എറണാകുളത്ത് കർശന നിയന്ത്രണം; ജില്ലാ അതിർത്തികൾ അടയ്ക്കുമെന്ന് കമ്മിഷണർ


കൊച്ചി പോലീസ് കമ്മിഷണർ സി എച്ച് നാഗരാജു| മാതൃഭൂമി ന്യൂസ്

കൊച്ചി: കോവിഡ് വ്യാപനം ഏറ്റവും രൂക്ഷമായ ജില്ലയായതിനാൽ ലോക്ഡൗണിൽ എറണാകുളത്ത് കർശന നിയന്ത്രണം ഏർപ്പെടുത്തുമെന്ന് സിറ്റി പോലീസ് കമ്മിഷണർ സി.എച്ച്. നാഗരാജു. അനാവശ്യ യാത്രകൾ അനുവദിക്കില്ലെന്നും ജില്ലാ അതിർത്തികൾ അടയ്ക്കുമെന്നും അദ്ദേഹം അറിയിച്ചു.

സംസ്ഥാനത്തെ പ്രതിദിന കണക്കിൽ ഏറ്റവും കൂടുതൽ കോവിഡ് കേസുകൾ റിപ്പോർട്ട് ചെയ്യുന്നത് എറണാകുളത്താണ്.ആറായിരത്തിനു മുകളിലാണ് ജില്ലയിലെ പ്രതിദിന കേസുകൾ. നിലവിൽ അമ്പതിനായിരത്തിലേറെ പേർ രോഗം സ്ഥിരീകരിച്ച് ചികിത്സയിലും ഒരു ലക്ഷത്തോളം പേർ വീടുകളിൽ നിരീക്ഷണത്തിലുമുണ്ട്. ഈ പശ്ചാത്തലത്തിലാണ് പോലീസ് നിയന്ത്രണം കടുപ്പിക്കാനൊരുങ്ങുന്നത്.

ജില്ലാ അതിർത്തികൾ ബാരിക്കേഡ് ഉപയോഗിച്ച് അടയ്ക്കാനുള്ള നടപടികൾ ആരംഭിച്ചതായി കമ്മിഷണർ സി.എച്ച്. നാഗരാജു പറഞ്ഞു. അനുമതിയുള്ള അവശ്യ സേവനങ്ങൾ മാത്രമേ അനുവദിക്കൂ. നിയന്ത്രണങ്ങൾ ലംഘിക്കുന്നവർക്കെതിരേ കടുത്ത നടപടിയുണ്ടാകും. ആദ്യത്തെ തവണ പിഴ ഈടാക്കും. ആവർത്തിച്ചാൽ എഫ്ഐആർ ഇട്ട് കേസെടുക്കും. ക്വാറന്റീനിലുള്ളവർക്ക് മരുന്ന് എത്തിച്ചു നൽകും. സന്നദ്ധ സേവകരും വാർഡ് മെമ്പർമാരുമായി കൈകോർത്ത് ജനങ്ങൾക്ക് അവശ്യ സാധനങ്ങൾ എത്തിച്ചു നൽകാനുള്ള നടപടികൾ സ്വീകരിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.

ലോക്ക്ഡൗണിൽ നിലവിൽ സർക്കാർ അനുവദിച്ചിട്ടുള്ള ഇളവുകൾ ആൾക്കൂട്ടം ഒഴിവാക്കാൻ അപര്യാപ്തമാണെന്ന് സംസ്ഥാന പോലീസിൽ നിന്ന് അഭിപ്രായമുയർന്നിട്ടുണ്ട്. ഇക്കാര്യം ഇന്ന് ചീഫ് സെക്രട്ടറി വിളിച്ച യോഗത്തിൽ ചർച്ച ചെയ്യും. അതിനു ശേഷം, കടകൾ തുറക്കുന്നത് ഉൾപ്പെടെയുള്ള കാര്യങ്ങളിൽ കൂടുതൽ നിയന്ത്രണങ്ങൾ ഉൾപ്പെടുത്തി പുതിയ മാർഗനിർദേശം പുറത്തിറക്കുമെന്നാണ് സൂചന.

Content Highlights:Covid outbreak Strict restrictions imposed in Kochi says Commissioner C H Nagaraju


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 28, 2022


22:40

ഐഎഎഎസ്സിനായി 25-ാം വയസ്സിലാണ് ഞാൻ കൈയ്യക്ഷരം നന്നാക്കാൻ പോയത്: കളക്ടർ കൃഷ്ണ തേജ | Interview Part 1

Sep 28, 2022


pfi

1 min

തീരുമാനം അംഗീകരിക്കുന്നു: പോപ്പുലര്‍ ഫ്രണ്ട് പിരിച്ചുവിട്ടതായി സംസ്ഥാന സെക്രട്ടറി

Sep 28, 2022

Most Commented