തൊണ്ടിമുതല്‍ കേസ്: ആന്റണി രാജുവിന് ആശ്വാസം, തുടര്‍നടപടികള്‍ ഒരുമാസത്തേക്ക് ഹൈക്കോടതി സ്‌റ്റേ ചെയ്തു 


പ്രദീപ് ജോസഫ്| മാതൃഭൂമി ന്യൂസ് 

കുറ്റപത്രം റദ്ദാക്കണമെന്നാണ് ആന്റണി രാജുവിന്റെ ആവശ്യം.

ആന്റണി രാജു | Photo: Mathrubhumi

കൊച്ചി: തൊണ്ടിമുതലില്‍ കൃത്രിമം കാണിച്ചെന്ന കേസിലെ തുടര്‍നടപടികള്‍ ഹൈക്കോടതി ഒരുമാസത്തേക്ക് സ്‌റ്റേ ചെയ്തു. ഗതാഗതമന്ത്രി ആന്റണി രാജുവിന്റെ ഹര്‍ജി ഫയലില്‍ സ്വീകരിച്ച ഹൈക്കോടതി ബന്ധപ്പെട്ടവര്‍ക്ക് നോട്ടീസ് അയച്ചു. കുറ്റപത്രം റദ്ദാക്കണമെന്നാണ് ആന്റണി രാജുവിന്റെ ആവശ്യം.

കേസില്‍ വ്യാഴാഴ്ച വിചാരണാ നടപടികള്‍ ആരംഭിക്കാനിരിക്കേയാണ്, തുടര്‍നടപടികള്‍ ഒരുമാസത്തേക്ക് സ്റ്റേ ചെയ്തുകൊണ്ട് ഹൈക്കോടതി ഉത്തരവ് പുറപ്പെടുവിച്ചിരിക്കുന്നത്. ആന്റണി രാജുവിനെ സംബന്ധിച്ചിടത്തോളം ഏറെ ആശ്വാസം പകരുന്ന നടപടിയാണിത്. മയക്കുമരുന്നു കേസിലെ പ്രതിയായ ഓസ്‌ട്രേലിയന്‍ പൗരനെ രക്ഷിക്കാന്‍ തൊണ്ടിമുതലില്‍ കൃത്രിമം കാണിച്ചെന്ന് ആരോപിച്ച്, തനിക്കെതിരേ നടപടിക്രമം പാലിക്കാതെയാണ് കേസ് രജിസ്റ്റര്‍ ചെയ്തിരിക്കുന്നതെന്ന് എന്നാണ് ചൊവ്വാഴ്ച ഫയല്‍ ചെയ്ത ഹര്‍ജിയില്‍ ആന്റണി രാജു പറയുന്നത്. അതിനാല്‍ കുറ്റപത്രം റദ്ദ് ചെയ്യണമെന്നും അദ്ദേഹം ആവശ്യപ്പെടുന്നു.

മജിസ്‌ട്രേട്ട് കോടതിയുടെ പരിഗണനയിലിരിക്കുന്ന കേസില്‍ വ്യാഴാഴ്ചയാണ് വിചാരണ നടപടികള്‍ ആരംഭിക്കാനിരുന്നത്. നേരത്തെ നെടുമങ്ങാട് കോടതിയിലെ ശിരസ്ദാര്‍ നല്‍കിയ മൊഴിയുടെ അടിസ്ഥാനത്തിലാണ് വലിയതുറ പോലീസ് കേസ് രജിസ്റ്റര്‍ ചെയ്തത്. കോടതിയിലിരിക്കുന്ന തൊണ്ടിമുതലില്‍ കൃത്രിമം കാട്ടിയെന്ന സംഭവത്തില്‍ പോലീസിന് കേസ് എടുക്കാന്‍ കഴിയില്ലെന്നാണ് ആന്റണി രാജുവിന്റെ വാദം. കോടതിയുടെ കസ്റ്റഡിയിലുള്ള തൊണ്ടിമുതല്‍ ആയതിനാല്‍, അതില്‍ എന്തെങ്കിലും പരാതിയുണ്ടെങ്കില്‍ മജിസ്‌ട്രേട്ട് കോടതിക്കാണ് പരാതി നല്‍കേണ്ടത്. മജിസ്‌ട്രേട്ട് കോടതിയാണ് നടപടി എടുക്കേണ്ടതെന്നും ആന്റണി രാജു ഹര്‍ജിയില്‍ ചൂണ്ടിക്കാണിച്ചിരുന്നു. ഈ വാദഗതികള്‍ താല്‍ക്കാലികമായി അംഗീകരിച്ചാണ് സര്‍ക്കാരിന് ഉള്‍പ്പെടെ നോട്ടീസ് അയക്കാന്‍ ഹൈക്കോടതി നിര്‍ദേശിച്ചത്. ഒരുമാസത്തേക്ക് തുടര്‍നടപടികള്‍ എല്ലാം സ്റ്റേ ചെയ്തിട്ടുമുണ്ട്.

Content Highlights: evidence tampering case: antony raju gets relief from high court

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


mAYOR

1 min

മേയര്‍ ബാലഗോകുലം പരിപാടിയില്‍ പങ്കെടുത്തത് വിവാദത്തില്‍; പാര്‍ട്ടി വിലക്കിയിട്ടില്ലെന്ന് വിശദീകരണം

Aug 8, 2022


K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022

Most Commented