കോവിഡ് കാലത്തും തമിഴ്നാട്ടില്‍ 'കുടുങ്ങി' ആയിരത്തോളം മലയാളി റെയില്‍വേ ജീവനക്കാര്‍


എച്ച്. ഹരികൃഷ്ണന്‍

കോട്ടയം: സ്ഥലംമാറ്റത്തിനുള്ള അപേക്ഷ അംഗീകരിച്ച് ഒരുവര്‍ഷം കഴിഞ്ഞിട്ടും തമിഴ്നാട്ടിലെ മലയാളികളായ റെയില്‍വേ ജീവനക്കാര്‍ക്ക് നാട്ടിലെത്താനായിട്ടില്ല. കോവിഡ് കാലത്ത് ജീവനക്കാര്‍ക്ക് ബുദ്ധിമുട്ടുണ്ടാകാതിരിക്കാനായി ഓഫീസര്‍മാരുടെ നിര്‍ബന്ധിത സ്ഥലംമാറ്റം പോലും റെയില്‍വേ നിര്‍ത്തിവെച്ചപ്പോഴാണ് കഴിഞ്ഞ ഓണക്കാലത്ത് വാഗ്ദാനം ചെയ്തിരുന്ന സ്ഥലംമാറ്റം നല്‍കാതെ ട്രാക്ക് മെയിന്റനര്‍, ഹെല്‍പ്പര്‍ തുടങ്ങിയ ഗ്രൂപ്പ് ഡി തസ്തികക്കാരെ അധികൃതര്‍ ബുദ്ധിമുട്ടിക്കുന്നത്.

2549 മലയാളികളുടെ സ്ഥലംമാറ്റ അപേക്ഷ അംഗീകരിച്ച് ദക്ഷിണ റെയില്‍വേ ഉത്തരവിറക്കിയത് കഴിഞ്ഞ ഓഗസ്റ്റിലാണ്. അന്ന് പാലക്കാട്, തിരുവനന്തപുരം ഡിവിഷനുകളിലായി 2979 ഒഴിവുകളുണ്ടായിരുന്നു. തൊഴിലാളി സംഘടനകളുമായി നടത്തിയ ചര്‍ച്ചയെ തുടര്‍ന്നായിരുന്നു നടപടി. എന്നാല്‍ ഇതുവരെ 800ല്‍ താഴെ സ്ഥലംമാറ്റം മാത്രമാണുണ്ടായത്.

ട്രാക്ക് മെയിന്റനര്‍ തൊഴിലാളികളാണ് അപേക്ഷിച്ചവരില്‍ ഭൂരിഭാഗവും. അവരില്‍ 400 ഓളം പേര്‍ക്കുമാത്രമാണ് സ്ഥലംമാറ്റം കിട്ടിയത്. മധുര ഡിവിഷനില്‍ 300ഓളം അപേക്ഷകളില്‍ നിന്ന് 180 പേര്‍ക്ക്, സേലത്ത് മുന്നൂറോളം അപേക്ഷകളില്‍ നിന്ന് അമ്പതോളം പേര്‍ക്ക്, തിരുച്ചിറപ്പള്ളിയില്‍ 200ല്‍ അധികം അപേക്ഷകളില്‍ നിന്ന് 30 പേര്‍ക്ക് എന്നിങ്ങനെയാണ് സ്ഥലംമാറ്റം.

സ്ഥലംമാറ്റത്തിനുള്ള അപേക്ഷകള്‍ കൂടി കണക്കിലെടുത്താണ് ആര്‍.ആര്‍.ബി. കഴിഞ്ഞ തവണ ട്രാക്ക് മെയിന്റനര്‍ നിയമനം നടത്തിയത്. കൂടുതല്‍ അപേക്ഷകള്‍ ഉള്ളതിനാല്‍ കേരളത്തിലേക്ക് നിയമനം നടത്തിയതുമില്ല. ഇത് ഇവിടുത്തെ ജീവനക്കാരുടെ ജോലിഭാരവും വര്‍ധിപ്പിച്ചിരിക്കുകയാണ്. കേരളത്തില്‍ ജോലി ചെയ്യുന്ന ഉത്തരേന്ത്യന്‍ ജീവനക്കാരുടെ സ്ഥലംമാറ്റവും ഇതുമൂലം അനിശ്ചിതത്വത്തിലാണ്. അതേസമയം, 2019 മുതല്‍ സേലം, തിരുച്ചിറപ്പള്ളി ഡിവിഷനുകളില്‍ മാത്രം അഞ്ഞൂറോളം നിയമനങ്ങള്‍ നടത്തുകയും ചെയ്തു.

ഇതിനിടെ, ഒരാഴ്ചത്തെ അവധിക്ക് നാട്ടിലെത്തിയ വിവിധ ഡിവിഷനുകളിലെ പത്തിലധികം മലയാളികള്‍ ആരോഗ്യവകുപ്പിന്റെ നിര്‍ദേശപ്രകാരം ക്വാറന്റീനിലാണ്. അംഗീകരിച്ചിരിക്കുന്ന അവധിയില്‍ കൂടുതല്‍ എടുത്തതിന്റെ പേരില്‍ തിരികെ ചെന്നാല്‍ അച്ചടക്ക നടപടിയുണ്ടാകുമോയെന്നും അത് സ്ഥലംമാറ്റത്തെ ബാധിക്കുമോ എന്നുമുള്ള ആശങ്കയിലാണവര്‍.

Content Highlights: COVID crisis, malayalee Railway employees trapped in Tamilnadu


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented