വീണ്ടും കാണാതായ അച്ഛനെ തേടിയലഞ്ഞ് സുബ്രഹ്മണ്യൻ; ആകെയുള്ളത് മങ്ങിയ ചിത്രം മാത്രം


ടി.കെ. രാജഗോപാൽ

കൊച്ചുകുറുമ്പൻറെ ചിത്രവുമായി മകൻ സുബ്രഹ്മണ്യൻ

ചെങ്ങമനാട്: ഏഴ് വർഷം മുൻപ് രണ്ടാമതും കാണാതായ പിതാവിനെ തേടി അലയുകയാണ് 66-കാരനും ശാരീരിക വെല്ലുവിളി നേരിടുന്നയാളുമായ മകൻ സുബ്രഹ്മണ്യൻ.

ഇഷ്ടിക നിർമാണ തൊഴിലാളിയായ ചെങ്ങമനാട് പാലപ്രശ്ശേരി കുന്നിലപ്പറമ്പിൽ കൊച്ചുകുറുമ്പനെ (85) യാണ്‌ മകൻ തേടുന്നത്. സുബ്രഹ്മണ്യനെ ആദ്യം കാണാതായത് 20 വർഷം മുമ്പാണ്. അന്ന് മകനും ബന്ധുക്കളും ഒരുപാട് അന്വേഷിച്ചെങ്കിലും കണ്ടെത്തിയില്ല.

10 വർഷം മുമ്പ് ആലുവ റെയിൽവേ ട്രാക്കിൽ ട്രെയിനിടിച്ച് മരിച്ച വയോധികന്‍റെ മൃതദേഹം കണ്ട നാട്ടുകാരൻ അത് കൊച്ചുകുറുമ്പനാണെന്ന് പറഞ്ഞു. മകൻ സുബ്രഹ്മണ്യനെ പോലീസ്‌ പാലത്തിലെത്തിച്ചെങ്കിലും വടിയിൽ താങ്ങി ട്രാക്കിെലത്തി മൃതദേഹം നേരിട്ട് കാണാനായില്ല.

വസ്ത്രവും ചെരിപ്പും സഞ്ചിയും മറ്റും പോലീസ് സുബ്രഹ്മണ്യന്റെ അടുക്കലെത്തിച്ചു. തുടർന്ന് മൃതദേഹം കൊച്ചുകുറുമ്പന്റേതാണെന്ന് ഏകദേശം ഉറപ്പുവരുത്തി പോസ്റ്റ്മോർട്ടം നടത്തി. വീട്ടിലെത്തിച്ച് പറമ്പിൽ സംസ്കരിച്ചു. പിറ്റേ ദിവസം ഒരു ചെറുപുഞ്ചിരിയുമായി കൊച്ചുകുറുമ്പൻ വീട്ടിൽ മടങ്ങിയെത്തി.

കലൂർ ഭാഗത്ത് ഒറ്റയ്ക്ക് കഴിഞ്ഞിരുന്ന കൊച്ചുകുറുമ്പന്റേതായി വന്ന ചരമ വാർത്ത പത്രങ്ങളിൽ കണ്ടവരാണ് വീട്ടിലെത്താൻ സഹായിച്ചത്.

ഏതാനും വർഷം മകന്‍റെ ഒപ്പം കഴിഞ്ഞ കൊച്ചുകുറുമ്പനെ ഒരുനാൾ വീണ്ടും കാണാതായി. അച്ഛനെ കണ്ടെത്താൻ സുബ്രഹ്മണ്യൻ പലയിടത്തും അന്വേഷിച്ചെങ്കിലും ഇതുവരെ ഫലമുണ്ടായിട്ടില്ല. 2014-ൽ ചെങ്ങമനാട് പോലീസിൽ പരാതി നൽകി. പക്ഷേ, കൊച്ചുകുറുമ്പനെ കണ്ടെത്താനായിട്ടില്ല.

എങ്കിലും മുച്ചക്ര വാഹനത്തിൽ അച്ഛനെത്തേടി അലയുകയാണ് സുബ്രഹ്മണ്യൻ; അച്ഛന്റെ നരച്ച നിറം മങ്ങിയ ചിത്രവുമായി.

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
alia bhatt

1 min

'ഞാന്‍ ഒരു സ്ത്രീയാണ്, പാഴ്‌സല്‍ അല്ല, ആരും എന്നെ ചുമക്കേണ്ടതില്ല'; രൂക്ഷ പ്രതികരണവുമായി ആലിയ

Jun 29, 2022


meena

1 min

'എന്റെ ജീവിതം കൂടുതല്‍ മനോഹരമാക്കിയ മഴവില്ല്';വിദ്യാസാഗറിനെ കുറിച്ച് അന്ന് മീന പറഞ്ഞു

Jun 29, 2022


swapna

2 min

'വീണാ വിജയന്റെ ബിസിനസ് ആവശ്യത്തിന് ഷാര്‍ജ ഭരണാധികാരിയെ തെറ്റിദ്ധരിപ്പിച്ച് ക്ലിഫ് ഹൗസിലെത്തിച്ചു'

Jun 29, 2022

Most Commented