പ്രത്യാശയുടെ കിരണങ്ങളുമായി ഇന്ന് ക്രിസ്മസ്;കോവിഡ് നിയന്ത്രണങ്ങളില്‍ പാതിരാ കുര്‍ബാനയും ആരാധനയും


കണ്ണൂർ ബർണശ്ശേരി ഹോളി ട്രിനിറ്റി കത്തീഡ്രലിൽ നടന്ന പാതിരാ കുർബാനയിൽ ബിഷപ്പ് ഡോ.അലക്‌സ് വടക്കുംതല ഉണ്ണിയേശുവിന്റെ തിരുസ്വരൂപം പുൽക്കൂട്ടിൽ വെക്കാനായി കൊണ്ടുപോകുന്നു.

കോഴിക്കോട്: കോവിഡ് പരത്തിയ ആശങ്കകള്‍ക്ക് മീതേ പ്രതീക്ഷയുടെയും പ്രത്യാശയുടെയും പൊന്‍കിരണങ്ങളുമായി ഇന്ന് ക്രിസ്മസ്. ലോകത്തിന് പ്രകാശം പകര്‍ന്ന് മിശിഹാ പിറന്നതിന്റെ ഓര്‍മ പുതുക്കി ദേവാലയങ്ങളില്‍ പ്രാര്‍ഥനാ ശുശ്രൂഷകള്‍ നടന്നു. പുരോഹിതര്‍ വിശ്വാസികള്‍ക്ക് ക്രിസ്മസ് സന്ദേശം നല്‍കി. കോവിഡ് നിയന്ത്രണങ്ങളോടെയാണ് പാതിരാ കുര്‍ബാനയും ആരാധനകളും നടന്നത്.

തിരുവനന്തപുരത്തെ പട്ടം സെന്റ്‌മേരീസ് കത്തീഡ്രലില്‍ മലങ്കര കത്തോലിക്ക സഭ ആര്‍ച്ച് ബിഷപ്പ് കര്‍ദിനാള്‍ മാര്‍ ബസേലിയോസ് ക്ലിമ്മീസ് കത്തോലിക്കാ ബാവ മുഖ്യകാര്‍മികത്വം വഹിച്ചു. പാളയം കത്തീഡ്രലില്‍ ഡോ.എം. സൂസപാക്യം നേതൃത്വം നല്‍കി.

ദൈവം മനുഷ്യനാകുന്ന ക്രിസ്മസ് വേളയില്‍ ആഘോഷങ്ങള്‍ വീട്ടിലൊതുക്കുകയാണ് മിക്കവരും. കോവിഡ് അത്രമേല്‍ ക്രിസ്മസ് ആഘോഷങ്ങളെയും ബാധിച്ചത് നാട്ടിലെങ്ങും ദൃശ്യമാണ്. സഭകള്‍ ഓണ്‍ലൈനിലൂടെയാണ് മിക്കയിടത്തും ക്രിസ്മസ് ആരാധന നടത്തുന്നത്. മാര്‍ത്തോമ്മാ സഭയുടെ ആരാധന വെള്ളിയാഴ്ച രാവിലെ 7.30-ന് തുടങ്ങും. തിയഡോഷ്യസ് മാര്‍ത്തോമ്മാ മെത്രാപ്പൊലീത്ത കാര്‍മികത്വം വഹിക്കും.

മലങ്കര കത്തോലിക്കാ പള്ളികളില്‍ വ്യാഴാഴ്ച രാത്രി ആരാധന നടത്തി. ഇടവകകളിലും കൂട്ടംചേരലില്ല. പരമാവധി 30 പേരെ പങ്കെടുപ്പിച്ചുള്ള കുര്‍ബാനകള്‍ക്കാണ് വികാരിമാര്‍ ക്രമീകരണം ചെയ്തിരിക്കുന്നത്. കലാപരിപാടികളും ക്രിസ്മസ് സന്ധ്യപോലുള്ള ആഘോഷങ്ങളും എവിടെയുമില്ല. ക്രിസ്മസ് വിപണിയിലും ഉണര്‍വുണ്ടായിരുന്നില്ല. കഴിഞ്ഞ വര്‍ഷത്തെ അപേക്ഷിച്ച് 70 ശതമാനംവരെ വില്‍പ്പന കുറഞ്ഞതായി വ്യാപാരികള്‍ പറയുന്നു.

Content Highlights: Christmas celebration amid Covid 19


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented