ബി.ജെ.പി. അംഗം എത്തിയത് സി.പി.എമ്മുകാരുടെ ആംബുലന്‍സില്‍; ഇളമ്പല്ലൂരില്‍ നാടകീയ രംഗങ്ങള്‍


പ്രശ്‌നത്തെത്തുടർന്ന് സ്ഥലത്തെത്തിയ പോലീസ് ആളുകളെ പിടിച്ചുമാറ്റുന്നു | ഫോട്ടോ: youtube screengrab|mathrubhumi channel

കൊല്ലം: ഇളമ്പല്ലൂര്‍ ഗ്രാമ പഞ്ചായത്തില്‍ അവിശ്വാസ പ്രമേയത്തിനിടെ, നാലു ദിവസം മുന്‍പ് കാണാതായ ബി.ജെ.പി അംഗം ശ്രീധരനെ സി.പി.എം പ്രവര്‍ത്തകര്‍ ആംബുലന്‍സില്‍ പഞ്ചായത്തിലെത്തിച്ചു. ഇതോടെ ബി.ജെ.പി. അംഗങ്ങള്‍ തടസവുമായി രംഗത്തെത്തി.

ഇരുപത്തിയൊന്നംഗ ഭരണസമിതിയില്‍ എല്‍.ഡി.എഫ് - 10, ബി.ജെ.പി - 6, യു.ഡി.എഫ് - 4, സ്വതന്ത്രന്‍- 1 എന്നിങ്ങനെയാണ് കക്ഷിനില. സി.പി.എം. പ്രവര്‍ത്തകരുടെ സംരക്ഷണയില്‍ പഞ്ചായത്തിലെത്തിയ ശ്രീധരന്‍ അവര്‍ക്കനുകൂലമായി വോട്ടു ചെയ്തതോടെ എല്‍.ഡി.എഫിനു ഭരണം ലഭിച്ചു. ഇതാണ് പ്രശ്‌നങ്ങള്‍ക്ക് വഴി വെച്ചത്. ബി.ജെ.പിക്കാരും മറ്റു പഞ്ചായത്തംഗങ്ങളും തമ്മില്‍ ഉന്തും തള്ളുമുണ്ടായതിനെത്തുടര്‍ന്ന് പോലീസ് സ്ഥലത്തെത്തി.

സി.പി.എമ്മില്‍ നിന്നു രാജി വെച്ച് ബി.ജെ.പിയിലെത്തുകയും പഞ്ചായത്ത് തിരഞ്ഞെടുപ്പില്‍ മത്സരിച്ച് വിജയിക്കുകയും ചെയ്ത ആളാണ് ശ്രീധരന്‍. കഴിഞ്ഞ നാലു ദിവസങ്ങളില്‍ വിപ്പ് നല്‍കാന്‍ ബി.ജെ.പി ശ്രമിച്ചെങ്കിലും നടന്നില്ല. സി.പി.എമ്മുകാര്‍ ഒളിപ്പിച്ചു വെച്ചു എന്ന ആക്ഷേപം നിലനില്‍ക്കെയാണ് ഇന്നു രാവിലെ അവരുടെ തന്നെ സഹായത്തോടെ ശ്രീധരന്‍ പഞ്ചായത്ത് ഓഫീസിലെത്തിയത്.

ഡി.വൈ.എസ് പി അശോക് കുമാറിന്റെ നേതൃത്വത്തില്‍ വലിയൊരു പോലീസ് സന്നാഹം സ്ഥലത്ത് ക്യാമ്പ് ചെയ്യുന്നുണ്ട്.

Content Highlights: fight happened between members of panchayat governing body in kollam


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021

Most Commented