ഭാര്യ ജോലി ചെയ്യുന്ന സ്ഥാപനത്തില്‍ ജോലി വാഗ്ദാനം ചെയ്ത് തട്ടിപ്പ്; CMP നേതാവ് അറസ്റ്റില്‍


കൊച്ചിയിലെ ഇ-ഗവേണൻസ് സ്ഥാപനത്തിലാണു ഇതിഹാസിന്റെ ഭാര്യ ജോലി ചെയ്യുന്നത്

കെ.ടി. ഇതിഹാസ്‌

ആലപ്പുഴ: സി.എം.പി. യുടെ യുവജനവിഭാഗമായ കെ.എസ്.വൈ.എഫിന്റെ സംസ്ഥാനസെക്രട്ടറി കെ.ടി. ഇതിഹാസ് ജോലിതട്ടിപ്പു നടത്തിയത് കൊച്ചിയിൽ ഭാര്യ ജോലിചെയ്യുന്ന സ്ഥാപനത്തിന്റെ പേരിൽ. മുഹമ്മയിൽ ഒളിവിൽക്കഴിഞ്ഞ ഇതിഹാസിനെ കഴിഞ്ഞദിവസം എറണാകുളം സെൻട്രൽ പോലീസ് അറസ്റ്റുചെയ്തിരുന്നു.

കൊച്ചിയിലെ ഇ-ഗവേണൻസ് സ്ഥാപനത്തിലാണു ഇതിഹാസിന്റെ ഭാര്യ ജോലി ചെയ്യുന്നത്. കേന്ദ്രസർക്കാർ സ്ഥാപനമാണിതെന്നും ഇവിടെ ജോലി നൽകാമെന്നും തെറ്റിദ്ധരിപ്പിച്ച്‌ പണം വാങ്ങിയെന്നാണു പരാതി. ‘നിയമനം’ ലഭിച്ചവർക്കു ശമ്പളം കിട്ടാതായതോടെയാണു പ്രശ്നം തുടങ്ങിയത്. നൽകിയപണം തിരികെച്ചോദിച്ചപ്പോൾ അതു നിക്ഷേപമായി സ്ഥാപനത്തിലുണ്ടെന്നും പിന്നീടു നൽകുമെന്നും വിശ്വസിപ്പിക്കാൻ ശ്രമിച്ചു.



സ്ഥാപനത്തിനെതിരേ ഒരു യു-ട്യൂബ് ചാനലിൽ വാർത്തവന്നപ്പോൾ ഇതിഹാസ് പ്രതികരിച്ചിരുന്നു. സ്ഥാപനത്തിന്റെ പ്രസിഡന്റ് മറ്റൊരാളാണെന്നും തനിക്ക് ഒരുബന്ധവുമില്ലെന്നായിരുന്നു നിലപാട്. ജോലിക്കായി പലരെയും ശുപാർശ ചെയ്തിരുന്നെന്നും അത് ഭാര്യ ജോലിചെയ്യുന്ന സ്ഥാപനമെന്ന നിലയിലാണെന്നുമായിരുന്നു വാദം. എന്നാൽ, പലരിൽനിന്നും പണം വാങ്ങിയത് ഇതിഹാസ് തന്നെയായിരുന്നെന്നാണു പോലീസിനു ലഭിച്ച വിവരം.

നിതി ആയോഗിന്റേതുൾപ്പെടെയുള്ള ഫണ്ടു ലഭിക്കുന്ന എൻ.ജി.ഒ. ആയാണ് ഇ-ഗവേണൻസ് സ്ഥാപനം പ്രവർത്തിക്കുന്നത്. സ്കൂളുകളും മറ്റു സ്ഥാപനങ്ങളും സൗജന്യമായി ഡിജിറ്റൈസ് ചെയ്തുകൊടുക്കുമെന്നും സ്ഥാപനം വാഗ്ദാനംചെയ്തിരുന്നു. ഇതേക്കുറിച്ചു കൂടുതൽ അന്വേഷണം നടക്കുകയാണ്.

അന്തരിച്ച കെ.ആർ. ഗൗരിയമ്മയുടെ ഡ്രൈവറായി അടുത്തുകൂടിയ ഇതിഹാസ് ജെ.എസ്.എസ്. നേതാക്കളെയെല്ലാം കടത്തിവെട്ടിയാണു കർഷകത്തൊഴിലാളി ക്ഷേമനിധി ബോർഡ് ചെയർമാനായത്. എന്നാൽ, പിന്നീട് ഗൗരിയമ്മ പാർട്ടിയിൽനിന്നു പുറത്താക്കി. പിന്നീടുനടന്ന നിയമസഭാതിരഞ്ഞെടുപ്പുസമയത്ത് ഗൗരിയമ്മയ്ക്കെതിരേ അപകീർത്തികരമായ ലേഖനം പ്രസിദ്ധീകരിച്ച മാസികയുടെ വിതരണത്തിനെത്തിയപ്പോൾ ആലപ്പുഴ നോർത്ത് പോലീസ് അറസ്റ്റുചെയ്തിരുന്നു. പിന്നീട്, സി.എം.പി. യിൽ ചേക്കേറിയ ഇതിഹാസ് കെ.എസ്.വൈ.എഫിന്റെ സംസ്ഥാന നേതൃത്വത്തിൽ എത്തുകയായിരുന്നു.

Content Highlights: CMP ksyf leader kt itihas arrestedd for job fraud in alappuzha


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


FIFA World Cup 2022 Argentina vs Mexico group c match

2 min

മെക്‌സിക്കന്‍ പ്രതിരോധക്കോട്ട തകര്‍ത്തു; ജീവന്‍ തിരികെപിടിച്ച് മെസ്സിയും സംഘവും

Nov 27, 2022

Most Commented