുകള്‍ ആവശ്യപ്പെട്ടതിന് ഇ.ഡി.ക്കെതിരേയുള്ള അവകാശലംഘന നോട്ടീസ് നിയമസഭയുടെ എത്തിക്‌സ് കമ്മിറ്റിയുടെ പരിഗണനയിലാണ്. ഇ.ഡി.യുടെ മറുപടി മാധ്യമങ്ങള്‍ക്കു ചോര്‍ന്നതിനെക്കുറിച്ച് കമ്മിറ്റി വിശദീകരണം ചോദിച്ചിട്ടുണ്ട്.

ഫയല്‍ ആവശ്യപ്പെടുന്നതുപോലെയല്ല, നിയമസഭയില്‍ ഇനിയുമെത്താത്ത റിപ്പോര്‍ട്ടിന്റെ പേരിലെ അന്വേഷണം അസാധാരണമാണെന്നാണ് സര്‍ക്കാരിന്റെ വിലയിരുത്തല്‍.

Content Highlights:Government to issue infringement notice against ED


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented