കുട്ടികളെ ആശുപത്രിയിലെത്തിക്കുന്നു
ഇടുക്കി: കഞ്ഞിക്കുഴി പഞ്ചായത്തിലെ പുന്നയാറില്‍ ഒരു കുടുംബത്തിലെ അഞ്ചുപേര്‍ വിഷംകഴിച്ചു. പുന്നയാര്‍ സ്വദേശി കാരാടിയില്‍ ബിജു, ഭാര്യ ടിന്റു എന്നിവര്‍ മരിച്ചു. ഇവരുടെ മൂന്ന് കുട്ടികള്‍ ഗുരുതരാവസ്ഥയില്‍ ഇടുക്കി മെഡിക്കല്‍ കോളേജില്‍ ചികിത്സയിലാണ്. 11 വയസുള്ള പെണ്‍കുട്ടിയും, എട്ടും രണ്ടും വയസുള്ള ആണ്‍കുട്ടികളുമാണ് ആശുപത്രിയില്‍ കഴിയുന്നത്.
വെള്ളിയാഴ്ച ഉച്ചയ്ക്ക് ശേഷമായിരുന്നു സംഭവം. ബിജുവും ടിന്റുവും കഞ്ഞിക്കുഴിയില്‍ ചെറിയ ഹോട്ടല്‍ നടത്തുകയാണ്. ഇന്ന് ഉച്ചവരെ ഇവര്‍ ഹോട്ടലില്‍ ഉണ്ടായിരുന്നുവെന്നാണ് വിവരം. അതിനുശേഷമാണ് വീട്ടിലെത്തി വിഷം കഴിച്ചത്. അസ്വസ്ഥത അനുഭവപ്പെട്ട മൂത്തകുട്ടി സമീപത്തെ വീട്ടിലെത്തിയതോടെയാണ് കാര്യങ്ങള്‍ പുറത്തറിഞ്ഞത്. ഉടന്‍ തന്നെ അഞ്ചുപേരേയും നാട്ടുകാര്‍ ചേര്‍ന്ന് ആശുപത്രിയിലെത്തിച്ചെങ്കിലും ദമ്പതികളുടെ ജീവന്‍ രക്ഷിക്കാനായില്ല.
ഇവര്‍ക്ക് ലക്ഷങ്ങളുടെ കടബാധ്യതയുള്ളതായി നാട്ടുകാര്‍ പറയുന്നു. ബിജുവിന്റെയും ടിന്റുവിന്റെയും മൃതദേഹങ്ങള്‍ ഇടുക്കി മെഡിക്കല്‍ കോളേജ് മോര്‍ച്ചറിയില്‍ സൂക്ഷിച്ചിരിക്കുകയാണ്.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. Toll free helpline number: 1056, 0471-2552056)
Content Highlights: couple dies of poisoning in Idukki
Also Watch
RELATED STORIES
.jpg?$p=3c2c8fd&f=1x1&w=100&q=0.8)
.jpg?$p=c2197a1&f=1x1&w=100&q=0.8)
Premium
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=76cbd84&q=0.8&f=16x11&w=104)
.jpg?$p=243c87c&q=0.8&f=16x11&w=104)
.jpg?$p=4fe4528&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..