തിരുവനന്തപുരം: കേരളത്തില്‍ മദ്യവില്‍പ്പനശാലകള്‍ തുറക്കുന്ന കാര്യത്തില്‍ തീരുമാനം പിന്നീടെന്ന് എക്‌സൈസ്, തൊഴില്‍ മന്ത്രി ടി.പി. രാമകൃഷ്ണന്‍. മദ്യവില്‍പ്പന ശാലകള്‍ തുറക്കുന്നത് സംബന്ധിച്ച് സര്‍ക്കാരാണ് തീരുമാനിക്കേണ്ടത്. ഇതുവരെ തീരുമാനിച്ചിട്ടില്ലെന്നും മന്ത്രിസഭാ യോഗം ചേര്‍ന്ന് വിഷയങ്ങള്‍ വിശദമായി ചര്‍ച്ച ചെയ്ത് തീരുമാനിക്കുമെന്നും അദ്ദേഹം മാതൃഭൂമി ന്യൂസില്‍ പ്രത്യേക പരിപാടിയില്‍ പറഞ്ഞു.
കേന്ദ്ര സര്‍ക്കാര്‍ പ്രഖ്യാപിച്ച ലോക്ക്ഡൗണ്‍ 14 വരെ തുടരുകയാണ്. തുടര്‍ന്നുള്ള നടപടികള്‍ പ്രധാനമന്ത്രി പ്രഖ്യാപിക്കാനിരിക്കുകയാണ്. കേന്ദ്ര സര്‍ക്കാരിന്റെ നടപടികള്‍ മനസിലാക്കിക്കൊണ്ട് തുടര്‍നടപടി സ്വീകരിക്കാനാണ് കേരള സര്‍ക്കാര്‍ ഉദ്ദേശിക്കുന്നത്. കേന്ദ്ര തീരുമാനം വന്നശേഷം കേരളത്തിന്റെ സാഹചര്യം കണക്കിലെടുത്ത് എവിയെല്ലാം ഇളവ് വരുത്തണം, എവിടെ തുടരണം എന്നത് തീരുമാനിക്കാം.
കേരളത്തില്‍ ഇല്ലാതായിപ്പോയ കള്ളവാറ്റും വ്യാജമദ്യ നിര്‍മാണവും വീണ്ടും തിരിച്ചുവന്നുവെന്ന് മന്ത്രി ചൂണ്ടിക്കാണിച്ചു. ഇതിന് കീഴടങ്ങാന്‍ സസര്‍ക്കാര്‍ തീരുമാനിച്ചിട്ടില്ല. ഇത്തരം നീക്കങ്ങള്‍ക്കതിരേ കര്‍ശന നടപടി സ്വീകരിക്കും. എല്‍ഡിഎഫ് സര്‍ക്കാര്‍ അധികാരത്തില്‍ എത്തും മുമ്പ് തന്നെ മദ്യനിരോധനമല്ല, ലഹരി വര്‍ജ്ജനമാണ് മുന്നോട്ട് വെച്ചത്. അതിന് സാധ്യമായ എല്ലാ നടപടികളും സ്വീകരിക്കുന്നുണ്ടെന്നും മന്ത്രി പറഞ്ഞു.
വി.എന്‍. സുധീരന് സ്വതന്ത്രമായി അഭിപ്രായം പറയാനുള്ള സ്വാതന്ത്ര്യമുണ്ടെന്ന് മന്ത്രി പറഞ്ഞു. മദ്യനിരോധനം സംസ്ഥാനത്ത് നടപ്പാക്കിക്കൂടെ എന്ന സുധീരന്റെ നിര്‍ദ്ദേശം ചൂണ്ടിക്കാണിച്ചപ്പോള്‍ പ്രതികരിക്കുകയായിരുന്നു അദ്ദേഹം. സുധീരന് സമ്പൂര്‍ണ മദ്യനിരോധനം ലക്ഷ്യം വെച്ചുകൊണ്ടാണ് നിലപാട് സ്വീകരിച്ചത്. ജനങ്ങള്‍ ആ നിലപാടിനെ എങ്ങനെ സ്വീകരിച്ചു എന്നതിന്റെ അനുഭവം നമുക്ക് മുന്നിലുണ്ട്. സുധീരന്റെ അഭിപ്രായം അദ്ദേഹത്തിന്റേത് മാത്രമാണെന്നും അതിനോട് സര്‍ക്കാര്‍ ഒരു സന്ദര്‍ഭത്തിലും യോജിച്ചിട്ടില്ലെന്നും മന്ത്രി കൂട്ടിച്ചേര്‍ത്തു.
എംപ്ലോയിസ് പ്രൊവിഡന്റ് ഫണ്ട്, ഇഎസ്‌ഐയില്‍ എന്നിവയ്ക്ക് കീഴില്‍ വരുന്ന ബാര്‍ തൊഴിലാളികള്‍ക്ക് സഹായം നല്‍കാന്‍ കേന്ദ്ര സര്‍ക്കാര്‍ ഇടപെടണമെന്നാവശ്യപ്പെട്ട് കേന്ദ്ര തൊഴില്‍ വകുപ്പ് മന്ത്രിക്ക് കത്തയച്ചിട്ടുണ്ടെന്നും അദ്ദേഹം പറഞ്ഞു. ഇപ്പോള്‍ അബ്കാരി ക്ഷേമനിധി ബോര്‍ഡാണ് അതില്‍ല്‍ ഉള്‍പ്പെടുന്നവര്‍ക്ക് മാത്രമായി ആനുകൂല്യങ്ങള്‍ പ്രഖ്യാപിച്ചിട്ടുള്ളതെന്നും അദ്ദേഹം പറഞ്ഞു.
Content Highlights: Decision to open liquor shop will takse later says TP. Ramakrishnan
RELATED STORIES
IN CASE YOU MISSED IT
.jpg?$p=430c1f1&f=1x1&w=100&q=0.8)
.jpg?$p=a80322e&f=1x1&w=100&q=0.8)
.jpg?$p=1990e2a&f=1x1&w=100&q=0.8)
.jpg?$p=298ab5c&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..