വയസ്സ് 115, പേരക്കുട്ടികള്‍ 108; പ്രായം തളര്‍ത്താതെ കളിച്ചും പൊട്ടിച്ചിരിച്ചും മറിയാമ്മ


വിമല്‍ കോട്ടയ്ക്കല്‍

മൂന്ന് ഇരട്ടകളടക്കം 11 മക്കളെ അവര്‍ പ്രസവിച്ചു. അതില്‍ അഞ്ചുപേരേ ഇപ്പോള്‍ ജീവിച്ചിരിക്കുന്നുള്ളൂ.

മറിയാമ ഉതുപ്പ് തന്റെ അഞ്ചാംതലമുറയിലെ പേരക്കുഞ്ഞിനോടൊപ്പം

മലപ്പുറം: പേരക്കുട്ടികളെ കണ്ടാല്‍ 115 വയസ്സുകാരി മറിയാമ്മ ഉതുപ്പ് അഞ്ചുവയസ്സുകാരിയാകും. അവരോട് കളിച്ചും പൊട്ടിച്ചിരിച്ചും കിന്നാരം ചോദിച്ചും അങ്ങനെയിരിക്കും. ഒരുനൂറ്റാണ്ട് കണ്ട ആ കണ്ണുകളില്‍ ഇപ്പോഴും നല്ല വെളിച്ചമാണ്. മേലാറ്റൂര്‍ പാതിരിക്കോടാണ് ഇപ്പോള്‍ കേരളത്തിന്റെ മുത്തശ്ശിയുടെ താമസം.

രേഖകള്‍പ്രകാരം 1908 ഓഗസ്റ്റ് 31-നാണ് മറിയാമ്മയുടെ ജനനം. മൂവാറ്റുപുഴ കഴുതക്കോട്ട് പുത്തന്‍പുരയ്ക്കല്‍ ചാക്കോയുടെയും കുഞ്ഞളച്ചിയുടെയും മൂത്തമകളാണ്. 24-ാം വയസ്സില്‍ വാളകം കുന്നക്കാലില്‍ പാപ്പാലില്‍ ഉതുപ്പിനെ വിവാഹം കഴിച്ചു. അദ്ദേഹം സ്വാതന്ത്ര്യസമര സേനാനിയും സുവിശേഷകനുമൊക്കെയായിരുന്നു.

ജീവിതപ്രാരാബ്ധങ്ങള്‍ കാരണം 1946-ല്‍ ഇരുവരും മലബാറിലേക്ക് കുടിയേറി. മലപ്പുറത്തെ എടപ്പറ്റ പുളിയക്കോട്ടേക്കായിരുന്നു ആ കുടിയേറ്റം. അവിടെ ഉതുപ്പിന്റെയും മറിയാമ്മയുടെയും ജീവിതം തളിര്‍ത്ത് പുഷ്പിച്ചു.

മൂന്ന് ഇരട്ടകളടക്കം 11 മക്കളെ അവര്‍ പ്രസവിച്ചു. അതില്‍ അഞ്ചുപേരേ ഇപ്പോള്‍ ജീവിച്ചിരിക്കുന്നുള്ളൂ. ജീവിച്ചിരിക്കുന്ന മൂന്നാമത്തെ മകള്‍ സാറാമ്മയ്ക്ക് ഇപ്പോള്‍ 86 വയസ്സുണ്ട്. അഞ്ചുതലമുറയിലെ പേരക്കുട്ടികളുടെ എണ്ണമെടുത്താല്‍ 108 പേരാണ്. അഞ്ചാംതലമുറയില്‍ മാത്രം 17 കുട്ടികളുണ്ട്. അതിലെ മൂത്തകുട്ടിക്ക് 18 വയസ്സായി. കേള്‍വിശക്തി കുറഞ്ഞതൊഴിച്ചാല്‍ കാര്യമായ ആരോഗ്യപ്രശ്നമൊന്നുമില്ലെന്നാണ് പേരക്കുട്ടിയും ഇരിങ്ങാട്ടിരി എ.എം.എല്‍.പി. സ്‌കൂളിലെ മുന്‍ പ്രഥമാധ്യാപകനുമായ ജോസ് പാപ്പാലില്‍ പറയുന്നത്.

ചുണ്ടനക്കംകണ്ട് കാര്യങ്ങള്‍ മനസ്സിലാക്കും. ഓര്‍മ പലപ്പോഴും ഒളിച്ചുകളിക്കുന്നുണ്ട്. ചില പെണ്‍മക്കളെ കണ്ടാല്‍ 'നീ കല്യാണം കഴിച്ചതാണോടീ' എന്നൊക്കെ ചോദിക്കും. നല്ല മാനസികാവസ്ഥയിലാണെങ്കില്‍ നന്നായി സംസാരിക്കാറുണ്ട്. രാവിലെ നേരത്തേ എഴുന്നേല്‍ക്കുന്ന സ്വഭാവമാണ്. കൃത്യവും മിതവുമായ ഭക്ഷണം. തണുത്തതും പഴകിയതുമൊന്നും കഴിക്കില്ല. ജീവിതശൈലീരോഗങ്ങള്‍ ഒന്നുമില്ല. കഴിഞ്ഞ ഓഗസ്റ്റ് 31-ന് മക്കളും പേരക്കുട്ടികളും ചേര്‍ന്ന് മറിയാമ്മയുടെ 115-ാം പിറന്നാള്‍ ഗംഭീരമായി ആഘോഷിച്ചു.

Content Highlights: even at the age of 115, mariamamma is still young


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

10:51

പട്ടാളമില്ലെങ്കിലും സേഫായ രാജ്യം, ഉയര്‍ന്ന ശമ്പളം, വിശേഷദിനം ഓഗസ്റ്റ് 15 | Liechtenstein

Jul 25, 2022


Bala Against unnimukundan, shefeekkinte santhosham controversy

1 min

ഉണ്ണിമുകുന്ദന്‍ പ്രതിഫലം നല്‍കാതെ പറ്റിച്ചു; ആരോപണവുമായി ബാല

Dec 8, 2022


photo: Getty Images

1 min

അത്ഭുതമായി ലിവാകോവിച്ച്...ക്രൊയേഷ്യയുടെ ഹീറോ

Dec 9, 2022

Most Commented