അതിഥിതൊഴിലാളികള്‍ക്കിടയില്‍ ഹിറ്റായി ഹോംഗാര്‍ഡ് കരുണാകരന്‍


സ്വന്തം ലേഖകന്‍

മേപ്പയ്യൂരിലെ റൂബി സൂപ്പര്‍മാമര്‍ക്കറ്റിന് സമീപത്ത് ഒരാഴ്ച മന്നെ നടന്ന ബോധവല്‍ക്കരണ ക്യാമ്പിലെ വീഡിയോ ആണ് കഴിഞ്ഞ ദിവസം വലിയ രീതിയില്‍ പ്രചരിച്ചത്.

കോഴിക്കോട്: കരുണാകരേട്ടന്‍ ഹിന്ദി പറയുന്നത് കേട്ടാല്‍ അതിഥിതൊഴിലാളികള്‍ക്ക് വീട്ടിലെ കാരണവന്‍ പറയുന്നത് പോലെയാണ്. അവര്‍ എല്ലാം കേട്ട് സംശയങ്ങള്‍ ദൂരികരിച്ച് കൂട്ടത്തിലുള്ളവരെ കൂടി ബോധവാന്‍മാരാക്കും. കോവിഡ് ലോക്ഡൗണ്‍ ലംഘിച്ച് പായിപ്പാട്ട് കഴിഞ്ഞ ദിവസം അതിഥി തൊഴിലാളികള്‍ വലിയ രീതിയില്‍ ഒത്തുകൂടിയതോടെയാണ് മേപ്പയ്യൂര്‍ പോലീസ് സ്‌റ്റേഷന്‍ പരിധിയില്‍ ഹോംഗാര്‍ഡായി ജോലി ചെയ്യുന്ന കെ.കരുണാകരന്‍ വൈറലായത്. ലോക്ഡൗണ്‍ മൂലം നാട്ടിലേക്ക് പോവാന്‍ കഴിയാതായി പോയ അന്യസംസ്ഥാന തൊഴിലാളികളുടെ ക്യാമ്പുകളിലെത്തി കരുണാകരനും സംഘവും ബോധവല്‍ക്കരണം നടത്തുന്ന വീഡിയോ ആയിരുന്നു ഏറെ ശ്രദ്ധിക്കപ്പെട്ടത്.

ഇരുപത്തിരണ്ട് വര്‍ഷം കരസേനാ ഉദ്യോഗസ്ഥനായി ജോലി ചെയ്ത കരുണാകരന്‍ പത്ത് വര്‍ഷമായി ഹോംഗാര്‍ഡാണ്. കഴിഞ്ഞ രണ്ട് വര്‍ഷത്തോളമായി മേപ്പയ്യൂര്‍ പോലീസ് സ്‌റ്റേഷന് കീഴിലാണ് ജോലി. ലോക് ഡൗണ്‍ തുടങ്ങുന്നതിന് ദിവസങ്ങള്‍ക്ക് മുന്നെ സ്റ്റേഷന്‍ പരിധിയിലെ പ്രധാന ക്യാമ്പുകളിലെല്ലാമെത്തി ബോധവല്‍ക്കരണ പരിപാടികള്‍ക്ക് നേതൃത്വം കൊടുത്തത് കരുണാകരനും സംഘവുമായിരുന്നു. അതുകൊണ്ടു തന്നെ വീട്ടിലേക്ക് പോവണമെന്ന് വാശിപിടിച്ചിരുന്ന പലര്‍ക്കും കാര്യങ്ങള്‍ മനസ്സിലായിട്ടുണ്ടെന്നും ഇപ്പോഴുള്ളിടത്ത് തന്നെ നില്‍ക്കാന്‍ ഇവര്‍ സന്നദ്ധമായത് അതുകൊണ്ടാണെന്നും പറയുന്നു കരുണാകരന്‍.



കൃത്യമായ ബോധവല്‍ക്കരണം നല്‍കിയാല്‍ ഒപ്പം നില്‍ക്കുന്നവരാണ് അതിഥി തൊഴിലാളികള്‍. എന്നാല്‍ കഴിഞ്ഞ ദിവസം പായിപ്പാട്ട് ഉണ്ടായ സംഭവമടക്കം ബോധവല്‍ക്കരണത്തിന്റെ അപര്യാപ്തത കൊണ്ടുണ്ടായതാണ്.

മേപ്പയ്യൂരിലെ റൂബി സൂപ്പര്‍മര്‍ക്കറ്റിന് സമീപത്ത് നടന്ന ബോധവല്‍ക്കരണ ക്യാമ്പിലെ വീഡിയോ ആണ് കഴിഞ്ഞ ദിവസം വലിയ രീതിയില്‍ പ്രചരിച്ചത്. പായിപ്പാട്ടെ സംഭവത്തോടെ വീഡിയോ സോഷ്യല്‍ മീഡിയ ഏറ്റെടുക്കുകയും ചെയ്തു.

Content Highlights: covid 19 Home Guards


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


Vizhinjam

7 min

വിഴിഞ്ഞത്തിന്റെ നിലവിളി | വഴിപോക്കൻ

Dec 2, 2022


brazil vs cameroon

2 min

ടിറ്റെയുടെ പരീക്ഷണം പാളി, ബ്രസീലിനെ അട്ടിമറിച്ച് കാമറൂണ്‍

Dec 3, 2022

Most Commented