ആലുവയിൽ കോവിഡ് സ്ഥിരീകരിച്ചയാൾ വിവാഹനിശ്ചയത്തിൽ പങ്കെടുത്തു; കനത്ത ജാഗ്രത


ശിഹാബുദ്ദീൻ തങ്ങൾ

എറണാകുളം ജില്ലയിൽ ഇന്ന് പ്രഖ്യാപിച്ച ആറ് കണ്ടെയ്ൻമെന്റ് സോണുകളിൽ മൂന്നെണ്ണം ആലുവയിലാണ്

-

കൊച്ചി: ആലുവ കീഴ്മാട് പഞ്ചായത്തിൽ കോവിഡ് സ്ഥിരീകരിച്ചയാൾ വിവാഹനിശ്ചയ ചടങ്ങിൽ ഉൾപ്പെടെ പങ്കെടുത്തതായി വിവരം. രോഗലക്ഷണമുള്ള സമയത്തും ഇയാൾ പുറത്തിറങ്ങിയിരുന്നെന്നും വാഴക്കുളത്തെ ബിസിനസ് സ്ഥാപനത്തിൽ ഉൾപ്പെടെ പോയിരുന്നെന്നുമാണ് അ‌ധികൃതർ പറയുന്നത്. ഇയാളുടെ സമ്പർക്കപ്പട്ടിക തയ്യാറാക്കി വരികയാണ്.

എറണാകുളം നഗരത്തേക്കാൾ ഗുരുതരാമായ അ‌വസ്ഥ ആലുവയിലാണെന്നും നിർദേശങ്ങൾ പാലിച്ചില്ലെങ്കിൽ ട്രിപ്പിൾ ലോക്ക്ഡൗണിലേക്ക് ഉൾപ്പെടെ പോകേണ്ടിവരുമെന്നും മന്ത്രി വി.എസ്.സുനിൽകുമാർ പറഞ്ഞിരുന്നു. ജില്ലയിലെ സ്ഥിതിഗതികൾ അ‌വലോകനം ചെയ്യാൻ ചേർന്ന യോഗത്തിനു ശേഷമായിരുന്നു മന്ത്രിയുടെ പ്രതികരണം.

അ‌തേസമയം, കഴിഞ്ഞ ദിവസം അ‌ടച്ചിട്ട ആലുവ മാർക്കറ്റ് നാളെ തുറക്കാൻ യോഗത്തിൽ തീരുമാനിച്ചിട്ടുണ്ട്. മാർക്കറ്റിൽ ഓട്ടോ ഓടിച്ചിരുന്ന കടുങ്ങല്ലൂർ പഞ്ചായത്ത് എട്ടാം വാർഡിലുള്ളയാൾക്ക് രോഗം സ്ഥിരീകരിച്ചതിനെ തുടർന്നാണ് മാർക്കറ്റും പരിസരവും അ‌ടച്ചത്. പോലീസ് നിയന്ത്രണത്തിലാകും നാളെ മാർക്കറ്റ് തുറക്കുക. മൊത്ത വിൽപന മാത്രമേ അ‌നുവദിക്കൂ. ഒരു സമയം മാർക്കറ്റിൽ എത്താവുന്ന ആളുകളുടെ എണ്ണത്തിലും നിയന്ത്രണമുണ്ടാകും.

മാർക്കറ്റിലെ തൊഴിലാളികളും മാർക്കറ്റിൽ എത്തുന്നവരും സുരക്ഷാ മാനദണ്ഡങ്ങൾ കൃത്യമായി പാലിക്കണമെന്ന് അ‌ൻവർ സാദത്ത് എം.എൽ.എ. പറഞ്ഞു. ആലുവയിൽ ആശങ്കാജനകമായ സ്ഥിതി നിലനിൽക്കുന്നുണ്ട്. വരും ദിവസങ്ങളിലെ രോഗവ്യാപനത്തിന്റെ തോത് അ‌റിയുക എന്നതാണ് പ്രധാനം. ജനങ്ങൾ കൃത്യമായി ജാഗ്രത പാലിച്ചാൽ കാര്യങ്ങൾ നിയന്ത്രണവിധേയമാക്കാനാകും.

പനിയോ മറ്റു രോഗലക്ഷണങ്ങളോ ഉള്ള ആരും തന്നെ ഒരു കാരണവശാലും പുറത്തിറങ്ങരുത്. രോഗമെന്തെന്ന് വ്യക്തമാകുന്നതു വരെ കൃത്യമായ ക്വാറന്റീൻ പാലിക്കണം. രോഗലക്ഷണമുള്ളപ്പോഴും ആളുകൾ പുറത്തിറങ്ങിയതാണ് കാര്യങ്ങൾ ഇത്രകണ്ട് വഷളാക്കിയത്- അ‌ൻവർ സാദത്ത് മാതൃഭൂമി ഡോട്ട് കോമിനോട് പറഞ്ഞു.

Content Highlights: Corona virus high vigilance in Aluva


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022


06:09

'വെട്ട് കിട്ടിയ ശേഷവും ചാടിക്കടിച്ചു'; പുലിയുടെ ആക്രമണ കഥ വിവരിച്ച് മാങ്കുളം ഗോപാലൻ 

Sep 27, 2022

Most Commented