തിരുവോണ ഒത്തുചേരലുകള്‍ ഓണ്‍ലൈനിലൂടെ മതിയെന്ന്‌ മുഖ്യമന്ത്രി


പിണറായി വിജയൻ | ഫോട്ടോ: മാതൃഭൂമി

തിരുവനന്തപുരം: അസാധാരണമായ ലോകസാഹചര്യത്തിലാണ് ഇത്തവണ തിരുവോണം കടന്നുവരുന്നതെന്നും രോഗകാലത്തെ മുറിച്ചുകടക്കാന്‍ നമുക്ക് കഴിയുമെന്ന പ്രത്യാശ പകര്‍ന്നാകണം ഇത്തവണത്തെ ഓണമെന്നും മുഖ്യമന്ത്രി പിണറായി വിജയന്‍. കൃത്യമായ കരുതലോടെ വേണം ഇത്തവണ ഓണത്തെ വരവേല്‍ക്കേണ്ടത്. ഒത്തുചേരലുകള്‍ ഓണ്‍ലൈനിലൂടെ മതിയെന്ന നിര്‍ദേശവും അദ്ദേഹം മുന്നോട്ടുവെച്ചു.

ഓണം വലിയൊരു പ്രതീക്ഷയും പ്രത്യാശയുമാണ്‌. ഏതു പ്രതികൂല സാഹചര്യത്തിനുമപ്പുറത്ത് അനുകൂലമായ പ്രകാശപൂര്‍ണമായ കാലമുണ്ടെന്ന പ്രതീക്ഷ നല്‍കുന്നതാണ് ഓണം. കൃത്യമായ കരുതലോടെ ആവണം ഓണത്തെ വരവേല്ക്കുന്നത്. കോവിഡ് 19 വ്യാപനം ഉണ്ടാകാനിടയുളള യാതൊരു കാര്യവും സംഭവിക്കാതെ നോക്കണം പൊതുസദ്യയും ആളുകള്‍ കൂട്ടംകൂടുന്ന ആഘോഷ പരിപാടിയും പരിപൂര്‍ണമായും ഒഴിവാക്കണം.

ഓണത്തിന്റെ സമയത്ത് ബന്ധുക്കളുടേയും സുഹൃത്തുക്കളുടേയും വീടുകള്‍ സന്ദര്‍ശിക്കുന്ന പതിവുണ്ട്. ഇത്തവണ അത്തരം പതിവുകളില്‍നിന്ന് വിട്ടുനില്‍ക്കാന്‍ എല്ലാവരും തയ്യാറാകണം. റിവേഴ്‌സ് ക്വാറന്റീനില്‍ കഴിയുന്ന വയോജനങ്ങളെ സന്ദര്‍ശിക്കുന്നത് ഒഴിവാക്കണം. ഇത്തരം സാഹചര്യത്തില്‍ പരിമിതികള്‍ ഉണ്ടെങ്കിലും ഓണ്‍ലൈന്‍ സൗകര്യം ഉപയോഗിച്ച് പരസ്പരം കാണാനും സംസാരിക്കാനും സന്തോഷം പങ്കുവെക്കാനും ശ്രമിക്കുക.- മുഖ്യമന്ത്രി പറഞ്ഞു.

വിപണികള്‍ ഏററവും കൂടുതല്‍ സജീവമാകുന്ന സമയമാണ് ഓണക്കാലമെന്നും ഇത്തവണ കോവിഡ് നിയന്ത്രണങ്ങള്‍ മൂലം പരിമിതികളുളളതിനാല്‍ ഷോപ്പിങ്ങിനായി പോകുമ്പോള്‍ കുട്ടികളെയും പ്രായമായരേയും കൊണ്ടുപോകാതിരിക്കാന്‍ ശ്രമിക്കണമെന്നും മുഖ്യമന്ത്രി പറഞ്ഞു. ഒരു വീട്ടില്‍നിന്ന് ഒന്നോ രണ്ടോ പേര്‍മാത്രം ഷോപ്പിങ്ങിനായി പോയാല്‍ മതിയെന്നും പോകുന്നവര്‍ കൈകള്‍ സാനിറ്റൈസ് ചെയ്യാനും മാസ്‌ക് ധരിക്കാനും സാമൂഹിക അകലം പാലിക്കാനും തയ്യാറാകണം.

തിരക്കുകൂടുമ്പോള്‍ ഷട്ടര്‍ താഴ്ത്തുന്ന രീതി ചില കടക്കാര്‍ സ്വീകരിക്കാറുണ്ട്. അത് വായുസഞ്ചാരം കുറയുകയും രോഗം പടരാനുളള സാഹചര്യം സൃഷ്ടിക്കുകയും ചെയ്യും. അതിനാല്‍ അപ്രകാരം ചെയ്യരുത്. കടകളില്‍ എത്ര ആളുകള്‍ വീതം കയറാമെന്നുളള മാനദണ്ഡങ്ങള്‍ കൃത്യമായി പാലിക്കണം. ഹോം ഡെലിവറിയും ഓണ്‍ലൈന്‍ ഷോപ്പിങും സാഹചര്യമുളളവര്‍ പരമാവധി ആ സാധ്യതകള്‍ ഉപയോഗിക്കാന്‍ ശ്രമിക്കണമെന്നും മുഖ്യമന്ത്രി പറഞ്ഞു. കടകളിലെ തിരക്ക് കുറയ്ക്കുന്നതിന് വേണ്ടിയാണ് പ്രവര്‍ത്തന സമയം ദീര്‍ഘിപ്പിക്കാന്‍ തയ്യാറായത്.

തുണിക്കടകളില്‍ വസ്ത്രങ്ങള്‍ ധരിച്ച് നോക്കുന്ന രീതി ഒഴിവാക്കണം. അനാവശ്യമായി കടകളിലുളള മറ്റുവസ്തുക്കളില്‍ സ്പര്‍ശിക്കരുത്. ബില്‍ പണമായി നല്‍കാതെ കഴിയാവുന്നത്ര ഡിജിറ്റല്‍ പണമിടപാട് നടത്തുക. എല്ലാ കടകളിലും ബ്രേക്ക് ദ ചെയിന്‍ കൗണ്ടറുകള്‍ നിര്‍ബന്ധമായും സ്ഥാപിച്ചിരിക്കണം. കടയില്‍ കയറുന്നതിന് മുമ്പും ഇറങ്ങുമ്പോഴും കൈകള്‍ സാനിറ്റൈസ് ചെയ്യണം. വീടുകളില്‍ തിരിച്ചെത്തിയാല്‍ ദേഹശുദ്ധി വരുത്താനും ശ്രദ്ധിക്കണം. മുന്‍കരുതലുകള്‍ എടുത്ത് രോഗം പടരാനുളള സാഹചര്യങ്ങള്‍ ഒഴിവാക്കുമെന്ന് പ്രതിജ്ഞയെടുത്തുകൊണ്ടാകണം ഓണം ആഘോഷിക്കേണ്ടതെന്നും മുഖ്യമന്ത്രി കൂട്ടിച്ചേര്‍ത്തു.

എല്ലാവിധ ഭേദഗതികള്‍ക്കും ഭേദചിന്തകള്‍ക്കും അതീതമായി സന്തോഷത്തോടെ എല്ലാ മനുഷ്യരും കഴിയുന്ന ഒരു നല്ല കാലത്തിന്റെ പിറവിക്കായി ഓണം പ്രചോദനമാകട്ടെയെന്നും കോവിഡ് വ്യവസ്ഥകള്‍ പാലിച്ചുകൊണ്ട് പരിമിതികള്‍ക്കുളളില്‍ നിന്നുകൊണ്ട് ഓണം ആഘോഷിക്കാമെന്നും പറഞ്ഞ മുഖ്യമന്ത്രി മലയാളികള്‍ക്ക് ഓണാശംസകള്‍ നേരുകയും ചെയ്തു.

Content Highlights: CM Pinarayi Vijayan Press meet

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rape survivor vijay babu

1 min

9-ാം ക്ലാസുകാരനെതിരായ പീഡനക്കേസില്‍ ട്വിസ്റ്റ്; പെണ്‍കുട്ടിയുടെ പിതാവ് മകളെ പീഡിപ്പിച്ചകേസില്‍ പ്രതി

Aug 12, 2022


thomas isaac

2 min

'ആ അഞ്ചുവര്‍ഷം നഷ്ടപ്പെട്ടില്ലായിരുന്നെങ്കില്‍ വേറൊരു കേരളമായേനെ, ഇ.ഡിയുടെ നീക്കം പാര്‍ട്ടി നേരിടും'

Aug 11, 2022


14:00

'ഞാൻ ചെല്ലുമ്പോഴേക്കും അ‌ച്ഛന്റെ ദേഹത്തെ ചൂടുപോലും പോയിരുന്നു' | Suresh Gopi | Gokul | Talkies

Jul 26, 2022

Most Commented