രണ്ട് സഹോദരിമാരുടെ മക്കള്‍, അന്ത്യയാത്രയിലും ആ നാലു പേര്‍ ഒരുമിച്ചു


വിഷ്ണുവിനും അരുണിനും ആദിത്യനുമൊപ്പം അമര്‍നാഥും യാത്രയായി

വിഷ്ണുവിന്റെയും അരുണിന്റെയും മൃതദേഹം വീട്ടിലെത്തിച്ചപ്പോൾ സങ്കടമടക്കാനാകാതെ കൈകൂപ്പി കരയുന്ന അച്ഛൻ ബാബു | ഫോട്ടോ: അജേഷ് ഇടവെട്ടി

കോഴിക്കോട് : മൂവാറ്റുപുഴ തൃക്കുളത്തൂരില്‍ കാറും ലോറിയും കൂട്ടിയിടിച്ചുണ്ടായ അപകടത്തില്‍ പൊലിഞ്ഞത് സഹോദരിമാരുടെ നാലു മക്കള്‍. പുറപ്പുഴ കുന്നേല്‍ ബാബുവിന്റെയും രജനിയുടെയും മക്കളായ വിഷ്ണു(25)വും അരുണും(22) മൂക്കിലിക്കാട്ട് രാജേന്ദ്രന്‍ പിള്ളയുടെയും സജിനിയുടെയും മക്കളായ ആദിത്യ(23)നും അമര്‍നാഥു(20)മാണ് മരിച്ചത്. അമ്മമാരായ രജനിയും സജിനിയും സഹോദരങ്ങളാണ്.

എന്തിനും എവിടേയും ഒരുമിച്ച്

ഇന്നലെ മരിച്ച വിഷ്ണുവിനും അരുണിനും ആദിത്യനുമൊപ്പം അമര്‍നാഥിനേക്കൂടി നഷ്ടമായെന്നത് ഇനിയും ഉള്‍ക്കൊള്ളാനായിട്ടില്ല ബന്ധുക്കള്‍ക്കും നാട്ടുകാര്‍ക്കും. സഹോദരങ്ങള്‍ എന്നതിനപ്പുറത്തേക്ക് അടുത്ത കൂട്ടുകാരായിരുന്നു നാലു പേരുമെന്ന് വിങ്ങലോടെ ഓര്‍ക്കുകയാണ് പുറപ്പുഴക്കാര്‍.

വീടുകള്‍ക്കിടയില്‍ അധികം ദൂരമില്ലാത്തതിനാല്‍ കൂടുതലും ഇവര്‍ ഒന്നിച്ചായിരുന്നു. ഒഴിവുസമയങ്ങളില്‍ ഒരുമിച്ചിരുന്നിരുന്ന നാട്ടിലെ ചടങ്ങുകളില്‍ ഒരുമിച്ചെത്തിയിരുന്ന കൂട്ടുകാര്‍. അവസാനത്തെ ഉല്ലാസയാത്രയില്‍ മാത്രമല്ല, മരണത്തിലും അവര്‍ കൈ കോര്‍ത്തപ്പോള്‍ നാട്ടിലും വീട്ടിലും ഏത് ആവശ്യത്തിനും ഓടിയെത്തുന്ന നാല് ചുണക്കുട്ടികളെയാണ് ഗ്രാമത്തിന് നഷ്ടമായത്.

അമ്മ രജനി നടത്തുന്ന പലചരക്കുകടയില്‍ വിഷ്ണുവും അരുണും അധികസമയവും ഉണ്ടാവുമായിരുന്നു. കടയില്‍ എത്തുന്ന ആരും നിറഞ്ഞ ചിരിയോടെയല്ലാതെ ഇവരെ കണ്ടിട്ടില്ല. അതുകൊണ്ടാവാണം ഇരുവരുടേയും ചേതനയറ്റ മൃതദേഹങ്ങള്‍ ഇന്നലെ വീട്ടിലെത്തിയപ്പോള്‍ പുറത്തുകൂടി നിന്നവരിലും കണ്ണീര്‍ അണപൊട്ടിയത്.

ചേട്ടന്റെ ചിതയണയും മുമ്പേ അനിയനും

ആദിത്യന്റെ മൃതദേഹത്തിന് ചുറ്റും നിന്നും ഏങ്ങലടിച്ച് കരയുമ്പോളും ആദിത്യന്റെ അച്ഛന്റെ അമ്മയും ഉള്‍പ്പടെയുള്ളവര്‍ പ്രതീക്ഷിച്ചിരുന്നു അമര്‍നാഥ് ആശുപത്രിയില്‍ കിടക്കയില്‍നിന്നു ജീവനോടെ തിരിച്ചെത്തുമെന്ന്. എന്നാല്‍, ആദിത്യന്റെ ചിതയണയും മുമ്പ് കഠാരക്കുഴിലെ വീട്ടില്‍ മറ്റൊരു ചിതകൂടി ഒരുങ്ങി. അമര്‍നാഥിന് വേണ്ടി. വീട്ടിലെന്ന പോല ആദിത്യനു സമീപം തന്നെ അമര്‍നാഥും ഉറങ്ങും.

content highlights: four killed in car lorry collission in moovattupuzha


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022

Most Commented