സ്വപ്ന മുഖംമൂടി മാത്രം, പിന്നിൽ ശിവശങ്കർ: എൻഫോഴ്സ്മെന്റ് ഡയറക്ടറേറ്റ് 


എം ശിവശങ്കർ|ഫോട്ടോ: എ എൻ ഐ

കൊച്ചി: സ്വർണക്കടത്ത് കേസുമായി ബന്ധപ്പെട്ട് സ്വപ്ന ഒരു മുഖം മൂടി മാത്രമാണെന്നും മുഖംമൂടിക്ക് പിന്നിൽ ശിവശങ്കറാണെന്നും എൻഫോഴ്സ്മെന്റ് ഡയറക്ടററ്റ്. ലോക്കറിലുണ്ടായിരുന്ന പണം ശിവശങ്കറിന്റേത് കൂടിയാണ്. ആ പണം തന്റെ താത്‌പര്യങ്ങൾക്കനുസരിച്ച് ചെലവഴിക്കാനാണ് ശിവശങ്കർ ശ്രമിച്ചതെന്നും ഇ ഡി കോടതിയിൽ വ്യക്തമാക്കി.

സ്വർണക്കടത്ത് കേസുമായി ബന്ധപ്പെട്ട വിവരങ്ങൾ ശിവശങ്കറിന് അറിയാമെന്നതിന് തെളിവ് കോടതിയിൽ ഹാജരാക്കി. ശിവശങ്കറും സ്വപ്നയും തമ്മിലുള്ള വാട്സ് ആപ്പ് ചാറ്റുകളും സ്വപ്നയുടെ മൊഴിയുമാണ് മുദ്രവെച്ച കവറിൽ ഇ ഡി കോടതിയിൽ സമർപ്പിച്ചത്.

സംസ്ഥാന സർവീസിലെ മുതിർന്ന ഐ എ എസ് ഉദ്യോ​ഗസ്ഥനെന്ന നിലയിൽ ശിവശങ്കറിനെ ജാമ്യത്തിൽ വിട്ടാൽ കേസിനെ സ്വാധീനിക്കുമെന്നാണ് ഇ.ഡി.കോടതിയിൽ വ്യക്തമാക്കിയത്. ഇതിന്റെ കാരണമായി ഇ ഡി ചൂണ്ടിക്കാണിച്ചത് ഉന്നത സ്വാധീനവും ശിവശങ്കറിനെതിരായ തെളിവുകളുമാണ്. സ്വർണക്കടത്ത് കേസുമായി ബന്ധപ്പെട്ട് കേവലം അറിവ് മാത്രമല്ല ശിവശങ്കറിന് ഉണ്ടായിരുന്നതെന്നും സ്വർണക്കടത്തിന് ഒത്താശ ചെയ്തു. കിട്ടുന്ന പണം എവിടെ നിക്ഷേപിക്കണമെന്ന നിർദ്ദേശം നൽകിയെന്നും ഇ ഡി കോടതിയിൽ വ്യക്തമാക്കി.

ഇരുവരും ചേർന്ന് സ്വപ്നയുടെ പേരിൽ മറ്റൊരു ലോക്കർ കൂടി തുറക്കാൻ പദ്ധതിയിട്ടിരുന്നതായും ഇ ഡി കോടതിയിൽ വ്യക്തമാക്കി.
ബാ​ഗ് വിട്ട്കിട്ടുന്നതിനും ശിവശങ്കർ ഇടപെടൽ നടത്തിയിട്ടുണ്ട്. സ്വപ്നയുടെ ആവശ്യപ്രകാരം കസ്റ്റംസിനെ വിളിച്ചെന്നും ശിവശങ്കർ സമ്മതിച്ചിട്ടുണ്ടെന്നും ഇ ഡി കോടതിയിൽ വ്യക്തമാക്കി. ലൈഫ് മിഷനുമായി ബന്ധപ്പെട്ട രഹസ്യരേഖകൾ ശിവശങ്കർ സ്വപ്നക്ക് കൈമാറിയെന്നും ശിവശങ്കറിന്റെ ജാമ്യ ഹർജി എതിർത്തുകൊണ്ട് സോളിസിറ്റർ ജനറൽ സൂര്യപ്രകാശ് പി റാവു വാദിച്ചു.

Content Highlights:Enforcement against bail plea of M sivasankar


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented