.jpg?$p=69d463a&f=16x10&w=856&q=0.8)
കാട്ടാന/ പരിക്കേറ്റ ഗണേശനെ ആശുപത്രിയിലേക്ക് കൊണ്ടു പോകുന്നു
തെന്മല: ആര്യങ്കാവ് അമ്പനാട് തേയിലത്തോട്ടത്തിലെ സൂപ്പര്‍വൈസറായ ഗണേശനിത് പുനര്‍ജന്മമാണ്. കയ്യെത്തും ദൂരത്തില്‍ വരെയെത്തിയ കാട്ടാനയില്‍നിന്ന് എങ്ങനെ രക്ഷപ്പെട്ടെന്ന് ഇപ്പോഴും ചിന്തിക്കാനാവുന്നില്ല. ചൊവ്വാഴ്ച രാവിലെ ആറരയോടെയാണ് സംഭവം.
മെത്താപ്പ് ഡിവിഷനില്‍നിന്ന് വീട്ടിലേക്ക് പാലും വാങ്ങി ബൈക്കില്‍ പോകവേ പന്നീര്‍കൊയ്യാവളവില്‍ എതിര്‍ഭാഗത്തുനിന്ന് അമ്പനാട് - തെങ്കാശി ബസ് വരുന്നുണ്ടായിരുന്നു. ബസ്സിന് സൈഡ് കൊടുക്കാനായി ബൈക്ക് നിര്‍ത്തിയതും മുകള്‍ ഭാഗത്തുനിന്ന് കാട്ടാന പാഞ്ഞടുക്കുകയായിരുന്നു. തുടര്‍ന്ന് ബൈക്ക് ഉപേക്ഷിച്ച് ഗണേഷന്‍ ഓടി. എന്നാല്‍ ആന വിടാതെ പിന്തുടര്‍ന്നു.
തുടര്‍ന്ന് റോഡിനോട് ചേര്‍ന്ന കമ്പിവേലി മറികടന്ന് പത്തടിയോളം താഴ്ചയുള്ള തേയിലത്തോട്ടത്തിലെ കുഴിയിലേക്ക് ചാടുകയായിരുന്നു. തേയിലക്കാട്ടില്‍ പതുങ്ങിയിരുന്നതിനാല്‍ കാട്ടാന പിന്‍മാറി. ഇതിനിടയില്‍ ബസ്സിലുള്ളവര്‍ ഒച്ചവയ്ക്കുകയും നാട്ടുകാരെ വിവരമറിയിക്കുകയും ചെയ്തു.
തുടര്‍ന്ന് മാനേജര്‍ അരുണ്‍ പ്രകാശ്, സ്റ്റീഫന്‍, കറുപ്പസ്വാമി, മുത്തു, തിരുപ്പതി, പാല്‍ത്തുരൈ, ബസ്‌ലി തുടങ്ങിയ എസ്റ്റേറ്റ് ജീവനക്കാര്‍ ഗണേശനെ തേയിലക്കാട്ടില്‍ നിന്ന് പുറത്തെത്തിച്ച് ആശുപത്രിയിലെത്തിക്കുകയായിരുന്നു. ഗണേഷന്റെ കാലിന് പരിക്കേറ്റിട്ടുണ്ട്.
Content Highlights: elephant attack in thenmala
RELATED STORIES
.jpg?$p=cc29bd4&f=1x1&w=100&q=0.8)
.jpg?$p=9396e2d&f=1x1&w=100&q=0.8)
IN CASE YOU MISSED IT
.jpg?$p=8a6554b&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
%20(1).jpg?$p=7ed5704&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..