ചെങ്ങമന്നൂർ: പ്രളയക്കെടുതികള്‍ വിലയിരുത്താനും ദുരിതാശ്വാസ ക്യാമ്പുകളിൽ കഴിയുന്നവരെ സന്ദർശിക്കാനും മുഖ്യമന്ത്രി പിണറായി വിജയൻ ദുരിത ബാധിത പ്രദേശങ്ങളിൽ എത്തി.
രാവിലെ എട്ട് മണിക്ക് ഹെലിക്കോപ്റ്റര്‍ മാര്‍ഗം തിരുവനന്തപുരത്ത് നിന്ന് പുറപ്പെട്ട മുഖ്യമന്ത്രി 8.45 ന് ചെങ്ങന്നൂരെത്തി.ക്രിസ്ത്യന്‍ കോളജ് ഗ്രൗണ്ടില്‍ ഇറങ്ങിയ മുഖ്യമന്ത്രി അവിടെ നിന്ന് ദുരിതാശ്വാസ ക്യാമ്പിലേക്ക് നടന്നാണ് പോയത്.
ചെങ്ങന്നൂരിലെ ക്യാമ്പ് സന്ദർശിച്ച ശേഷം മുഖ്യമന്ത്രി കോഴഞ്ചേരിയിലേക്ക് പോയി. തുടർന്ന് ആലപ്പുഴയിലെ ലിയോ തേര്‍ട്ടീന്ത് സ്‌കൂളിലെ ദുരിതാശ്വാസ ക്യാമ്പിലാകും മുഖ്യമന്ത്രി എത്തുക.
ഉച്ചയ്ക്ക് ശേഷം എറണാകുളം ജില്ലയിലെ നോർത്ത് പറവൂരിലെ ക്യാമ്പും പിന്നീട് തൃശ്ശൂർ ജില്ലയിലെ ചാലക്കുടിയിലും സന്ദർശനം നടത്തും. തുടർന്ന് തിരുവനന്തപുരത്തെത്തി അവലോകന യോഗത്തിൽ പങ്കെടുക്കും. റവന്യൂമന്ത്രി, ചീഫ് സെക്രട്ടറി, റവന്യൂ സെക്രട്ടറി, ഡിജിപി തുടങ്ങിയവരും മുഖ്യമന്ത്രിയോടൊപ്പമുണ്ട്.
RELATED STORIES
IN CASE YOU MISSED IT
.jpg?$p=351d588&f=1x1&w=100&q=0.8)
.jpg?$p=1990e2a&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..