യു ജി സി| പി ടി ഐ
ന്യൂഡല്‍ഹി: രാജ്യത്തെ സര്‍വകലാശാലകളില്‍ ഒന്നാം വര്‍ഷ ഡിഗ്രി ക്ലാസുകള്‍ നവംബര്‍ ഒന്നിന് ആരംഭിക്കണം എന്ന് നിര്‍ദേശിച്ച് കൊണ്ടുള്ള അക്കാദമിക് കലണ്ടര്‍ യു ജി സി പുറത്ത് ഇറക്കി. ഒന്നാം വര്‍ഷ ഡിഗ്രി പ്രവേശനം നവംബര്‍ 30 നുള്ളില്‍ പൂര്‍ത്തിയാക്കണം എന്നും കലണ്ടറില്‍ നിര്‍ദേശിച്ചിട്ടുണ്ട്. ആഴ്ചയില്‍ ആറ് ദിവസം ക്ലാസുകളെന്നും യു ജി സി നിര്‍ദ്ദേശിക്കുന്നുണ്ട്.
യോഗ്യത പരീക്ഷ ഫലം പ്രഖ്യാപിക്കാന്‍ താമസിക്കുകയാണെങ്കില്‍ സര്‍വ്വകലാശാലകള്‍ക്ക് അക്കാദമിക് സെഷന്‍ ആരംഭിക്കുന്നത് നവംബര്‍ 18 വരെ നീട്ടാം എന്നും പരിഷ്‌കരിച്ച അക്കാദമിക് കലണ്ടറില്‍ വ്യക്തമാക്കിയിട്ടുണ്ട്. കോളേജുകളില്‍ ക്ലാസുകള്‍ ആരംഭിച്ചാലും ഓണ്‍ലൈന്‍ ക്ലാസുകള്‍ തുടരാം. ലോക്ഡൗണിനെ തുടര്‍ന്ന് നഷ്ടമായ അധ്യായന ദിവസങ്ങള്‍ നികത്താന്‍ ആണ് ആഴ്ചയില്‍ ആറ് ദിവസം ക്ലാസുകള്‍ വേണമെന്ന് യു ജി സി നിഷ്‌കര്‍ഷിച്ചിരിക്കുന്നത്. കൂടാതെ ഇടവേളകളും, അവധികളും ഒഴിവാവാക്കാനും യു ജി സി നിര്‍ദേശിച്ചിട്ടുണ്ട്.
ലോക്ഡൗണിനെ തുടര്‍ന്നുള്ള പ്രത്യേക സാഹചര്യം കണക്കിലെടുത്ത് നവംബര്‍ 30 വരെ അഡ്മിഷന്‍ വേണ്ടെന്ന് വെക്കുകയോ, മറ്റ് വിദ്യാഭ്യാസ സ്ഥാപനങ്ങളിലേക്ക് മാറിപോകുകയോ ചെയ്യുന്ന വിദ്യാര്‍ത്ഥികള്‍ക്ക് മുഴുവന്‍ ഫീസും തിരികെ നല്‍കണം എന്നും യു ജി സി നിര്‍ദേശിക്കുന്നു. അതേസമയം നവംബര്‍ 30 നും ഡിസംബര്‍ 31 നും ഇടയില്‍ ആണ് ടി സി വാങ്ങുന്നത് എങ്കില്‍ ഫീസ് പൂര്‍ണ്ണമായും തിരികെ നല്‍കണം എങ്കിലും വിദ്യാര്‍ത്ഥിയില്‍ നിന്ന് ആയിരം രൂപ ഈടാക്കാന്‍ കൊളേജുകള്‍ക്ക് അധികാരം ഉണ്ടാകും.
സെപ്റ്റംബര്‍ ഒന്ന് മുതല്‍ ഡിഗ്രി ക്ലാസുകള്‍ ആരംഭിക്കാന്‍ ആയിരുന്നു ഏപ്രിലില്‍ പുറത്ത് ഇറക്കിയ അക്കാദമിക് കലണ്ടറില്‍ വ്യക്തമാക്കിയിരുന്നത്. എന്നാല്‍ കോവിഡ് വ്യാപനം രൂക്ഷമായതിനെ തുടര്‍ന്ന് ക്ലാസുകള്‍ ആരംഭിക്കാന്‍ സാധിച്ചിരുന്നില്ല. ഇതേ തുടര്‍ന്നാണ് യു ജി സി പഴയ അക്കാദമിക് കലണ്ടറില്‍ ഭേദഗതി വരുത്തിയത്.
Content Highlights: Degree first year classes will be started on November first
Also Watch
RELATED STORIES
.jpg?$p=70abe97&f=1x1&w=100&q=0.8)
.jpg?$p=83e4faf&f=1x1&w=100&q=0.8)
IN CASE YOU MISSED IT
.jpg?$p=430c1f1&f=1x1&w=100&q=0.8)
.jpg?$p=2cdeb07&f=1x1&w=100&q=0.8)
.jpg?$p=2922c1a&q=0.8&f=16x11&w=104)
.jpg?$p=1b83cc5&q=0.8&f=16x11&w=104)
%20(1).jpg?$p=46f97f4&q=0.8&f=16x11&w=104)
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..