രണ്ടായിരത്തിന് മുകളില്‍ രോഗികള്‍; എറണാകുളത്ത് കണ്ടെയ്ന്‍മെന്റ് സോണുകളുടെ എണ്ണം വര്‍ധിപ്പിക്കും


സ്വന്തം ലേഖിക

2 min read
Read later
Print
Share

പ്രതീകാത്മക ചിത്രം| ഫോട്ടോ: പി ടി ഐ

കൊച്ചി: കോവിഡ് രോഗികളുടെ എണ്ണം ദിനം തോറും വർധിക്കുന്ന സാഹചര്യത്തിൽ ജില്ലയിലെ കണ്ടെയ്ൻമെന്റ് സോണുകളുടെ എണ്ണം വർധിപ്പിക്കുമെന്ന് ജില്ലാ കളക്ടർ ജാഫർ മാലിക്. കഴിഞ്ഞ ഒരാഴ്ചയിലധികമായി രണ്ടായിരത്തിന് മുകളിലാണ് ജില്ലയിലെ പ്രതിദിന കോവിഡ് രോഗികളുടെ എണ്ണം. അതേസമയം ജില്ലയിലെ അറുപത് വയസിന് മുകളിൽ പ്രായമുള്ള 93 ശതമാനം പേർക്കും ഇതിനോടകം വാക്സിൻ കൊടുത്തുകഴിഞ്ഞതായി ജില്ലാ വാക്സിനേഷൻ നോഡൽ ഓഫീസർ മാതൃഭൂമി ഡോട്ട് കോമിനോട് പറഞ്ഞു.

ടി പി ആർ 14.47 ആയി ഉയർന്ന സാഹചര്യത്തിൽ മൈക്രോ കണ്ടെയ്ൻമെന്റ് സോണുകളുടെ എണ്ണം വർധിപ്പിച്ച് നിരീക്ഷണം ശക്തമാക്കാനാണ് ജില്ലാ ഭരണകൂടത്തിന്റെ തീരുമാനം. പ്രതിവാര ഇൻഫക്ഷൻ പോപ്പുലേഷൻ റേഷ്യോ എട്ടിന് മുകളിലുള്ള തദ്ദേശ സ്ഥാപനങ്ങളിൽ ലോക് ഡൗൺ ഏർപ്പെടുത്തിക്കൊണ്ടായിരിക്കും ജില്ലയിലെ പ്രതിരോധ പ്രവർത്തനങ്ങൾ ശക്തിപ്പെടുത്തുന്നത്. കൂടാതെ ജില്ലയിൽ പ്രതിദിന കോവിഡ് പരിശോധനകളുടെ എണ്ണവും വർധിപ്പിക്കും. പ്രതിദിനം 25000 മുതൽ 30,000 വരെ പരിശോധന നടത്താനുള്ള പദ്ധതിയാണ് തയാറാക്കുന്നത്.

അതേസമയം ജില്ലയിൽ അറുപത് വയസിന് മുകളിൽ പ്രായമുള്ളവരിൽ കോവിഡ് പോസിറ്റീവ് ആയവരും പോസിറ്റീവ് ആയതിന് ശേഷം മൂന്ന് മാസം കഴിയാത്തവരുമാണ് ഇനിയും വാക്സിൻ എടുക്കാനായി ഉള്ളതെന്ന് ജില്ലാ വാക്സിനേഷൻ നോഡൽ ഓഫീസർ പറഞ്ഞു. ഇവരെക്കൂടാതെ വാക്സിനേഷനായി വിമുഖത കാണിക്കുന്നവരും ഉണ്ട്. അവർക്ക് വാർഡ് തലത്തിൽ ബോധവത്‌കരണം നടത്തുകയാണ്. സംസ്ഥാനത്ത് ഏറ്റവും കൂടുതൽ പേർക്ക് വാക്സിൻ നൽകിയിട്ടുള്ളത് എറണാകുളം ജില്ലയിലാണ്. എന്നാൽ ഇപ്പോൾ സംസ്ഥാനത്തുള്ള വാക്സിൻ ക്ഷാമം ജില്ലയേയും ബാധിച്ചിട്ടുണ്ട്. ജില്ലയിലെ ടി പി ആർ നിരക്ക് കൂടുന്നതിന് അനുസരിച്ച് കണ്ടെയ്ൻമെന്റ് സോണുകൾ കൂട്ടിയാലും വാക്സിനേഷൻ നടപടികൾക്ക് തടസം വരില്ലെന്നും അദ്ദേഹം പറഞ്ഞു.

ഓഗസ്റ്റ് 15 ന് മുൻപ് 60 വയസിനു മുകളിൽ പ്രായമുള്ളവരുടെ വാക്സിനേഷൻ പൂർത്തിയാക്കും. 60 ന് മുകളിലുള്ളവരുടെയടക്കം 45 വയസിനു മേൽ പ്രായമുള്ളവരുടെ വാക്സിനേഷൻ പൂർത്തിയാക്കാനുള്ള ശ്രമം നടക്കുകയാണ്. അതിനാൽ വ്യാഴാഴ്ച മുതൽ 18 മുതൽ 45 വയസ് വരെയുള്ളവർക്ക് ജില്ലയിൽ സ്പോട്ട് രജിസ്ട്രേഷൻ സൗകര്യമുണ്ടാകില്ല. രണ്ടര ലക്ഷത്തോളം പേരാണ് 45 വയസിനു മുകളിൽ വാക്സിനെടുക്കാനുള്ളത്.

രോഗവ്യാപന സാധ്യത കണക്കിലെടുത്ത് നിലവിൽ പ്രവർത്തിക്കുന്ന സി എഫ് എൽ ടി സി, സി എസ് എൽടിസികൾ തുടർന്നും പ്രവർത്തിക്കും. രോഗവ്യാപനം ഉയർന്നാൽ രോഗികളെ ചികിത്സിക്കുന്നതിനായി അവ നിലനിർത്തും. ഓണത്തോടനുബന്ധിച്ച് ജില്ലയിൽ ചടങ്ങുകൾക്ക് മാത്രമാണ് അനുമതിയുണ്ടാകുക. മറ്റു സാംസ്കാരിക പരിപാടികൾ അനുവദിക്കില്ല.

ബീച്ചുകൾ, മാളുകൾ എന്നിവ തുറന്ന സാഹചര്യത്തിൽ ഈ പ്രദേശങ്ങളിൽ പോലീസ് നിരീക്ഷണം കർശനമാക്കും. ഓരോ തദ്ദേശ സ്ഥാപനത്തിലും പോലീസ് സ്റ്റേഷൻ തലത്തിൽ വ്യാപാരികളുടെ യോഗം വിളിക്കും.

Content Highlights:covid patients is increasing in Ernakulam so containment zones in will be increased

 


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
mb rajesh

കരുവന്നൂർ വലിയ പ്രശ്‌നമാണോ, രാജ്യത്തെ പൊതുമേഖലാ ബാങ്കുകളിൽനടന്ന ക്രമക്കേട് എത്രയുണ്ട്?- എം.ബി രാജേഷ്

Sep 21, 2023


vande bharat

1 min

രണ്ടാം വന്ദേഭാരതിന്റെ അന്തിമ സമയക്രമമായി; തിരൂരിലടക്കം പത്ത് സ്റ്റോപ്പുകള്‍

Sep 22, 2023


rajesh

'കരുവന്നൂര്‍ വലിയ പ്രശ്‌നമാണോ'; മന്ത്രി പറഞ്ഞതുതന്നെ | വീഡിയോ കാണാം

Sep 22, 2023


Most Commented