ഇന്നലെ വരെ കാലിത്തൊഴുത്ത്; ഇന്ന് ഈ ഇരുമ്പു ഷീറ്റിനുള്ളിലുണ്ട് സ്യൂട്ട് റൂമും മിനി തിയേറ്ററും


കെ.ആർ.സേതുരാമൻ

കോവിഡ് കാലത്തെ ബോറടി മാറ്റാന്‍ തുടങ്ങിയ കരവിരുതാണിത്. പള്ളിപ്പുറം ചെറുകാട്ട് ജയകൃഷ്ണനാണ് കാലിത്തൊഴുത്തിനെ ഇത്തരത്തില്‍ മാറ്റിയത്.

കാലിത്തൊഴുത്തിന്റെ ആദ്യരൂപം| 70 ചതുരശ്രയടിയിലെ മിനി തിയേറ്റർ

അരൂര്‍: പുറത്തുനിന്നു നോക്കിയാല്‍ ഒരു ചെറു കെട്ടിടം. തുരുമ്പെടുത്ത ഇരുമ്പ് ഷീറ്റുകളാണു ചുറ്റും. അകത്തു കയറിയാല്‍ ആരുമൊന്ന് അമ്പരക്കും. വന്‍കിട ഹോട്ടലുകളിലെ പോലെ സ്യൂട്ട് മുറിയാണ് ഈ ഇരുമ്പു ഷീറ്റിനുള്ളില്‍. മുറിക്കുള്ളിലെ എന്‍ട്രി ബോര്‍ഡിനു കീഴിലെ വാതില്‍ തുറന്നാലുള്ള ലോകം അതിലും മാസ്മരികം. ഡി.ടി.എസ്. സൗണ്ട് സിസ്റ്റം ഉള്‍പ്പെടെയുള്ള മിനി തിയേറ്ററാണ് ഇവിടെ. 240 ചതുരശ്ര അടി സ്ഥലത്താണ് ഈ അദ്ഭുതലോകം.

കോവിഡ് കാലത്തെ ബോറടി മാറ്റാന്‍ തുടങ്ങിയ കരവിരുതാണിത്. പള്ളിപ്പുറം ചെറുകാട്ട് ജയകൃഷ്ണനാണ് കാലിത്തൊഴുത്തിനെ ഇത്തരത്തില്‍ മാറ്റിയത്. എട്ട് കമ്പികളില്‍ ഉയര്‍ന്നു നില്‍ക്കുന്ന ചെറിയ ഷെഡ്ഡ് കാലികളെ കെട്ടാനും വൈക്കോല്‍ നനയാതെ സൂക്ഷിക്കാനുമാണ് ഉപയോഗിച്ചിരുന്നത്. പ്ലംബിങ്, കോര്‍കട്ടിങ് ജോലികളായിരുന്നു ജയന്. കോവിഡ് പരന്നതോടെ ജോലി ഇല്ലാതായി. വീട്ടിലിരുന്നു മടുത്തപ്പോഴാണ് ഷെഡ്ഡില്‍ നോട്ടം പതിച്ചത്.

ജയകൃഷ്ണൻ
സ്യൂട്ട് റൂമിനുള്ളിൽ ജയകൃഷ്ണൻ

ആദ്യം ഇരുമ്പ് ഷീറ്റുകള്‍ ഉപയോഗിച്ച് നാലുവശവും മറച്ചു. പേരിന് പഴയ രണ്ട് വാതിലും ഒരു ജനല്‍പ്പാളിയും വെച്ചു. അപ്പോഴാണ് താന്‍ ജോലിചെയ്ത ഹോട്ടലിലെ സ്യൂട്ട് റൂം ഓര്‍മയില്‍ വന്നത്. അനുജന്‍ അഭിലാഷും അനന്തിരവന്‍ അഭിജിത്തും കൂട്ടുകാരുമൊക്കെ പിന്തുണയേകി. അങ്ങനെ കാലിത്തൊഴുത്തിന്റെ അകം ഭംഗിയേറിയ സ്യൂട്ട് റൂമാക്കി. കുളിമുറിയില്ല. പക്ഷേ ഒരാള്‍ക്ക് പെരുമാറാന്‍ കഴിയുന്ന അടുക്കളയുണ്ട്. 170 ചതുരശ്ര അടിയിലാണ് ഇവ പൂര്‍ത്തീകരിച്ചത്.

സിനിമാ കമ്പക്കാരനായ ജയന്റെ അടുത്ത ലക്ഷ്യം മിനി തിയേറ്ററായിരുന്നു. 70 ചതുരശ്ര അടിയിലാണ് തിയേറ്റര്‍. വിജയദശമി ദിനമായ വെള്ളിയാഴ്ച തിയേറ്റര്‍ ഔദ്യോഗികമായി തുറന്നു; വീട്ടുകാര്‍ക്കു മാത്രം സിനിമ കാണാന്‍. ആറ് സീറ്റുകളാണ് തിയേറ്ററില്‍. ഡി.ടി.എസ്. സൗണ്ട് സിസ്റ്റത്തിനൊപ്പം, എല്‍.ഇ.ഡി. പ്രൊജക്ടര്‍, പ്രൊജക്ടര്‍ സ്‌ക്രീന്‍, എയര്‍ കണ്ടീഷന്‍, വൈഫൈ കണക്ഷന്‍, തിയേറ്ററിലെപ്പോലെ എക്സിറ്റ് എന്‍ട്രി ബോര്‍ഡ്, പുഷ്ബാക്ക് സീറ്റ് എന്നിവയൊക്കെയുണ്ട്.

kochi
ഇരുമ്പ് ഷീറ്റുകളാൽ മറച്ച സ്യൂട്ട്‌ റൂമിന്റേയും തിയേറ്ററിന്റേയും പുറമേ നിന്നുള്ള കാഴ്ച

നിര്‍മാണത്തിന്റെ 80 ശതമാനവും തീര്‍ത്തത് ജയന്‍ ഒറ്റയ്ക്കാണ്. പള്ളിപ്പുറം സാബു എന്ന പെയിന്ററുടെ കഴിവു കൂടിയായപ്പോള്‍ സിനിമാ തിയേറ്ററിന്റെ ഫുള്‍ ഫീലായി. മാതൃഭൂമി ഏജന്റാണ് ജയകൃഷ്ണനും അനുജന്‍ അഭിലാഷും.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022


KODIYERI VS

1 min

'അച്ഛന്റെ കണ്ണുകളില്‍ ഒരു നനവ് വ്യക്തമായി കാണാനായി; അനുശോചനം അറിയിക്കണം എന്നു മാത്രം പറഞ്ഞു'

Oct 1, 2022


Kodiyeri Balakrishnan

2 min

കോടിയേരി ബാലകൃഷ്ണന്‍  അന്തരിച്ചു

Oct 1, 2022

Most Commented