കര്‍ണാടകയിലെ സുള്ള്യയില്‍ ഭൂചലനം; പ്രകമ്പനം കാസര്‍കോട്ടും, sullia earthquake,kasargod news,

28 June 2022, 01:02 PM IST

Photo: google.com/maps

കാസര്‍കോട്: കര്‍ണാടകയിലെ സുള്ള്യയില്‍ ഭൂചലനം. പ്രകമ്പനം കാസര്‍കോട്ടും അനുഭവപ്പെട്ടു. കാസര്‍കോട് ജില്ലയിലെ പനത്തൊടി, കല്ലെപ്പള്ളി തുടങ്ങിയ മേഖലകളിലാണ് ചൊവ്വാഴ്ച രാവിലെ പ്രകമ്പനം അനുഭവപ്പെട്ടത്. രാവിലെ വലിയ ശബ്ദം കേട്ടതായി നാട്ടുകാരും പറഞ്ഞു. വീടുകളില്‍ വിള്ളലുകളോ മറ്റു നാശനഷ്ടങ്ങളോ റിപ്പോര്‍ട്ട് ചെയ്തിട്ടില്ല.

റിക്ടര്‍ സ്‌കെയിലില്‍ 3.0 തീവ്രത രേഖപ്പെടുത്തിയ ഭൂചലനമാണ് സുള്ള്യയിലെ വിവിധ ഭാഗങ്ങളിലുണ്ടായത്. രാവിലെ 7.45-ഓടെയായിരുന്നു സംഭവം. ഇതിന്റെ പ്രകമ്പനമാണ് കാസര്‍കോട്ടെ വിവിധ പ്രദേശങ്ങളിലടക്കം അനുഭവപ്പെട്ടതെന്നാണ് നിഗമനം. സുള്ള്യയിലെ ചില വീടുകളിലെ ചുമരുകളില്‍ വിള്ളലുണ്ടായിട്ടുണ്ട്. ജൂണ്‍ 25-നും സുള്ള്യയിലെ ചിലയിടങ്ങളില്‍ പ്രകമ്പനം അനുഭവപ്പെട്ടിരുന്നു. അന്ന് റിക്ടര്‍ സ്‌കെയിലില്‍ 2.7 തീവ്രത രേഖപ്പെടുത്തിയ ഭൂചലനമാണുണ്ടായത്.

Content Highlights: earthquake in sullia and tremors felt in kasargod also

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)