തൊടുപുഴ: പൗരത്വ നിയമ ഭേദഗതിയെപ്പറ്റി വിശദീകരിക്കാന്‍ ബിജെപി യോഗം നടത്തുന്ന സമയത്ത് കടകള്‍ അടച്ചിടരുതെന്ന് നിര്‍ദ്ദേശിച്ചുകൊണ്ട് പോലീസിന്റെ നോട്ടീസ്. തൊടുപുഴ കരിമണ്ണൂരിലാണ് ബി.ജെ.പി. ജനജാഗ്രതാ സമിതി നടത്തുന്ന പരിപാടിയുടെ സമ്മേളന സമയത്ത് കടകള്‍ അടയ്ക്കരുതെന്ന് വ്യാപാരികള്‍ക്ക് പോലീസ് നിര്‍ദേശം നല്‍കിയത്. അനുമതിയില്ലാതെ കടകള്‍ അടച്ചാല്‍ നിയമനടപടികള്‍ സ്വീകരിക്കുമെന്നും പോലീസ് അറിയിച്ചിട്ടുണ്ട്.
കരിമണ്ണൂരില്‍ ബുധനാഴ്ച വൈകിട്ട് ജനജാഗ്രതാ സദസ്സ് സംഘടിപ്പിച്ചിരുന്നു. ജനജാഗ്രതാ സദസ്സ് നടക്കുന്നിടങ്ങളില്‍ ആളുകള്‍ കടയടച്ച് പ്രതിഷേധിക്കുന്ന രീതി പലയിടത്തും കണ്ടുവന്നിട്ടുണ്ട്. ഈ രീതിയില്‍ കടകള്‍ അടച്ച് പ്രതിഷേധിക്കുന്നത് വര്‍ഗീയ ചേരിതിരിവുണ്ടാക്കുമെന്നാണ് പോലീസ് ഭാഷ്യം. ഇതിനു പിന്നാലെ വ്യാപാരികള്‍ക്ക് പോലീസ് നോട്ടീസും നല്‍കി.
കഴിഞ്ഞദിവസങ്ങളില്‍ കടകള്‍ അടച്ച് പ്രതിഷേധിച്ചതിനെ തുടര്‍ന്ന് ജില്ലയിലെ തൂക്കൂപാലം പോലെ ചിലയിടങ്ങളില്‍ സംഘര്‍ഷങ്ങളുണ്ടായെന്നും ഇത്തരത്തില്‍ ക്രമസമാധാന പ്രശ്‌നങ്ങള്‍ ഉണ്ടാകാതിരിക്കാനാണ് ഇത്തരത്തിലൊരു നടപടി സ്വീകരിച്ചതെന്നുമാണ് പോലീസ് പ്രതികരിച്ചത്. എന്നാല്‍ പോലീസ് നടപടിയെ ചോദ്യം ചെയ്ത് ചിലര്‍ രംഗത്തെത്തിയതിനെ തുടര്‍ന്ന് എല്ലാ വ്യാപാരികള്‍ക്കും നോട്ടീസ് നല്‍കിയില്ലെന്നും ഏതാനും ചിലര്‍ക്ക് മാത്രമാണ് നോട്ടീസ് നല്‍കിയിട്ടുള്ളതെന്നും പോലീസ് വ്യക്തമാക്കുന്നു.
content highlights: dont close shops during bjp's caa explanation meeting, police to traders
Also Watch
RELATED STORIES
.jpg?$p=246738b&f=1x1&w=100&q=0.8)
IN CASE YOU MISSED IT
.jpg?$p=0c83eef&q=0.8&f=16x11&w=104)
.jpg?$p=86b304b&q=0.8&f=16x11&w=104)
.jpg?$p=f15faf2&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..